Sam
Mikitam* Deeve wo.
16 Oo Mɛlɛka nuu, manda ya, kanifuule o numndo ya viaŋnuŋ ni.+
2 Mi dimul Chɛhowa aa: “Num cho Chɛhowa ni, Mɛlɛka tosal la sɔɔŋ kɛndɔŋ ndo.
3 Wanaa diandaa o lɛŋndeŋ choo,
A wanaa tɔɔmaa bɛnduaa tosa mi sɔla nyaaloo tau tau.”+
4 Wanaa tual mɛlɛkaa cheleŋnda kɔɔli wa chɔɔlu dɛnɛ palaa tusiŋ choo.+
Fɛɛŋ bɛɛ I soli sala makoŋgoo le nda le,
Nduyɛ chɔchɔŋ nuŋ suu a diola ndalaŋ okɔɔ le.+
5 Chɛhowa cho buŋgɛi nyɛm kɛŋ nuŋ+ a taala nuu ni.+
Ndu manda nyɛm kɛŋ nuŋ ni.
6 Fondaŋnda kɛndɛlaŋ pila nda tuu ni ma ke ya.
A tonya, I hini kɔl a nyɛm kɛŋ nuŋ.+
7 I cho Chɛhowa saŋgala, wana ke ya silaa wo.+
Nduyɛ hali ichɔl bɛɛ, mi yiyaŋnda nila yiŋgoloŋndaŋ la miŋgi ya o nɛi.+
8 I kɛsiŋ Chɛhowa ya lachi le teleŋ o teleŋ.+
Le mɛɛ o cho o ba ni kɛndɔɔ choo yɛ, nyɛ o nyɛ hiiluu ya le.+
9 Lelaŋ, nyaaloo cho o kɔl nuu niŋ. Yoomu nuu kpou cho a kɔl kɛndɛ.
Nduyɛ I choŋnuŋ hɛnɛkɛ.
10 A cho ya malɔɔ o Sɛiyo* niŋ te.+
A chɛl niŋ mi wana chɔm lo lechoo wo o numndo wo lo o sooŋndo niŋ te.*+
11 Num chɔm ya nɛi yoomoo ni.+
Nduyɛ mi sɔla nyaaloo tau tau num o hɔl.+
Kɔl kɛndɔɔ cho o ba num kɛndɔɔ choo le fɛɛŋ a fɛɛŋ.