Sam
99 Chɛhowa simnuŋ Masaa.+ Maa waŋnda nyiiya.
O cho ichali o kpeŋgei* ndɔ lemasaa choo chɛlɔbiiya choo.*+ Maa lɛŋndeŋ le hiiluŋ.
2 Chɛhowa cho o bɛndu o Saayɔŋ niŋ,
Nduyɛ o nɔ kpaayaa mbo hiau waŋnda kpou.+
3 Maa a saŋgala diola numnda tɔɔmalaŋ,+
Kanifuule la cho diola kɔndɔfili bɛndu nduyɛ la cho la diandaa.
4 Masa nɔ kpaayaa nduyɛ mbo kaala sandei yo o cho ni.+
A tosa mi sakpoyɛi sim yi.
A hiŋ a sandei a sakpoyɛi+ o Chekɔpu lo.
5 La saŋgala Chɛhowa Mɛlɛka naa,+ mi la beŋ ndu wulaŋ* naa nduaa kɛsiaa ŋpeluaa lachi,+
Kanifuule o cho o diandaa.+
6 Muuse nda Elɔŋ wa wanaa nduaa soliaa lasalaa tɛɛŋ,+
Nduyɛ Saamiɛɛ wa wanaa ndaa veelu diola ndɔlaŋ nda tɛɛŋ.+
Mi ndaa veelu Chɛhowa,
Nduyɛ mi ndoo muli nda diom.+
7 Mi ndoo soo o nda lo o yumbu yumbu ikpuŋgbaa niŋ.+
Mi ndaa bii sawala ndɔlaŋ vɛlɛ a nyɛ ndoo dimul nda le tosaa wo.+
8 Oo Chɛhowa Mɛlɛka naa, ma muli nda diom.+