Sam
ל [Lamidi]
10 Oo Chɛhowa, le yɛɛnɛ ŋ simnuŋ yɛ nuaa landaŋ?
Le yɛɛnɛ ŋ veŋnuŋ yɛ a teleŋ kpundɔɔ?+
2 Wana dɛnɛ wɔɔŋndo tisa wana nɔ hoo wana malaa le wo kɔɔli a yoŋgaa,+
Kɛ ndupila cho delɔɔ o tuula ndɔla wɔɔŋndaŋ niŋ.+
נ [Nuŋ]
O nɔ lebɛɛ le Chɛhowa le.
4 Wana dɛnɛ wɔɔŋ heelaŋndo nuuviaa Mɛlɛka le.
Mbo dimuluŋ ndupila aa: “Mɛlɛka cho le.”+
5 Mbo sɔla batiuwaa o nyɛ o tosa wo niŋ,+
Kɛ sawala numndaŋ la cho filioŋ, o nɔla mbo bii laŋ bila le.+
Yaamɔɔwaa nduaa kpou, mbo mam nda chiki chiki.
6 Mbo dimi o kɔl niŋ aa: “Fɛɛŋ bɛɛ I hiiluŋ te.
Le fɛɛŋ a fɛɛŋ,
Kpundɛ komal la niŋ te.”+
פ [Pe]
7 Sendilaŋ, choolaŋ, vɛlɛ a kɔŋgɔliaŋndaŋ la cho ndu la piaa cha o sondo.+
Kpundɔɔ a sɔɔŋ wɔɔŋndoŋ cho o diɔɔmule ndɔleŋ choo.+
8 Mbo veŋnuŋ o sɔndɔkɔltaŋ ikɛi.
Mbo lo o fondaŋ o viaŋnuŋ koŋ ndo, mbo dii wana tɛɛmbuu isɔɔ le wo.+
ע [Ayiŋ]
O cho hɔltaŋ keeliaa le wana o del choo wo.+
9 Mbo chal chumndo o fondaŋ o veŋnuŋ koŋ ndo, mɛɛ kpɔkuŋndo* waŋnuŋ nuaa o bɛmɛlta ndɔlaŋ yɛ.+
O wa chumndo le mbo del wana nɔ wana malaa le wo choo.
Te o wuu pɛ yala ndɔɔ, o bii wana nɔ wana malaa le wo.+
10 Mbo viɔl wana o biiyo lɛŋ, nduyɛ mbo sɛɛsiaa ndu.
Mi wanaa nɔ wanaa malaa le wa del ndu o ba.
11 Mbo dimi o kɔl niŋ aa: “Mɛlɛka puɛɛnuŋ.+
O faŋa ya hɔlteŋ choo,
Nduyɛ o chi nyɛ ya cho tosaa wo le.”+
ק [Kilofi]
12 Oo Chɛhowa, chɔŋ ma sim.+ Oo Mɛlɛka nuu, heelu ba numndo.+
Puɛɛnuŋ a wanaa nɔ wanaa malaa le wa le.+
13 Le yɛɛnɛ wana dɛnɛ wɔɔŋndo kɛɛ yɛ Mɛlɛka bɛɛleŋ kioo?
Mbo dimi o kɔl niŋ aa: “Mɛlɛka cho ya tɔɔyaŋ biyɔɔ le.”
ר [Luɛsi]
14 Kɛ num Mɛlɛka, ma che kpundɔɔ a dɛnɛ palaa.
Ma che sɔɔŋ muŋ kpou, nduyɛ ma tosa nyɛ a muŋ okɔɔ.+
O numndo wana nɔ wana malaa le wo muliŋ ni.+
Num mala wana nɔ finya le wo ni.+
ש [Siŋ]
16 Chɛhowa cho Masaa le fɛɛŋ a fɛɛŋ ni.+
Nduyɛ, kaalaŋ o lɛŋndeŋ choo la sɔla tambei.+
ת [Tau]
17 Oo Chɛhowa, yaŋ nilaŋ o piɛile wanaa tusiaŋnda.+