Sam
O wana sim lachi le chondei yo lo, le Nɛhilɔti.* Chondii Deeve ve.
5 Oo Chɛhowa, yaŋ nilaŋ o piɛile nileŋ,+
Ma bii nyɛ nɛiyaa ya cho niŋndo bila.
2 Yaŋ ya nilaŋ o chaŋ ya cho naa num chua le malaa wo,
Oo Masa nuu a Mɛlɛka nuu, kanifuule o numndo ya cho piɛileŋ ni.
3 Oo Chɛhowa, a cho diom nuu tueiyɔɔ idii.+
I cho num bahawɛila nilaŋ chɔm idii,+ nduyɛ mi chal num chum kpɛ.
4 Kanifuule, a cho Mɛlɛka naŋ kɔl le dɛnɛ wɔɔŋndo le.+
Wana dɛnɛ wɔɔŋ kɛ kɛ lo a num latulu le.+
5 Wana yoŋga kɛ kɛ sim num o hɔl te.
Nduyɛ a tul wanaa tosa sɔɔŋ wɔɔŋndoŋ nda kpou leyɛ.+
6 A cho wanaa dimi choolaŋ nda tɛɛmbuu.+
Num Chɛhowa, a tul wanaa kaala sɔŋgɔlaŋ a choolaŋ nda* leyɛ.+
7 Kɛ ya ya, I cho luɛiyɔɔ o numndo chiɛiniŋ,+ le kaala lo lechoo num bɛndoo.+
I cho wulaŋ baŋɔɔ chiɛi num diandaa lachi, le mɛɛ ya nɔ siooŋii numnde yɛ.+
8 Oo Chɛhowa, kɔ a ya o nɛila numnda sakpo laŋ choo, kanifuule yaamɔɔwaa niaa cho ya a balaa silɔ.
Tosa mi nɛi numndo wa ya lachi wakpa.+
9 Nyɛ o nyɛ nda dimi, wana tiindaŋ ndu le.
Nyɛ o nyɛ cho nda niŋ te, mɛɛ yɛletulaaleŋ.
Bolola ndalaŋ la cho ko maa sɛi cho o kumbiaa wo.
Ma dimul waŋnda sɔɔŋ yeelɛiyoŋ a diɔɔmuii ndɛi.+
10 Kɛ Mɛlɛka cho nda yamɛi kilul.
Tuula ndala wɔɔŋndaŋ la cho tosa ma del wɔ.+
Maa a sɔla touwɔɔ le mɛɛ dɛnɛla ndala wɔɔŋndaŋ la kui tau tau yɛ,
Kanifuule a simul num.
11 Kɛ wanaa viaŋnuŋ num o ba bɛŋgu wa kpou cho wa a nyaale.+
A cho wa deŋioo teleŋ o teleŋ a nyaaloo.
A cho nda manda,
Nduyɛ wanaa kaala diola numndaŋ nda cho nyaale dɔɔnɔŋ o num niŋ.
12 Oo Chɛhowa, wana o wana cho sakpo, a cho ndu salaa dɔwɔɔ.
A cho hini kɔl a ndu, mɛɛ boo chɔu bɛndoo+ manda nuaa waŋndo yɛ.