Sam
Chondei. Chondii Asafi+ ve.
83 Oo Mɛlɛka, yandii soo.+
Oo Wana Diandaa, meinuŋ kpili ɔɔ ma chalnuŋ kpɛ le.
2 Tofawɔ! Yaamɔɔwaa numnda cho kuuliaalaŋ,+
Nduyɛ mi wanaa tul num leyɛ wa wa num yoŋgaa tosallo.
4 A dimi aa: “La huŋ miŋ tɛɛmbuŋ kaaleŋ Isɔluɛi,+
Le mi le nyum pɔli, fɛɛŋ bɛɛ wana yiyaŋ lɛ a leŋ okɔɔ le.”
5 A yiinaŋ naapilɛ le kɛɛsiaa tosaa.
A tosa chɛlaŋndo* le num simullo.+
6 Nda cho yɛ Idɔmaitiiya nda Isimɛlaitiiya ni, Mowabaitiiya+ nda Hakiluaitiiya,+
7 Yuŋgu Keba wo, yuŋgu Amɔŋ ndo,+ a yuŋgu Amalɛki wo,
8 Asiiliaa+ bɛɛ sɔɔŋguu nda choo.
A toolu wanaa fula o pulale Lɔtu leŋ choo wa.+ (Sila)
9 Tosal nda mɛɛ ŋ tosa a waŋnda Midiaa yɛ,+
10 Ma tɛɛmbuu nda Ɛŋ-dɔɔ,+
Nduyɛ ma simnuŋ nyɛ tosa mi tɔlɔɔlaŋ la naŋ ndo.
11 Tosa a wanaa ndaa banaa, mɛɛ ŋ tosa a Oluɛbi nda Siɛɛbi yɛ.+
Nduyɛ ma tosa a simlachiaa ndaa, mɛɛ ŋ tosa a Sɛbaa nda Salimuna yɛ.+
12 Kanifuule ma dimi aa: “Ŋ kɔ biinuŋ lɛŋnde Mɛlɛka cho ichali leniŋ ndeŋ.”
13 Oo Mɛlɛka, tosa ma simnuŋ maa bil vesɛi,+
Nduyɛ ma wa maa tɛfɛla hueiye hɔŋ mi la kuɛŋnuŋ ndaŋ.
14 Mɛɛ yiŋndeŋ le luam nuaa yondoo yɛ,
Vɛlɛ a mɛɛ le pooliaa nuaa pembuŋ bɛndoŋ yɛ,+
15 Lende koni ŋ tou nda a hueiyii feleŋ feleŋii numnde ni,+
Nduyɛ ma luei nda siooŋnde a hueiyii num ii bɛnduei.+
16 Oo Chɛhowa, tusi nda siɔmbulaŋ,
Le halikpeŋ ma veelu diola numndaŋ.
17 Maa siɔmbulaŋ a siooŋnde bii nda lefafɛɛŋ.
Maa a tambu labɛɛ nduyɛ ma sɔla tambei fɔ!