Sam
Chondii Deeve ve.
103 I cho Chɛhowa saŋgala.
I cho diola ndɔla diandaa laŋ saŋgala a nyɛ o nyɛ cho ya niŋ.
2 I cho Chɛhowa saŋgala.
Maa fɛɛŋ bɛɛ I puɛɛnuŋ a sɔɔŋ o tosa woŋ kpou okɔɔ le.+
4 Mbo soli yoomu numndo o sooŋndo* niŋ,+
Nduyɛ mbo wou num kaala lo lechoo ndɔɔ a nyɛiyii nduɛi maa mɔsil lemasa.+
5 O cho num nyɛm kɛndɔŋ ke o yoomu numndo niŋ kpou ma naŋ kɔl,+
8 Chɛhowa, Mɛlɛka nɔ nyiɛɛye a kɛndɛi yo o cho ni.+
O cho wana dɔɔnuŋ tumbe chɔchɔ le, nduyɛ kaala lo lechoo ndɔɔ cho bɔɔ.+
10 O bii naa mbo sulaŋ a mɛɛ hakila naalaŋ la cho yɛ le,+
Kɛlɛŋgaa niŋ te mbo tusi naa nyɛpalaa naŋ nɔ miŋ sɔla wo choo le biondɔŋnda naalaŋ.+
11 Kanifuule mɛɛ choo choo cho landaŋ a lɛŋndeŋ yɛ,
Lende koni kaala lo lechoo o chɔm wanaa nɔ siooŋii nduɛi ya wo cho o bɛndu ni.+
12 Mɛɛ ba paaleŋ le chaŋ ndo cho landaŋ a ba le del lo yɛ,
Lende koni o kɛsi biondɔŋnda naalaŋ landaŋ a naa ni.+
13 Mɛɛ finyaa chɔm nuaa puaa nduaa nyiɛɛye yɛ,
Lende koni Chɛhowa chɔm wanaa nɔ siooŋii nduɛi ya nyiɛɛye ni.+
14 Kanifuule o sina mɛɛ o toosiaa naa yɛ.+
O sina maa puuloo naŋ cho ni.+
15 Palɛi wanachioo cho ko mɛɛ billo cho nuaa yɛ.+
Mi wanachioo niŋgila niŋgili mɛɛ peeŋgelaŋ la pɛɛŋga nuaa yondoo niŋ mi la naŋ nua yɛ.+
16 Kɛ te hueiye hɔŋ dɔɔ pɛ la lo pɛ,
Naŋ chaa la ve bɛɛ le.*
17 Kɛ kaala lo lechoo Chɛhowa chɔm wanaa nɔ siooŋii nduɛi ya wo,
Cho le fɛɛŋ a fɛɛŋ.+
Nduyɛ mbo chɔm chuauwaa ndaa mamaa sakpoyɛi nduɛi.+
18 Mbo chɔm vɛlɛ wanaa lo o kpema ndɔɔ choo wa+ kaala lo lechoo wo a sakpoyɛi nduɛi,
Vɛlɛ a wanaa bii sawala ndɔlaŋ nyɛkɛndɛi ya.
19 Chɛhowa kɛsi kpeŋgbei* ndɔ lemasaa o choo choo niŋ yi,+
Nduyɛ ndu cho masaa nyɛ o nyɛ fee choo ni.+
20 La saŋgala Chɛhowa nya maalikɛiyaa nduaa+ kpaayaa bɛnduaa kpou.
Nya tuɛi ndu diom ni+ nduyɛ mi la tosa nyɛ o dimul nya wo.
22 Nyɛ o nyɛ Chɛhowa toosiaa, la saŋgala ndu
O fondaŋnda o cho masaleŋ choo laŋ kpou.
Maa yoomu nuu kpou saŋgala Chɛhowa.