Polowaa
2 Po nuu, te a chɛl pɛ nyɛ ya cho num dimullo wo,
Nduyɛ ma che sawala nilaŋ la sɔvɛ,+
2 Te a yaŋ pɛ nilaŋ nyɛkɛndɛi o sɔɔŋ taasioŋ,+
Nduyɛ ma landuŋ kɔl le ma nɔ sinapɛŋgoo,+
3 O faŋaŋ okoŋ kɔɔli, te a nyuna pɛ le ma bii sɔɔŋ bila,+
Nduyɛ ma nyɔɔlu le ma sɔla sinapɛŋgoo,+
4 Te a hiou pɛ lachi a ndu nuuviaa mɛɛ waŋndo nuuviaa nuaa kaniŋ humboŋ yɛ,+
Nduyɛ ma hiou lachi a ndu nuuviaa mɛɛ waŋndo nuuviaa nuaa nyɛm baa kalaŋ cho ŋ viaŋaa lɛŋ ndoŋ yɛ,+
5 A cho sina nyɛ o sim le siooŋnde nɔɔ le Chɛhowa wo,+
Nduyɛ ma saaluŋ kɔl kalu Mɛlɛkaa.+
6 Kanifuule, Chɛhowa pila ke wana taasioo ni.+
Ndu o ba kɔl kaloo a sinapɛŋgoo fula ni.
7 Mbo manda taasi kpeekpeiyo le wana cho sakpo wo,
Nduyɛ ndu cho boo chɔuwo le wanaa chɔm lo lechoo wo o ndu lo wa ni.+
8 Hɔlte ndɔleŋ le cho wanaa tosa sɔɔŋ sakpo wa choo,
Nduyɛ mbo manda wanaa chɔm lo lechoo wo o ndu lo wa.+
9 Okoŋ, a cho biyɔɔ bila nyɛ cho sakpoyɛi, sandei, tonyaa,
A nyɛ o nyɛ cho suɛi kɛndɛ.+
10 Te taasioo luɛi num pɛ o kɔl,+
Nduyɛ mi kɔl kaloo simnuŋ nyɛ sɔvɛ o yoomu* numndo niŋ,+
11 A cho yiyaŋ fɛŋ tuupa ma tosa nyɛ o nyɛ,+
Nduyɛ sinapɛŋgoo cho num manda,
12 A tosa sɔɔŋ wɔɔŋndoŋ te,
Nduyɛ mbo mala num wana dimi choolaŋ ndo nɔla niŋ num te.+
13 O cho num vɛlɛ mala, wanaa mal nɛi tonyaa,
Okoŋ ma muliŋ kɔŋndaŋ o nɛi manyumndo choo+ wa nɔla niŋ num te.
14 Wanaa duaunuŋ nyaale le dɛnɛ wɔɔŋndo tosaa wa,
A wa a kɔl kɛndɛ le sɔɔŋ wɔɔŋ suu o suu wa bɛɛ nɔla niŋ num te.
15 Nduyɛ wanaa kelala ndalaŋ la sendu le wa,
A yoomu ndaa kpou cho o kafalaŋ choo wa bɛɛ nɔla niŋ num te.
O balu a sondo yeelɛiyo wo bɛɛ nɔla niŋ num te,
17 O mal pɔnɔ* nda chal o nɔɔ niŋ o feleŋgɔyɛi niŋndo,+
Nduyɛ mbo puɛɛnuŋ kpema o yii Mɛlɛka o hɔl lo wo.
18 Chiɛi ndɔɔ cho ko maa kɔlaŋ o piɔmndo niŋ,
Nduyɛ nɛila ndɔlaŋ la cho ko maa kɔla waa o sɛiyo niŋ.+
20 Lelaŋ tol wanaa kɛndiaa kɔɔli,
Nduyɛ ma lo o nɛi wanaa sandu wa choo.+
21 Kanifuule, wanaa sandu wa kinɛi cho wa o lɛŋndeŋ choo ni,
22 Wanaa dɛnɛ wɔɔŋnda nda, Mɛlɛka cho nda faŋa bau o lɛŋndeŋ choo.+
Nduyɛ, wanaa mulu muluaŋnda cho lɛ wa leniŋ te.+