Choobu
12 Okoŋ mi Choobu dimi aa:
2 “O kpeekpei niŋ, nya sina nyɛ o nyɛ ni.*
Nduyɛ, a taasioo latulu nya cho wu ni!
3 Kɛ ya bɛɛ nɔ sinapɛŋgoo.*
La hiu ya le.
Nɛɛ kpeekpei sina yɛ sɔɔŋ muŋ te?
Wana cho sakpo nduyɛ o nɔ sɔŋ o sɔŋ te wo simnuŋ niŋ nyɛ mamaa.
5 Wana buulaŋ te wo tul dɛnɛ palaa leyɛ,
Kanifuule, o yiyaŋ maa wanaa cho niŋ o nyɛkindilaa niŋnda* sɔɔŋ palaŋ komal ni.
6 Wanaa dɛnɛ wɔɔŋnda choŋnuŋ o kɔl nyulu niŋ o tɛndiila ndalaŋ niŋ,+
Nduyɛ wanaa mam Mɛlɛka wa choŋnuŋ hɛnɛkɛ.+
Waŋnda haa, mɛlɛkaa ndaa choŋnuŋ nda o laba.
7 Kɛ a yandii, nyuna wɔ visiaa, a cho num isɔɔ pɛɛku,
Ɔɔ youwaa balu o choo choo niŋnda, a cho num isɔɔ dimul.
8 Mɛɛndaŋ ndɔ nyɛm cho o lɛŋndeŋ choo woŋ, ŋ cho num isɔɔ pɛɛku,
Nduyɛ ma mɛɛndaŋ suuwa o pee mɛŋma ihɛllo niŋ, a cho isɔɔ pɛɛku.
9 O nyɛm Mɛlɛka toosiaa muŋ ndoŋ tɛɛŋ kpou,
O kuɛɛ cho yɛ o sina te Chɛhowa le toosiaa ndu a bala ndɔlaŋ te?
11 Mɛɛ diɔɔmuleŋ le dembi nuaa nyɛdiaa yɛ,
Lende koni nileŋ le tuɛi suɛi ni mi le sina ndi pɛŋgu.+
12 Taasioo pila bɛnduaa yuuwa nɔ ni,+
Nduyɛ sinapɛŋgoo pila wanaa viou niŋ yoomu wa nɔ ni.
13 Mɛlɛka nɔ taasioo, nduyɛ o cho wana kpaaya bɛndu.+
O nɔ sinapɛŋgoo, nduyɛ mbo tosa nyɛ o dimi wo.+
14 Te o tɛɛmbuu nyɔɔ pɛ, wana o wana nɔla mbo miŋgi ndu toosiaa le.+
Nduyɛ te o kinda nyɔɔ pɛ, wana nɔla ndu kumbi le.
15 Te o bii mɛŋndaŋ pɛ, nyɛ o nyɛ vesa sɛɛŋ.+
Nduyɛ te o mal maŋ pɛ, ma pɛ o lɛŋndeŋ choo.+
16 O nɔ dialuŋ kalaŋ a taasioo.+
Wanaa waŋnda hui ya a wanaa hui waŋnda wa, ndu o ba nda cho ni.
18 Mbo puu masaa waa kpaayalaŋ o ba,+
Nduyɛ mbo baa nda yauleŋ o chaŋ.
19 Mbo tosa mi wanaa soliaa lasalaa balu peluŋ fondo.+
Nduyɛ mbo faŋa wanaa cho o kpaayalaŋ choo wa, mbo miŋgi wanaa cheleŋ o foofola ndalaŋ.+
20 Mbo tosa wanaa waŋnda tiindaŋ le nda silaa wa chiee lɛ suɛi le,
Mbo tosa vɛlɛ mi falaa* nɔ taasioo wa simnuŋ diɔmnda.
22 Mbo chɔɔmuu sɔɔŋ yiŋgoloŋ yɔŋnuŋ o nyumndaŋ niŋndoŋ,+
Nduyɛ mbo tusi nyɛ teŋgaa le nyumma kpiŋgbiaŋ teeŋgiaa.
23 Mbo tosa mi waŋnda kui tau o lɛŋnde niŋ le nda tɛɛmbuuwo,
Nduyɛ mbo tosa vɛlɛ mi waŋnda kui tau o lɛŋnde niŋ, le mbo kuɛ a nda o biyɔɔ niŋ.