Sam
91 Wana o wana nuuviaa pɛ naa chalaa o fondaŋ sɔɔsɔɔ Mɛlɛka Hiou Kpou Wo,+
O cho yiyaa sɔla o wundule Mɛlɛka Kpaaya Kpou Wo bɛŋgu.+
2 I cho Chɛhowa dimul aa: “Num cho fondaŋ kala kala ya viaŋnuŋ ndo ni,+
Num cho Mɛlɛka ya tiindaŋ ndo ni.”+
3 Kanifuule, o cho num manda a heu o yaŋɔɔle doosunɔ youwa niŋ te,
Nduyɛ mbo soli num o naala taŋ waŋnda laŋ niŋ.
4 O cho num kumbɔɔ mɔɔsu o kumbaŋnda ndɔlaŋ bɛŋgu,
Nduyɛ ma veŋnuŋ o kumbaŋnda ndɔlaŋ bɛŋgu.+
Lo lechoo ndɔɔ+ cho wa maa boo bɛndu chɔuwo+ ɔɔ kpaki kala kalaa le num mandaa.
5 Siooŋii bii num niŋ le sɔɔŋ wɔɔŋ yɔŋnuŋ o nyumndaŋ niŋndoŋ te,+
Kɛlɛŋgaa niŋ te chiŋɔma nda wuu ipala waŋ.+
6 Siooŋii bii num niŋ le naala taŋ, mi la kpuuwa waŋnda ichɔl taŋ te,
Kɛlɛŋgaa niŋ te mi siooŋnde bii num le kpundɛla yɔŋnuŋ ipala laŋ.
7 Waŋnda waapilɛ cho deli num ikɛi,
Nduyɛ mi waŋnda waalaŋ tɔ deli o ba num kɛndɔɔ choo.
Kɛ num, nyɛ o nyɛ cho num yɔŋnɔŋ te.+
8 Chɔɔ koni ŋ cho wa muŋ o yɔŋnɔŋndo ni,
Te Mɛlɛka tusi pɛ wanaa dɛnɛ wɔɔŋnda nyɛpalaa choo.
9 A dimi aa: “Chɛhowa cho naa niaa viaŋnaŋnda ni,”
Nduyɛ ma siiŋguu Mɛlɛka Hiou Kpou Wo fondaŋ num chalaa.+ Le saboo hoo,
10 Kpundɛ kɛ kɛ cho num komal te,+
Nduyɛ naa wɔɔŋ kɛ kɛ cho tɛndii numndo sɔɔŋguu ikɛi le.
14 Mɛlɛka dimi aa: “Le mɛɛ o kaala ya yɛ,* I cho ndu piŋi.+
I cho ndu manda, kanifuule o sina diola nilaŋ.+
15 O cho ya veelu, nduyɛ mi muli ndu diom.+
Te nyɛpalaa komal ndu pɛ, I cho wa a ndu latulu.+
I cho ndu piŋi mi tosa mbo sɔla bɛɛleŋ.