Habakuku
3 Piɛile Habakuku, wana suaa le Mɛlɛka wo piɛi o mɔnɛi* niŋndeŋ:
2 Oo Chɛhowa, I tuei niŋ konaa a num okɔɔ.
Chɛhowa, siooŋnde cho ya bɔɔ a walta numndaŋ.
O wɔsioŋ niŋ* bɛɛ, tosa mi la yɔŋnuŋ!
O wɔsioŋ niŋ* bɛɛ, tosa mi waŋnda sina a laŋ okɔɔ.
Maa loonuŋ a naa ma tuiinuŋ naa inyiɛɛ a teleŋ kpundɛ koŋ fɔ!+
Mi tɔɔmayɛi nduɛi kumbu choo choo kpou.+
Mi saŋgala ndɔɔ tiu ba o ba fee o lɛŋndeŋ choo.
4 O wa diondɔɔ mɛɛ paaleŋ le fula nuaa yɛ.+
Paŋgele bɛndoo wa ndu fulaa o ba,
Nduyɛ, loŋ kpaaya ndɔɔ cho o viaŋaa ni.
5 Mɛɛ o wa kɔlaŋ, naala taŋ waŋnda laŋ la wa ndu kɔlaŋ lachi,+
Mi naala ihuei laŋ la wa ndu hunɔɔ amakɔɔ.
6 Mɛɛ o sim, mbo hiiluu lɛŋndeŋ.+
Nuaa kinɛi o nua ni, mi lɛŋnde nyiiya.+
Mi pembuŋ bɛnduŋ wa le fɛɛŋ a fɛɛŋ ndoŋ piɔl wɔ wɔ.
Nduyɛ, mi pembuŋ pɔmbɔŋ wa kani masindɛ woŋ tunduŋ.+
O nɛila masindɛ laŋ choo o kela ni.
7 Mi cha kpundɔɔ o tɛndiila Kusiaŋ nda niŋ.
Mi kolala nda kindu tɛndiilaŋ o lɛŋnde Midiaŋ ndeŋ niŋndaŋ la hiiluŋ.+
8 Oo Chɛhowa, baa peela pɔmbɔlaŋ ŋ mululaŋ ni,
Baa peela pɔmbɔlaŋ ŋ mululaŋ tumboo doonɔŋndo ni?
Ɔɔ pee mɛŋma ihɛllo ŋ mululaŋ tumboo doonɔŋndo o kala kala ni?+
Kanifuule, ma huŋ o suaa numnda choo.+
Nduyɛ, mi nyɛm num nyaanaŋ suaa naŋndoŋ yam chɔuwo.+
9 A soli chiɔu numndo o boo niŋ, ma kindu ndu tuaŋ le wuuwo.
Nyɛm chɔuwoŋ* cho ŋ bɛɛndiaa le chɔuwo a mɛɛ ŋ chua buŋgɛi yɛ. (Sila)
Ma tosa mi peelaŋ la tɛɛndiaa lɛŋndeŋ.
10 Dimioo nuaa pembuŋ bɛndoŋ che num, miŋ kandu nyuumbɔŋndo a nyɛ nɛiyaa.+
Mi piɔɔ bɛndoo tual mbo basu nyɛ o nyɛ fee.
Mi mɛŋndaŋ ma kuŋ kpuu o fondaŋnda yiŋgilɛilaŋ.+
Mɛɛ ma hel, mi ma sim choo choo pɔ pɔ.
11 Mi paaleŋ a paŋgei sim yi o fondaŋnda filioŋndaŋ o halaa niŋ.+
Chiŋɔma numndaŋ ma wa kɔlaŋ a deŋioo maa nyɛ teŋgaa.+
Nduyɛ bal numndo wa iŋualalɛi ŋualalɛiye kpeekpei.
12 A wa o kɔl tuu bɛndoo niŋ ma balu o lɛŋndeŋ choo.
Ma kpaatiaa lɛŋnde o tumboo niŋ.
13 Ma fula le kɔlaŋ wanaa numnda chiindiaa. Ma piŋi wana ŋ pɔya wo.
Wana wa chiɛi wanaa dɛnɛ wɔɔŋnda bolleŋ ndo, ma chuii ndu mululu.
Nduyɛ chiɛi kalaa bɛɛ, chɔŋ o yindɔɔ* haaa mbo tual o chiiye, ma pesi ndu wɔ wɔ. (Sila)
14 Mɛɛ kuubaa nduaa chɔuwa hiŋ maa hueiyii bɛndu le ya saŋɔɔ,
Num chuku wana wa nda chilaŋ ndo bolleŋ ni a nyɛm ndɔŋ chɔuwoŋ.
A wa a kɔl kɛndɛ bɛndoo le ma del wana cho o dɛnɛ palaa niŋndo choo ma dii ndu sɔɔsɔɔ.
15 Kɛ num Mɛlɛka, ma keeku o pee mɛŋma ihɛllo tɛɛŋ duu a suaa numnda.
Mɛŋma bɛndu ma maŋ ma wa isisi kpuŋgbɛi bɛnduei ma keeku maŋ tɛɛŋ.
16 Mɛɛ ya tuei hei, mi puloŋ mulumuluŋ ya niŋ a siooŋnde.
Konaa kinɛi ya tuei ni mi chɔchɔŋ nyiiya ya.
Paala nilaŋ bɛɛ, mi la tumul kpou.+
Nduyɛ, mi peloŋ nyiiya ya kpa kpa.
Kɛ I cho biunɔŋ mi chum le paale kpundɛle cho o nɛi leŋ.+
Kanifuule, le cho hunɔɔ le wanaa del naa choo wa.
17 O yɔŋ bɛɛ mi yɔm mafikiiyo kɛɛ le yandɔɔ,
Nduyɛ mi yɔm makilepiiyo kɛɛ le komɔɔ,
O yɔŋ bɛɛ mi tɔlɔɔ ma ɔlifiiyo foofi,
Nduyɛ mi nyɔɔŋ kɛɛ le naŋɔɔ o chiɔɔŋ* niŋ,
O yɔŋ bɛɛ mi saa chuu paku o hee chɔluaa niŋ,
Nduyɛ mi nauwa bɛɛ chuu o fondaŋ nda manda nda wo,
18 Kɛ ya ya, I cho kpeŋjoo wuu le Chɛhowa.
I cho dɔɔnɔŋ nyaale le Mɛlɛka nuu, kanifuule ndu cho wana piŋi ya wo ni.+
19 Chɛhowa, Mɛlɛka Kpuluŋguma Bɛndoo cho yoomuma niaŋ ni.+
O cho tosa mi peluŋ nuŋ wa maa peluŋ kial,
Nduyɛ mbo mala ya mi kela o fondaŋnda filioŋndaŋ choo.+
O wana sim lachi le chondei yo lo. Le ndi solioo a nyɛm niŋ chaaŋ iyooŋ.