Sam
O wana sim lachi le chondei yo lo. Le ndi solioo a nyɛm chaaŋ iyooŋ. Chondii Deeve ve.
61 Oo Mɛlɛka, yaŋ nilaŋ o chaŋ ya cho naa num chua le malaa wo.
A yandii, yaŋ nilaŋ o piɛile nileŋ.+
2 Te kɔl nuu wa pɛ o saŋgaa niŋ,
I cho chaŋ naa num chua le teleŋ o teleŋ.
Kɔ a ya o pou cho filioŋ mbo hiau ya wo.+
3 Kanifuule num cho naa niaa viaŋnaŋnda ni,
Chiɛi choo choo kala kala manda ya yaamɔɔwaa niaa tiu ya ba le wo.+
4 I cho wa o chiɛi numndo niŋ le fɛɛŋ a fɛɛŋ.+
I cho vioŋnɔŋ o kumbaŋnda numndaŋ bɛŋgu.+ (Sila)
5 Kanifuule num Mɛlɛka, a tuei buŋgaŋ ya chua woŋ kpou.
A ke ya nyɛm kɛŋ wanaa nɔ siooŋnde le diola numndaŋ nda.+
6 A cho chɔɔlu palɛi masaa cho wa yoomu ve,+
Mbo wa yoomu le fɛɛŋ a fɛɛŋ.
7 O cho wa ichali o kpeŋgbei* lemasaa choo Mɛlɛka lachi le fɛɛŋ a fɛɛŋ.+
Maa kaala lo lechoo numndo a sakpoyɛi numnde manda ndu.+