Aisaya
54 Chɛhowa dimi aa: “Num wana lanɔ vilu hoo le wo, deŋi choo choo a kɔl kɛndɔɔ!+
Wa wuye wuye ma deŋi choo choo a kɔl kɛndɔɔ,+ le mɛɛ pulii vialɛi biiyɔ num te yɛ.+
Kanifuule wana lanɔ nda kɛɛ wo, chuauwaa nduaa cho tau tau,
2 Tosa mi fondaŋ tɛndii numndo chɔɔlu kumbiŋ.+
Kindu kolala tɛndii num bɛndoo.
Chɔɔlu yuei tɛndii numndo kindɔɔ,
Nduyɛ ma kindi nyɛm siombu siombuŋ tɛndii numndo.+
3 Kanifuule, a cho chɔɔlu pɛŋgɛlaŋ o ba kɛndɔɔ choo a o ba miallo choo.
Chuauwaa numnda cho lɛŋnde yomɔɔ,
Nduyɛ ma chal o chieeŋ bɛnduŋ nda cho mɛi yoŋ niŋ.+
4 Yɔŋ isiooŋ te,+ kanifuule siɔmbula bii num niŋ te.+
Siɔmbula bii num te, nduyɛ a tembu niŋ kɔl te.
A cho puɛɛnɔŋ a siɔmbula nda tusi num teleŋ ŋ wa o feleŋgɔyɛi niŋndo,
Nduyɛ bɛɛla tambɛila ŋ sɔla teleŋ ŋ vii pɔnɔɔ wo, a cho lɛ loonɔŋ a laŋ te.”
5 “Wana num Toosiaa Bɛndoo+ cho ko maa pɔnɔ* num,+
Diola ndɔlaŋ la cho Chɛhowa, Mɛlɛka puaa chɔuwa ni,
Nduyɛ Wana Diandaa le Isɔluɛi cho Wana Pendu num ndo ni.+
Waŋnda cho ndu veelu aa Mɛlɛka cho le lɛŋndeŋ kpou wo.+
6 Chɛhowa veelu num naŋ chaa lanɔ pɔnɔ ndɔ mɛi mbo wa mɔnɛi biyɔɔ wo ni.+
Naŋ chaa lanɔ chal o nɔɔ o feleŋgɔyɛi nduɛi niŋ, okoŋ ma kɛɛ ndu wo.” Mɛlɛka numndo dimi lende ni.
7 “Mi kɛɛ num le teleŋ biŋgi,
Kɛ le mɛɛ ya cho wana inyiɛɛ bɛndu yɛ, I cho num miŋgi chuuŋgiaa.+
8 O kɔl tuu ni bɛndoo niŋ, mi viŋ num hɔlaa niaa le teleŋ biŋgi.+
Kɛ I cho kaala lo lechoo ni cho le fɛɛŋ a fɛɛŋ ndo soliŋ kpeku mi tuiinuŋ num inyiɛɛ.”+ Chɛhowa, Wana Pendu numndo dimi lende ni.+
9 “Hei cho ko le ya maa palɛi Nuuwa ve.+
Mɛɛ ya mɛnaŋ maa mɛŋma hiŋ o teleŋ Nuuwa wo niŋndaŋ, fɛɛŋ bɛɛ ma hiŋ lɛ o lɛŋndeŋ choo le yɛ,+
Lende koni ya mɛnaŋ ni maa I doonuŋ lɛ tumbe o kala kala a num ɔɔ mi miŋgi num o nɛi le.+
10 Mi pembuŋ bɛndoŋ faŋaŋ,
Nduyɛ mi pembuŋ pɔmbɔŋ hiiluŋ.
Kɛ kaala lo lechoo nuu cho num faŋaŋ choo le,+
Kɛlɛŋgaa niŋ te mi kpema ni kɔl nyuloo hiiluŋ.”+ Chɛhowa, wana cho num nyiɛɛye tuiinɔŋndo wo dimi lende ni.+
11 “Num wana lanɔ nyɛpalaa komal hoo,+ mi hueiyii fuku fukuei luaa num, a dɛɛniaŋ te wo,+
I cho pouta numndaŋ hɛndu hɛnduuwo a puulu lindaa kala kalaa,
Nduyɛ mi wa chiyii numnde kilaa a pou safaluɛɛ wo.+
12 I cho kpakila numndaŋ toosiaa a pouta lɔbi laŋ,
Mi toosiaa diola kpakila numndaŋ a pouta ŋɛlɛŋgi ŋɛlɛŋgilaŋ,*
Nduyɛ mi handu pɛŋgula numndaŋ chɛ chɛ a pouta sɔvɛ sɔvɛlaŋ.
14 A cho lasisi yi o sakpoyɛi choo.+
Nyɛkindilaa cho wa landaŋ a num.+
A cho nɔ isiooŋ le nyɛ o nyɛ le, kɛlɛŋgaa niŋ te mi nyɛ o nyɛ tosa mi siooŋnde bii num.
Kanifuule, nyɛ o nyɛ tosa mi siooŋnde bii num cho num sɔɔŋguu ikɛi le.+
15 Te wana o wana huŋ chiŋalaŋ num a sɔŋgɔɔ pɛ,
O cho ya le vem ndu keŋ tosaa le.
Wana o wana chiŋalaŋ num a sɔŋgɔɔ pɛ, a cho ndu yomɔɔ.”+
16 “Yapila toosiaa wana tosa wallo a chiliŋndoŋ ndo ni.
O lo yiŋndeŋ hullo haaa mi suɛɛŋnde bii,
Nduyɛ mbo toosiaa nyɛm chɔuwoŋ.
Yapila toosiaa vɛlɛ wana soliŋ nyɛm chɔuwoŋ kpeku le waŋnda tɛɛmbuuwo wo ni.+
17 Nyɛ chɔu kɛ kɛ toosiaŋ pɛ le num chiŋalaŋndo, o tiu num niŋ ba le.+
Nduyɛ wana o wana chiŋalaŋ num pɛ a sondo le kɔɔsɔɔ, I cho ndu pɛɛsa.
Nyɛm kɛŋ buɛiyaa Chɛhowa wa cho muŋ ni,
Nduyɛ ya o ba sandii ndɛi fula ni.” Chɛhowa dimi lende ni.+