Nɛɛ chieeŋndo hoo cho yɛ o ba bɛŋgu?

YƐƐ BAABUIYO NDU DIMI YƐ?

“Chieeŋndo hoo kpede o cho Masa Nyinaa Wɔɔŋnda o ba bɛŋgu.”​—Chɔŋ Tasoo 5:19.

“Po Mɛlɛkaa hiŋ . . . le mbo tɛɛmbuu nyɛ o nyɛ Masa Nyinaa Wɔɔŋnda cho tosaa.”​—Chɔŋ Tasoo 3:8, Yooŋgu Kɛndɛ Mɛlɛkaa.

VƐƐ HEI MALA YƐ NUM?

Hei mala num ma sina nyɛ tosa mi bahawɛilaŋ la wa hau o chieeŋndo niŋndo.​—Sɔɔŋ Chɔɔmaŋndoŋ 12:12.

Hei mala vɛlɛ num ma sina maa, chieeŋndo hoo cho hunɔɔ miiŋgu o kɛndɛ.​—Chɔŋ Tasoo 2:17.

LE YƐƐ KPEEKPEI NAŊ NƆ YƐ MIŊ LAALAŊ NYƐ BAABUIYO DIMI WO?

Ŋ nɔ mi ŋ laalaŋ nyɛ Baabuiyo dimi wo le sabulaŋ la yaa:

• Setana cho suŋ faŋaŋ o masaleŋ choo. Chɛhowa cho suŋ suŋ hunɔɔ Setana faŋa. O ve lɛ niŋ waŋchieeya choo masa le. Chɛhowa dimi maa “o cho hunɔɔ Setana faŋa bau o chieeŋndo hoo choo.” Okoŋ mbo miŋgi nyɛ o nyɛ Setana tɛɛmbuu toosiaa.​—Hibuluiya 2:14, New World Translation.

• Chiisu Mɛlɛka hɛli ni le mbo wa masa chieeŋndo hoo. Setana cho masa chieeŋndo hoo suŋ suŋ ni. Kɛ Chiisu ndu cho maa Setana le. Kanifuule, Setana ndu, naa ŋuasu ŋuasu o cho a waŋnda chieeya ni. Nduyɛ, o nɔ bɔɔ kaayei. Kɛ o Masale Chiisuleŋ bɛŋgu ndu, Mɛlɛka dimi aa, “Nyɛiye cho ndu biyɔɔ le wanaa tuisiaŋnda vɛlɛa wanaa bala fonduaa . . . Nduyɛ, o cho nda soli o nyɛ kindilaa bɛŋgu. O cho vɛlɛ yoomula ndalaŋ kiindiaa.”​—Chondoŋ 72:13, 14, NW.

• Mɛlɛka dimi lachoo le. Baabuiyo dimi kpendekele maa, “Mɛlɛka dimi lachoo le.” (Hibuluiya 6:18, NW) Te Chɛhowa dimi pɛ le isɔɔ tosa, mɛɛ mbo che maa nyɛ o dimi le tosaa wo o yɔŋnuŋ. (Aisaiya 55:​10, 11, NW) “Boondei hei wana cho masaa le chieeŋndo hoo wo cho piɔlɔɔ sɔla o lemasa ni.”—Chɔŋ 12:31.