A Buŋgɛi 7 Okɔɔ

Buŋgɛi hei cho isɔɔ a bundɔŋ Masaa Sɔɔ nda Masaa Deeve woŋ okɔɔ. O suɛi wɔsila 80 bɛŋgu sɔɔŋ muŋ yɔŋnuŋ ni. O kandɔŋndo, wana tusiaŋndo pila Sɔɔ wa ni, nduyɛ ndoo nɔ siooŋnde le Mɛlɛka. Kɛ haupa mbo siŋgaŋ, mbo kɛɛ le nɛi chɔmaa Chɛhowa wo tolɔɔ kɔɔli. Le hei, mi Chɛhowa bɛɛ kɛɛ ndu. Nyɔɔ viu bɛɛ le, mi Chɛhowa dimul Saamiɛɛ maa o pɔya Deeve le mbo huŋ wa masaa le Isɔluɛi o chilaŋ niŋ. Mi Sɔɔ kandu Deeve paŋalaa, nduyɛ teleŋnda bɔɔbɔɔ o wa kindiŋndo le ndu diyɔɔ. Kɛ le pilɛ bɛɛ Deeve kindiŋ le maa miŋgi le. Mi po Sɔɔ wo Chɔnataŋ, sina maa Deeve Chɛhowa hɛli ni le mbo wa masaa. Le hei, mbo holnuŋ Deeve, o feŋaŋ ndu kɔɔli le. Mi Deeve tosa hakila wɔɔŋ wɔɔŋndaŋ, kɛ le pilɛ bɛɛ o kɛɛ sila Chɛhowa wo le. Te kala chuaa ŋ cho ni, mala po numndo ɔɔ chua numndo le mbo sina le sabu i cho suɛi sɔvɛ, le nɛila chɔmaala Mɛlɛkalaŋ tolɔɔ kɔɔli lɔɔlɔɔ wo.