Loo o Pimbi Simiaa Choo

1. Kɔɔsa a ya, tofa lo lechoo nuu,

Te I tiindaŋ num pɛ le mi wa num piɛiyo.

Yaasiaa kɔl nuu ma che mɛɛ ya cho yɛ,

Ma dindi kɔl nuu fo, le mi sɔla salaa.

2. I chel pɛŋ a wanaa lachoowaa le.

I holnuŋ wanaa kɛɛ haa tonyaa kpooŋ nda le.

Oo Chɛhowa, mɔsɔŋa ya tɛɛmboo

A wanaa wɔɔŋnda le a kɛɛ haa numnda le.

3. I kaala bɔɔ waa o chiɛi numndo niŋ.

O cho bɔɔ chiɛi kɛndɛ, le num saŋgalaa loŋ.

Le lɔɔ lɔɔ fee I cho wa kɔlaŋ loŋ,

Mi wa num balikaa mello choo choo kpeleŋ.