Sɔɔŋ Kulloŋ Solioo

Hibuluiya 8:​1

SƆƆŊ KULLOŊ: Mala wanaa cho num nilaŋ yaŋɔɔ wa ma tol suɛi numnde kɔɔli. Nduyɛ, ma chɔm mɛɛ sɔɔŋ kuluŋ pɔmbɔŋ chiɛɛliaŋ a nyɛ ŋ yeema ma pɛɛku wo, nduyɛ, a suɛi lebolle yɛ.

VƐƐ Ŋ TOSA YƐ HEI?

• Sina saboo. Sina le sabu suɛi numnde cho wo. Baa le waŋnda yooŋgoo dimullo? Le nda tosaa ma laalaŋ? Le nda nyindɔɔ ma tosa nyɛ? Toosiaa ndi a sabu koŋ. Tosa a sabu maa, sɔɔŋ lebolluŋ pɔmbɔŋ kpou toolu nyɛ ŋ yeema wo.

• Wa sondoo miŋgioo o suɛi lebolle choo. Wa sondoo miŋgioo o suɛi lebolle choo a wa pɛ suɛi numnde yɔŋgoo. A soliŋ diomnda kultaŋ kpeku, te koŋ te, ma soliŋ diomnda chiɛɛliaŋ ndaŋ kpeku.

• Chɔm sɔɔŋ kulloŋ, nduyɛ miŋ wa tɛtɛlɛ. Sɔɔŋ lebolluŋ pɔmbɔŋ, ŋ chiɛɛliaŋ a suɛi lebolii kpeekpeiye, nduyɛ, ŋ mala num ma chii a teleŋndo woŋ kinɛi ŋ hɛli ni. Hiu sɔɔŋ lebolluŋ pɔmbɔŋ chua le. A wa pɛ sɔɔŋ lebolluŋ pɔmbɔŋ chɔmndo, i kɛ kɛ ŋ chɔm pɛ, a mei tiŋ, tei ma chii.