Wa Wuye Wuye o Waŋnda Pɛɛkoo Niŋ

Te ŋ wa pɛ wuye wuye, mi wanaa cho naa nilaŋ yaŋɔɔ wa bɛɛ wa wuye wuye. Nduyɛ mi keŋ tosa ma handu kɔllo o nyɛ naŋ wa nda dimullo wo choo. Mi hei chɔm vɛlɛ maa nyɛ naŋ cho dimioo wo cho o sɔvɛ. Mɛɛ o mɛɛ kɔɔlima naŋ ɔɔ kaa naa wa, ŋ tiuba miŋ wa wuye wuye. (Luom 12:​11) Vɛɛ naŋ tosa yɛ hei?

Nyɛ tasoo, yiyaŋ a mɛɛ nyɛ ŋ cho dimioo wo cho o sɔvɛ yɛ. A sɔla dioo le “yooŋgu kɛndɔɔ” dimioo! (Luom 10:​15) Nyɛ diiŋ ndɔɔ, yiyaŋ a mɛɛ yooŋgu kɛndɔɔ nɔla mbo piiliaŋ wanaa cho num nilaŋ yaŋɔɔ wa yɛ. Waŋnda haa nɔ ma tuei nyɛ ŋ nɔ le nda dimullo wo. (Luom 10:​13, 14) Nyɛ mɛɛlaa kpɔŋ, soo a mayoomu, tiimbuŋ nyɛkɛndɛi, nduyɛ ma tosa hɔlla le mi waŋnda che mɛɛ ŋ yiyaŋ a suɛi numnde okɔɔ yɛ.

TOFA VIDUEIYO HOO A TIUBA MA NƆ KƆL KƐNDƐ WANA SƆLA O WAŊNDA SIIŊGUUWO BUƐIYA NIŊNDO—TOSA HIOUWƆƆ LACHIOO—WA WUYE WUYE O WAŊNDA PƐƐKOO NIŊ, OKOŊ MI LA MULI NYUNALAŊ NDAŊ:

• 

  Yɛɛ Tosa yɛ mi Nita kɛɛ waa wuye wuye mɛɛ o wa Ched Baabuiyo pɛɛkoo?

• 

  Yɛɛ mala yɛ Nita mbo wa vɛlɛ wuye wuye?

• 

  Le yɛɛ o bɛnda yɛ miŋ handu kɔllo o suliŋnda kɛndɛla wanaa cho naa nilaŋ yaŋɔɔ wa choo?

• Te ŋ wa pɛ wuye wuye, vɛɛ keŋ piiliaŋ yɛ wanaa naŋ pɛɛku Baabuiyo wa a wanaa cheleŋnda?