Chɔm Nyiɛɛye

Nyiɛɛye cho yiyaŋnda acheleŋnda biyɔɔ bila, sɔɔŋ cho ŋ sɔvɛ le nda woŋ, a bahawɛila ndalaŋ sinaa ni. Mi waŋnda sina te ŋ nɔ pɛ nyiɛɛye le nda. Nduyɛ te ŋ nɔ pɛ yeemɛi kpeekpeiye le acheleŋnda malaa, keŋ cho naa nyindɔɔ ni miŋ nɔ nyiɛɛye le nda. Te ŋ chɔm pɛ waŋnda nyiɛɛye o wali pollo niŋ, mɛɛ taamasi Chɛhowaa naŋ cho tolɔɔ kɔɔli ni le nda kaalaa a le buulaŋndo le nda. Nduyɛ mi hei tosa ma nɔ yeemɛi le ndu piɛiyo.​—Flp 2:4.

Nyiɛɛye chɔmndo cho nɛi naŋ soliŋ kpeku le waŋnda pɛɛku le. Kɛ ŋ chɔm ndi a mɛɛ naŋ suaa yɛ, mɛɛ naŋ yaŋ nilaŋ yɛ, o kaa naa niŋ, mɛɛ naŋ tiimbuu balaŋ yɛ, a mɛɛ naŋ tosa hɔlla yɛ. Ŋ chɔm vɛlɛ maa ŋ nɔ nyiɛɛye te ŋ chɔm pɛ waŋndo maa ŋ buulaŋ tau a ndu okɔɔ. Mi nyiɛɛye nyindu naa vɛlɛ le sinaa nyɛ waŋndo nɔ yeemɛi niŋ ndo, laalaŋnda ndɔlaŋ, a bahawɛila ndɔlaŋ. Mii nyindu naa vɛlɛ le miŋ mala waŋndo, nduyɛ miŋ ke ndu sila o yeema wo. Kɛ ŋ nɔ miŋ baŋ ndu le mbo siŋgaŋ te. Te wanaa naŋ dimul yooŋgu kɛndɔɔ wa chɛl pɛ mala naa, mi hei tosa miŋ chɔɔlu kɔl kɛndɔɔ sɔla o wali pollo niŋ.

TOFA VIDUEIYO HOO A TIUBA MA NƆ KƆL KƐNDƐ WANA SƆLA O WAŊNDA SIIŊGUUWO BUƐIYA NIŊNDO—TOSA HIOUWƆƆ LACHIOO—​NYIƐƐYE CHƆMNDO, OKOŊ MI LA MULI NYUNALAŊ NDAŊ:

• 

  Vɛɛ Nita ndoo chɔm yɛ Ched nyiɛɛye mi che bɛɛ o hiŋ a teleŋ te?

• 

  Vɛɛ Nita ndoo chɔm yɛ nyiɛɛye mɛɛ Ched dimi maa o wa bɔɔ o saŋgɛiyo le pɛɛku ndɔɔ tosaa?

• 

  Vɛɛ Nita ndoo chɔm yɛ nyiɛɛye mɛɛ Ched dimi maa o nɔla sɔɔŋ tosaa kpɛ kpɛ le?