Bii Wɛɛŋaa Kalla Maa Kalaa Num, Nduyɛ Ma Bii Chuaa Laanduaa Maa Yemaa Num

Baabuiyo dimul naa le miŋ bii Kilisiɔŋaa kaasoŋaa cho naa tɛɛŋ nda maa kalaa naa a finyaa naa, nduyɛ miŋ bii feleŋguaa maa yemaa naa a pɔmbuaa naa. (Nuawɔ Timoti Tasoo 5:​1, 2) Puaapiliaa kpeekpei nɔ ni ma bii ndepiliaa o nɛi lebɛɛ niŋ.

Kposoŋ bɛɛ puaapilɛnɔɔ nɔ mbo kpeeŋiaa yeemɛi ndepilɛnɔɔ ɔɔ mbo tosa nyɛ o nyɛ tɛɛmbuu ndu kɔllo le. (Choobu 31:​1) Nduyɛ te puaapilɛnɔ yemboo yeema le ndepilɛnɔ yemboo chua o nɔ niŋ te, mɛɛ o nɔ mbo pisul a yeemaŋ ndɔŋ, okoŋ mbo ke ndu yiyaŋndo maa o nɔ yeemɛi o ndu niŋ te.

Bɛnduaa nɔ ma che ndepiliaa nyuna nda o nɛi lebɛɛ niŋ, ɔɔ ma dimul nda a bahawɛiyo opum okɔɔ wa wanaa sɔvɛ. Ndepiliaa nɔ ŋpiaandu le nda manda le wa kpeekpei bɛnduaa nɔ ni ma handu hɔlteŋ choo.—Lufu 2:​8, 9.

TOFA VIDUEIYO HOO HIOU LACHI A KAALAA CHƆMNDO O BUƐIYAA CHƐHOWAA LO​—WANAA VII PIAANDUAA A FINYAA WA, OKOŊ MI LA MULI NYUNALAŊ NDAŊ:

• 

  Vɛɛ kundaa chɔm yɛ yema Mayɛŋ Kaala kpeekpeiyo?

• 

  Vɛɛ kaala kundaa chɔm nda wo timbi yɛ seile kɛndɛleŋ o sɔndɔkɔlɔ ndaa?

• 

  Vɛɛ kaala kundaa chɔm nda wo piiliaŋ yɛ chuauwaa yema Mayɛŋ nda?

Ɔɔ nɛilaŋ lapum la ŋ chɔm maa a buulaŋ le ndepiliaa cho o kunda numndo niŋnda?