Ŋ WAŊNUŊ MAA ŊKILISIƆŊ
Tol Tamasi Chɛhowaa Kɔɔli le Kaala lo Lechoo wo Chɔmndo
Chɛhowa cho wana kɛsi tamasi kɛndɔɔ le kaala lo lechoo wo chɔmndo ni. (Sam 103:11) Kaalaa hoo cho mɛɛ ŋ nɔ yeemɛi le nyɔɔ kɛ o viu le mi yeemɛi keŋ i chuu le. Kaala lo lechoo wo ndu cho lende le, kɛ o cho le fɛŋ a fɛŋ. Mi Chɛhowa chɔm Isɔluɛiya suliŋnda ndɔlaŋ o nɛila bɔɔbɔɔ niŋ. Mbo soli nda o chɛleŋ niŋ Ichipi, nduyɛ mbo huŋ a nda o Lɛŋnde Mɛyaaleŋ niŋ. (Sam 105:42-44) Mi ndoo chɔulaba le nda, nduyɛ mi ndoo mal nda haki te nda tosa pɛ hakioo. (Sam 107:19, 20) Te ŋ hiou pɛ lachi a ‘yaasiaa nyɛkɛndɛi a mɛɛ Chɛhowa chɔm kaala lo lechoo wo yɛ,’ mi keŋ nyindu naa le miŋ tol tamasi ndɔɔ kɔɔli.—Sam 107:43.
LA TOFA VIDUEIYO HOO “YIYAŊ NYƐKƐNDƐI A MƐƐ CHƐHOWA CHO KAALA CHƆMNDO LE TELEŊ O TELEŊ YƐ,” OKOŊ MI LA MULI NYUNALAŊ NDAŊ:
O nɛila kuɛɛ niŋ naŋ chɔm yɛ kaala lo lechoo wo?
Le yɛɛ sala soliaŋndo yeemaŋ yɛ le kaala lo lechoo wo chɔmndo?