Diomnda Tɛɛsiaalaŋ

a O Nɔŋgɔwaa cho Nyaakuɛiyo 4, 2023, waŋnda o miiliɔŋndaŋ niŋ chieeŋndo balɔɔ silɔ cho chuuŋgiaŋ diompilɛ le loonɔŋndo a piɔm Kiliti wo okɔɔ. Le waŋnda apum, teleŋ nda tasoo cho wa hoo ni le hei tosaa. Apum yɛ, Seiyaa Chɛhowaa nda cho ni, kɛ ma wu ŋdial. Le hei, le wɔsiŋ bɔɔbɔɔ a biiyɔ Loonuŋyaa le. Apum cho simulta bɔɔbɔɔ chɔulaba le halikpeŋ ma bii bɔŋaŋndo hoo. Kɛ mɛɛ mɛɛ sɔɔŋ wa, a nɔ ma nɔ tiindaŋndo maa Chɛhowa cho wa a kɔl kɛndɛ te a dɔu pɛ sɛmbɔɔ le kɔlaŋ o bɔŋaŋndo hoo.