Choobu
18 Mi Bilidadi+ Suhaitiinɔɔ dimi aa:
2 “Lɔɔ kuɛɛ ŋ cho yɛ niŋ pɛŋgi sɔɔŋ muŋ dimioo?
Chɔm ndɔ niŋ tiŋ sinapɛŋgoo ma mei le mi naa bɛɛ soo.
4 O yɔŋ bɛɛ ma kili kiliŋ numpila a kɔl tuuwo,
Baa waŋnda chieeya cho pa faŋaŋ o lɛŋndeŋ choo le sabu numndo?
Ɔɔ poutaŋ bɛɛ la cho faŋaŋ o fondaŋ la cho wo le num?
5 A tonya, nyɛ teŋgaa wana dɛnɛ wɔɔŋndo cho nyum pɔli,
Nduyɛ mi yiŋnde ndɔleŋ le kɛɛ le nyɛ teŋgaa yɔŋgoo.+
6 Nyɛ teŋgaa cho o tɛndii ndɔɔ niŋndo cho simnɔŋ nyumndaŋ,
Nduyɛ mi lambui cho o tɛndii ndɔɔ niŋndo nyum pɔli.
7 Yoomuma o nɔ le kelaa waŋ ma cho ndu hiɔlɔŋ,
Nduyɛ mi kɛɛsiaala ndɔlaŋ la yɛɛ ndu o kpundɔɔ niŋ.+
8 O cho pelei wou o yaŋɔɔleŋ niŋ,
Nduyɛ mbo wa balɔɔ leniŋ.
9 Yaŋɔɔleŋ le cho hunɔɔ ndu tɔndii kɔɔliei saa,
Mbo hau leniŋ.+
10 Yooleŋ le cho le viaŋaa lɛŋ le ndu,
Nduyɛ mi yaŋɔɔleŋ le wa ndu o nɛi.
11 Ba o ba o kɔ, sɔɔŋ luei ndu siooŋnde woŋ komal ndu ni,+
Nduyɛ ba o hiau ko ŋ tual ndu kɔɔli.
13 Naa tɛɛmbuu ndu kɔɔleŋ,
Nduyɛ naa wɔɔŋ wɔɔŋ dii waŋnda wo* tosa o chiee lɛ kɔlaŋ te.
14 A soli ndu o tɛndii ndɔ o waŋnuŋ hɛnɛkɛ wo niŋ,+
Mbo kua o masa luei wana siooŋii bɛndu bɛndueiyo lo.*
15 Mialla* cho miiŋgu o tɛndii ndɔɔ niŋ ni.
A cho chiɛi ndɔɔ tɛɛmbuu a yiŋndeŋ.*+
16 Puunduŋ ndɔŋ cho siɔ lɛŋ,
Nduyɛ mi lɛuwuŋ ndɔŋ vesa maa yɔm.
17 Waŋnda cho hunɔɔ puɛɛnɔŋ a ndu okɔɔ o lɛŋndeŋ choo,
Nduyɛ wana suu niŋ a diola ndɔlaŋ okɔɔ* o nɛila bɛndulaŋ choo le.
18 A cho ndu hunɔɔ faŋa o nyɛ teŋgaa mbo kuɛ o nyumndaŋ niŋ,
Nduyɛ ma tou ndu o chieeŋndo choo.
19 O vilu niŋ ŋchuau ɔɔ mbo nɔ chuauwaa mamaa wanaa nduaa tɛɛŋ te.
Wana o wana lo niŋ yoomu o fondaŋ o cho wo* le.
20 Te paale ndɔleŋ le fuuluu pɛ, kɔndɔfillo cho wanaa cho Ba Paaleŋ le Del Lo wa biyɔɔ,
Nduyɛ mi siooŋnde bii wanaa cho Ba Paaleŋ le Chaŋ Ndo wa.
21 Tɛndii wana dɛnɛ wɔɔŋndo a fondaŋ wana sina Mɛlɛka le wo,
Nyɛ yɔŋnuŋ a ndu wo cho hoo ni.”