Polowaa
28 Mi wanaa dɛnɛ wɔɔŋnda suŋgu kiltaŋ, mi wana ve bɛɛ nda touwɔɔ le.
Kɛ, mi wanaa cho sakpo wa nɔ kɔl simulaa maa kpɔkuŋ.*+
2 Te dɛnɛ wɔɔŋndo wa pɛ o lɛŋndeŋ niŋ, teleŋ o teleŋ a wa masaa siŋgaa.+
Kɛ te a nɔ pɛ wana silaa nɔ kɔl kaloo a sinapɛŋgoo wo, masaa nɔla mbo viou o masaleŋ choo.+
3 Te wana bala fondoo tosal pɛ wana nɔ nyɛsɔlaa bɔɔ le wo kafalaŋ,+
O wa ko mɛɛ piɔɔ bɛndoo sia nuaa mbo koondiaa nyɛdiaa kpou mbo kuɛŋnuŋ a ndu yɛ.
6 Wana bala fondo cho sakpo wo bɛnda,
Mbo hiau wana sulaa tosa sɔɔŋ o kafalaŋ choo wo.+
7 Hɔɔ bii sɔɔŋ bila wo diikuŋ sawaa* ni,
Kɛ hɔɔ holnuŋ wanaa lepuluaa wo, siɔmbulaŋ o tusi finya ndɔ ni.+
8 Wana mɛli kueelaŋ a tɔnɔɔ lechoo+ nduyɛ mbo tosa kafalaŋ le mi sul ndɔɔ chɔɔlu kui yo,
Le wana tosal wanaa bala fonduaa kɛndɛiyo o cho sul koŋ chuuŋgiaa ni.+
10 Wana hui pɛ wana cho sakpo wo le mbo tosa sɔɔŋ dɛnɛ wɔɔŋndoŋ, o cho delɔɔ o sooŋ ndupila tou wo niŋ.+
Kɛ wana tɛɛmbuu isɔɔ le wo cho nyɛm kɛndɔŋ sɔla.+
11 Mi wana sulaa yiyaŋ o kɔl ndɔɔ niŋ maa o nɔ bɔɔ taasioo,+
Kɛ mi wana bala fondo nɔ sinapɛŋgoo wo sina tonya cho a ndu okɔɔ wo.+
12 I wa bɔɔ suɛi lebɛɛ te wana cho sakpo wo sɔla batiuwaa pɛ.
Kɛ te wana dɛnɛ wɔɔŋndo sɔla kpaayaa pɛ, vioŋnɔŋndo waŋnda viaŋnuŋ ni.+
13 Wana kumbu pɛ yɔŋnda ndɔla wɔɔŋndaŋ, o sɔla batiuwaa le.+
Kɛ wana o wana chɔɔmuu laŋ pɛ nduyɛ mbo mal taŋ waŋ waŋ, a cho ndu tuiinɔŋ inyiɛɛ.+
14 Nyaaloo cho le wana wa lɔɔlɔɔ yekeŋ a mɛɛ o tosa sɔɔŋ yɛ.
Kɛ wana o wana nɔ pɛ nilakalulaŋ,* o kpundɔɔ niŋ o del ni.+
15 Mɛɛ kpɔkuŋndo* wa nuaa pɛɛliaa nduyɛ mi sulukoo wa visi cheleŋ kiltaŋ kɔɔli yɛ,
Lende koni wana dɛnɛ wɔɔŋndo wa masaa wanaa nɔ wanaa malaa le wa choo ni.+
16 Te masaa nɔ sinapɛŋgu le, o soliŋ kpaaya ndɔɔ kpeku o nɛi wɔɔŋndo choo.+
Kɛ wana tul tɔnɔ lakafaa leyɛ wo viau yoomu ni.+
17 Wana o wana dii pɛ waŋndo, kɔl ndɔɔ cho wa o saŋgaa niŋ nduyɛ o cho lo kiltaŋ haaa o sɛiyo* niŋ.+
Wana o wana nɔ mbo mala ndu le.
18 Wana tosa sɔɔŋ o nɛi sakpoo choo wo cho pioŋɔɔ sɔla.+
Kɛ wana tosa sɔɔŋ o kafalaŋ choo wo cho delɔɔ o lepilɛ niŋ kpe.+
19 Wana tɔl pɛ o lɛŋnde ndɔleŋ choo, o cho nyɛdiaa sɔla tau.
Kɛ te waŋndo tol pɛ nyɛm fondoŋ kiltaŋ kɔɔli, o kuɛi bɛndu bɛnduei niŋ o mɛɛlu ni.+
20 Wana cho sakpo wo cho salalaŋ sɔla tau.+
Kɛ wana yeema sullo sɔlaa chɔ chɔ wo, o dindu o sɔɔŋ niŋ te.+
21 O bɛnda mi wana chɔm kaa hɛliaa le.+
Kɛ lepum, mi waŋndo
tosa yɔŋ wɔɔŋndo le nyɛdiaa taaniŋndo sɔlaa.
22 Wana lehɔl lo nɔ yeemɛi kala kalɛi le mbo sul,
Kɛ o sina nuaa maa o bala fondolaŋ niŋ te o cho mɛɛlu le.
23 Wana o wana sila pɛ waŋndo,+ waŋnda cho ndu kaala tau,+
Mbo hiau wana saŋgala waŋnda o siɔuve choo wo.
24 Wana o wana chiimbuu pɛ finya ndɔ a kala ndɔ mbo dimi aa: “O cho suɛi wɔɔŋ te,”+
Mɛɛ chaaŋ o wana kei kpundɛlaŋ mɛlioo wo o cho ni.+
25 Wana lehɔl lo, sɔŋgɔlaŋ o mɛli ni.
Kɛ wana o wana tiindaŋ pɛ Chɛhowa, o cho batiuwaa sɔla.*+
26 Wana o wana tiindaŋ pɛ kɔl ndɔɔ, diɔmndo o cho ni.+
Kɛ te waŋndo tosa pɛ sɔɔŋ a taasi, o cho pioŋɔɔ sɔla.+
27 Wana o wana tosal pɛ wanaa bala fonduaa kɛndɛi, nyɛ o nyɛ ve ndu lepɛŋ te.+
Kɛ wana nyiu hoo nda kpooŋ mbo hiounuŋ ndo, sendioo cho le ndu ni.
28 Te wana dɛnɛ wɔɔŋndo sɔla pɛ kpaayaa, waŋnda veŋnuŋ.
Kɛ te kpaaya ndɔɔ mɛɛlu pɛ, wanaa sakpuaa kui.+