SUƐI LEBOLII 37
Nyɛ Baabuiyo Dimi a Wallo Vɛlɛ a Kaniei Okɔɔ Wo
Kani bɛɛ a buulaŋ niŋ pa a wallo ɔɔ a kaniei okɔɔ? Simullo pila i cho ni le wallo tosaa le bahawɛila naalaŋ solioo, vɛlɛ a teleŋndo sɔlaa le Chɛhowa piɛiyo. Kɛ Baabuiyo ke naa sila mala naa wo.
1. Yɛɛ Baabuiyo dimi yɛ a wallo okɔɔ?
Mɛlɛka yeema naa miŋ tuei wali naa yeela. Baabuiyo dimi maa ‘wana chioo nyɛ bɛnda le ndu suee wo cho ni, o nɔ mbo de saŋga ndɔɔ tɔnɔ.’ (Ikilisiaatii 2:24) Mi Chɛhowa tosa wallo tau. Te ŋ tol pɛ tamasi ndɔɔ kɔɔli le wallo tosaa o kala kala, ŋ cho ndu kɔl nɛŋi nduyɛ miŋ wa a kɔl hiniaa.
Wallo cho nyɛ sɔvɛ. Kɛ ŋ nɔ miŋ chua ndu o sɔvɛ mbo hiou Chɛhowa piɛiyo le. (Chɔŋ 6:27) O mɛi lediom maa te ŋ kɛsi ndu pɛ wana tase, o cho naa ke nyɛm naŋ hau ba woŋ.
2. Vɛɛ naŋ nɔ yɛ miŋ che kaniei?
Baabuiyo dimi maa nyɛsɔlaa o “nɔla mbo manda wana.” Kɛ o wa bɛɛ lende, o sila naa vɛlɛ maa o cho ndu kinɛi le tosa miŋ wa a kɔl kɛndɛ le. (Ikilisiaatii 7:12) Lelaŋ pɛŋ Baabuiyo sila naa ni maa ŋ nɔ miŋ kaala kaniei le. Kɛ, ŋ nɔ miŋ “hini kɔl a nyɛm naŋ nɔ woŋ.” (Nuawɔ Hibuluiya 13:5.) Te ŋ hini pɛ kɔl a nyɛm naŋ nɔ woŋ, kɔl landɛi ve naa le nyɛm kiɔɔŋ chɔɔloo sɔlaa le. Hei tosa vɛlɛ ŋ luei kueela isiɛlɛilaŋ biyɔɔ le. (Pulɔwaa 22:7) Nduyɛ, ŋ luei balaŋ o sɔɔŋ cheleŋndoŋ niŋ le keleŋaa kaniei sɔlaa le kanifuule, kpundɔɔ cho leniŋ.
3. Vɛɛ naŋ nɔ yɛ miŋ soliŋ nyɛ naa sɔlaa kpeku?
Mɛlɛka ikɛndɔɔ Chɛhowa cho ni. Ŋ tual tamasi ndɔɔ kɔɔli te ŋ nɔ pɛ kɛndɛi, nduyɛ miŋ wa a ‘bɛɛndiaŋ le miŋ piɔu nyɛm naŋ nɔ woŋ a wanaa cheleŋnda.’ (1 Timoti 6:18) Ŋ nɔla miŋ soliŋ nyɛ naa sɔlaa kpeku le toolulaŋ yɔŋgoo o kundaa niŋ a wanaa cho o bahawɛiyo niŋnda malaa, taama taama chaaŋaa naa laalaŋnda. O cho mɛɛ kpɛ naŋ yɔŋgu yɛ le Chɛhowa handu kɔllo choo le. Kɛ yiyaŋ naŋ nɔ a nyɛ naŋ cho yɔŋgoo wo o tofa ni. Te ŋ tosa pɛ kɛndɛi a kɔllo kpou, miŋ wa a nyaale, nduyɛ mi Chɛhowa bɛɛ naŋ kɔl.—Nuawɔ Walta Kiilaa 20:35.
CHƆƆLU YAASIAA
Tofawɔ tɔnɔla naŋ sɔla laŋ te ŋ nɔ pɛ yiyaŋ kɛndɔɔ a wallo okɔɔ, nduyɛ miŋ nɔ kɔl hiniaa.
4. Ke Chɛhowa bɛɛleŋ o wali ŋ cho tosaa wo niŋ
Chaŋyɛi naŋ nɔ a Chɛhowa ve nɔ mii piiliaŋ kaa naŋ nɔ a wallo okɔɔ wo. Handu VIDUEIYO, okoŋ mi la suukaŋ o nyunalaŋ ndaŋ choo:
O vidueiyo hoo niŋ, yɛɛ hɛnaŋ yɛ num a kaa Chesiŋ nɔ o naa nduaa walla wa?
Yɛɛ mala yɛ ndu le waa kpeŋkpeŋ o wali ndɔɔ niŋ a sɔɔŋ Mɛlɛkaŋ?
Nuawɔ Koloosiaŋnda 3:23, 24, okoŋ mi la suukaŋ o nyunaa hoo choo:
Le yɛɛ kaa naa a wallo okɔɔ cho yɛ o sɔvɛ?
Wallo cho o sɔvɛ. Kɛ ŋ nɔ miŋ chua ndu o sɔvɛ mbo hiou Chɛhowa piɛiyo le
5. Kɔl hiniaa nɔ bɔɔ tɔnɔɔ
Mi wanaa bɔɔbɔɔ kindiŋ le kanioŋ nuuviaa tau. Kɛ Baabuiyo ke naa silaa a hei okɔɔ. Nuawɔ 1 Timoti 6:6-8, okoŋ mi la suukaŋ o nyunaa hoo choo:
Yɛɛ Baabuiyo dimullɛ naa le tosaa?
O yɔŋ bɛɛ miŋ nɔ tau le, ŋ nɔla miŋ wa a kɔl kɛndɛ. Handu VIDUEIYO, okoŋ mi la suukaŋ o nyunaa hoo choo:
Mi che bɛɛ yuŋgula naŋ che o vidueiyo hoo niŋndaŋ la nɔ nyɛsɔlaa bɔɔ le, kɛ yɛɛ tosa yɛ ma wa a kɔl kɛndɛ?
Te o wa yɛ miŋ nɔ tau kɛ miŋ yeema wɔ le chɔɔloo sɔlaa? Mi Chiisu dimi bundɛi le chɔmndo kpundɛ cho o hei niŋndo. Nuawɔ Luku 12:15-21, okoŋ mi la suukaŋ o nyunaa hoo choo:
Yɛɛ ŋ pɛɛku yɛ o bundɛi Chiisu dimi hei ve niŋ?—Tofa sɔɔŋ 15.
Nuawɔ Pulɔwaa 10:22 ma tuu ndu a nyɛ dimiŋ o 1 Timoti 6:10 niŋndo. Okoŋ, mi la suukaŋ o nyunalaŋ ndaŋ choo:
O yiyaŋ numndo niŋ, yɛɛnɛ hiou yɛ wa o sɔvɛ? Chaŋyɛi nɔɔ a Chɛhowa ɔɔ kaniei nɔɔ tau? Le yɛɛ ŋ dimi yɛ lende?
Bahawɛila kuɛɛ naŋ sɔla yɛ, te ŋ del pɛ nyɛsɔlaa kiltaŋ kɔɔli?
6. Chɛhowa cho naa ke nyɛm naŋ hau ba woŋ
Te wallo hɛluŋ naa pɛ ɔɔ miŋ nɔ ikani le, mi laalaŋ naŋ nɔ o Chɛhowa niŋndo luɛi o tofaa bɛŋgu. Handu VIDUEIYO le chɔɔ mɛɛ naŋ nɔ miŋ bii simul waa ndoo yɛ. Okoŋ, mi la suukaŋ o nyunalaŋ ndaŋ choo:
O vidueiyo hoo niŋ, simulta kuɛɛ puaapilɛnɔɔ ndoo sɔla yɛ?
Yɛɛ ndoo tosa yɛ le simultaŋ ndaŋ chɔulabaa?
Nuawɔ Maatiu 6:25-34, okoŋ mi la suukaŋ o nyunaa hoo choo:
Yɛɛ Chɛhowa dimi yɛ maa o cho tosa le wanaa kɛsi ndu wana tase o yoomu ndaa niŋnda?
TE WAŊNDO DIMI PƐ AA: “I nɔla mi kuɛ o bɔŋaŋndaŋ lɔɔ o lɔɔ le. Kanifuule, I nɔ mi tosa wallo kalaŋ le yuŋgu nuu mandaa.”
Bolle Baabuile kuɛɛ ke yɛ num laalaŋndo maa, kɛsioo Chɛhowa wana tase hiou wa kɛɛsiaa kɛndɛ?
SƆƆŊ KULLOŊ
Wallo a kaniei cho nyɛ sɔvɛ, kɛ ŋ nɔ miŋ chɛl mi nyɔɔŋ muŋ paaliaŋ naa o Chɛhowa piɛiyo niŋ te.
Nyunala miiŋgaa choo laŋ
Yɛɛ mala yɛ num ma nɔ yiyaŋ kɛndɔɔ a wallo okɔɔ?
Vɛɛ kɔl hiniaa chuu yɛ num tɔnɔɔ?
Vɛɛ ŋ chɔm yɛ maa a laalaŋ nyɛ Chɛhowa dimi wo maa, o cho wanaa nduaa ke nyɛm nda hau ba woŋ?
CHƆƆLU SƆƆŊ PUM TOFA
Yaasiaa wɔ ma sina te mi Baabuiyo dimi maa nyɛ wɔɔŋndo kaniei cho ni.
“Baa Kaniei Cho Puundule Dɛnɛ Wɔɔŋ Kɛ Kɛ Ni?” (Kɔ o tɛɛŋgei choo)
Pɛɛku ma sina mɛɛ naŋ tosa kɛndɛi a kaniei mi Mɛlɛka naŋ kɔllɛ.
Baa pisultaŋ o kaniei choo cho suɛi wɔɔŋ te?
“Nyɛ Baabuiyo Dimi a Pisultaŋ o Kanioŋ Choo Okɔɔ Wo” (“Tiondoo!”, Fuoo 2015)
Tofawɔ ma che nyɛ mala poo mbo mal pisultaŋ o kanioŋ choo a viileŋ ndo.
“Pisultaŋ o Suaa Choo Laa Luɛi Ya Bɔɔ o Kɔl” (Bandu Mɛŋgɛlaa, Bɛŋgufɔnɔɔ 1, 2011)