La Toosiaŋ Fɛɛŋ Tɛɛŋ Nya Puaapilɛnɔ Numndo—Vɛɛ Naŋ Tosa Yɛ Hei?

Yiyaŋndɔ maa a wa Kalili o teleŋ Chiisu wo niŋ. Okoŋ ma kua Chulusɛlɛm le paale Bɔŋaŋ Labafɛiyo biyɔɔ. Chiee bɛndoo hoo cho o piaa cha a chaaŋaa naa laalaŋnda fulaa o fondaŋnda levilta yɛ yɛlaŋ. Nduyɛ a yeema ma yɔŋgu sala numndo o Chɛhowa lo, okoŋ ma huŋ a chuiŋndo, ma kandu nɛilaŋ nuuviaa o faŋga bɛndoo hoo tɛɛŋ le kɔlaŋ o maaŋndo. Mɛɛ ŋ fuuluu, ma cha maaŋndo o piaa cha a wanaa ndaa yeema salaa yɔŋgoo wa. O mɛɛlulaŋ, teleŋ numndo fuuluu niko le ma yɔŋgu chuiŋ numndo o wanaa soliaa lasalaa lo. A teleŋ koŋ kinɛi, ma loonuŋ maa puaapilɛnɔ numndo o faŋgaa hoo tɛɛŋ ɔɔ o chiee bɛndoo hoo niŋ, cho a kɔl num tambɛiyo. Chiisu tɛɛsiaa nyɛ ŋ nɔ ma tosa wo. (Nuawɔ Maatiu 5:​24) Vɛɛ num a puaapilɛnɔ ŋ tɛɛmbuu kɔllo wo toosiaŋ yɛ tɛɛŋ a mɛɛ Chiisu dimi yɛ? O sɔɔŋ cho muŋ lebɛŋgu o lepula woŋ, handu pondaleŋ o muli kpeekpeiyo choo.

A NƆ MA . . .

• soo o puaapilɛnɔ numndo lo te a sina pɛ maa o nɔ sabu sɔviɔɔ le mbo dɔɔŋ tumbe

• kindiŋ le yiyaŋ puaapilɛnɔ numndo miŋgioo o nɛi te a che pɛ maa o cho kafɛilaŋ nuuviaa ɔɔ o cho acheleŋnda tɔɔyaŋndo biyɔɔ

• yaŋ puaapilɛnɔ numndo nilaŋ nyɛ kɛndɛi te o wa pɛ suɛi, nduyɛ o yɔŋ bɛɛ ma bii ndu bila le, nyɔɔlu ndu a kɔllo kpou le mɛɛ o tambu kɔl a num yɛ ɔɔ le mɛɛ suɛi ŋ tosa ve hiŋ a fulamakɔɔlila ŋ ve kɔl te laŋ yɛ

PUAAPILƐNƆ NUMNDO NƆ MBO . . .

• dimul acheleŋnda o kundaa niŋ mɛɛ kpɛ ŋ tɛɛmbuu ndu kɔllo yɛ le halikpeŋ ma wa kpeŋgii nduɛi

• deŋul num, mbo chɔm nyɛ o nyɛ ŋ tosa mbo tɛɛmbuu ndu kɔl, nduyɛ ma chɛl biondɔŋ numndo

• sina tusiŋ numndo a kɔl sikpa ŋ chɔm le ndu komal lo wo, nduyɛ mbo mal num haki a kɔllo kpou

Mi che bɛɛ ŋ soli hau visiaa sala le Mɛlɛka piɛiyo le, kɛ yɛɛ Chiisu wa yɛ naa pɛɛkoo le toosiaŋndo tɛɛŋ naa puaapilɛnɔ naa vɛlɛ a piɛile nɛŋi Mɛlɛka kɔllo leŋ?