Naa Bandu Mɛŋgɛlaa KƐSI YAULAŊ O INTANƐITIIYO WA

A Wa “a Nyaale, Nduyɛ Nyina Diandaa Wa Nda Choo”

Dimul Waŋnda a Masale Mɛlɛkaleŋ Okɔɔ
- 5. Tɛɛsiaawɔ mɛɛ sɔɔŋ wa le yooŋgu kɛndɔɔ dimioo o lɛŋnde ibuŋgaleŋ Saipulɔɔ yɛ?
  
  ⁵ Mɛɛ Banabaa nda Sɔɔl chɛŋ Sɛluusiaa, chiee wa naa dɛndɛla mamɛŋndaŋ laa sim Aŋtiɔɔ ikɛiyo, ma kua o lɛŋnde ibuŋgaleŋ Saipulɔɔ. Chɔŋ Sɛluusiaa kɔ Saipulɔɔ, ndoo wa le kilolaŋ 200.d Saipulɔɔ Banabaa ndoo fula ni. Lelaŋ o wa a dialuŋfulaa le waŋnda yooŋgu kɛndɔɔ dimullo o ndulo chiee. Mɛɛ nda fuuluu Salamisi, chiee bɛndu cho ba paaleŋ le chaŋndo o lɛŋnde ibuŋgale leŋ ikɛiyo, puaa haa tosa tamala le. “Ma kandu waŋnda suɛi Mɛlɛkɛi dimullo [sakpo] o chiɛila Chuuwa piɛi Mɛlɛka laŋ niŋ.”e (Walta. 13:5) Mi Banabaa nda Sɔɔl balu yooŋgu kɛndɔɔ dimioo o chiee koŋ niŋ silɔ, naapum a chieeŋ bɛnduŋ wa o nɛi tɛɛŋ ndoŋ. O yɔŋ bɛɛ mi ndaa kei o nɛi kɛ kɛ, naapum mi misiɔnalueiya haa kua a ŋpelu le kilolaŋ 160!
  
  O CHIƐILA CHUUWA PIƐI MƐLƐKA LAŊ NIŊ
  
  “Chiɛi Chuuwa piɛi Mɛlɛka wo” sim ni, “hunɔɔ diompilɛ.” O sim le Chuuwaa ndaa chuuŋgiaŋ diompilɛ wa. Kɛ mɛɛ teleŋ tiŋ hiou, mi diomndo hoo sim le chiɛi Chuuwa piɛi Mɛlɛka wo.
  
  Wɔsilaŋ 70 Chuuwa chii o chɛleŋ niŋ ni. Wanaa bɔɔbɔɔ laalaŋ maa teleŋ nda wa o chɛleŋ niŋndo ɔɔ mɛɛ nda fula dɔɔ o chɛleŋ niŋ Babilɔŋ nda kandu chiɛila Chuuwa piɛi Mɛlɛkalaŋ taŋgullo ni. Mi ndaa soliŋ ndaŋ kpeku le piɛileŋ, diomndaŋ veeloo o Diom Mɛlɛkaa niŋ, a le pɛɛkoo a Mɛlɛka okɔɔ. O wɔsiŋ kɛmɛ tasoŋ niŋ o faŋaŋ Chiisu wo kɔɔli, chiee kɛ kɛ o Palɛsitaŋ niŋ ndoo nɔ chiɛi Chuuwa piɛi Mɛlɛka wo opilɛ. Chieeŋ bɛndoŋ muŋ nɔ hiouwɔɔ opilɛ. Nduyɛ la wa tau o Chulusalɛm niŋ.
  
  Mɛɛ Chuuwa fula o chɛleŋ niŋ Babilɔŋ, o cho nda kpou le miiŋgu Palɛsitaŋ te. Mi a bɔɔbɔɔ kua o lɛŋii cheleŋ niŋ le yulaleŋ tosaa. A wɔsiŋ kɛmɛ le ŋuɛɛnoŋ kandɔŋndo tuupa mi Chiisu vialuŋ, chieeŋ bɛndoŋ 127 wa o tanda Paasiaa wo niŋ ni. Nduyɛ Chuuwa ndaa nɔ buŋgaŋ o chieeŋ ndaŋ bɛnduŋ muŋ niŋ. (Ɛsita 1:1; 3:8) Mɛɛ teleŋ tiŋ hiou, mi Chuuwa kila fondaŋndaŋ o chieeŋ bɛnduŋ balu Pee Mɛŋma Ihɛl Mɛditalueeniaa wo. Chuuwa haa ndaa veelu ni aa wanaa saŋnaŋ nda. Ba o ba ndaa kuɛ pɛ le challe, mi ndaa taŋgul chiɛila Chuuwa piɛi Mɛlɛka laŋ.
  
  O chiɛila Chuuwa piɛi Mɛlɛka laŋ niŋ ndaa veelu diomndaŋ o yau lasawaa niŋ ni. Nduyɛ mi ndaa tɛɛsiaa ndu o Paale Pɛŋgiaale kɛ kɛ choo. O biŋndo choo wana ndoo veelu diomndaŋ ndo ndoo sim ni. Fondaŋnda chalaa laŋ la yaa laa balu biŋndo hoo ni. Wana pɔnɔ Chuunɔ kɛ kɛ ndoo wa pɛ sakpo, mi ndoo sɔla dioo le diomndaŋ veeloo o yau lasawaa niŋ, nyɛ o dimi wo tɛɛsiaa, vɛlɛ a le waŋnda kɔl dɛɛniaa kioo.

A Wa “a Nyaale, Nduyɛ Nyina Diandaa Wa Nda Choo”

Dimul Waŋnda a Masale Mɛlɛkaleŋ Okɔɔ
- d O wɔsiŋ kɛmɛ tasoŋ niŋ, mi dɛndɛ mamɛŋndo ndoo kuɛ le kilolaŋ 160 o paaleŋ niŋ te hueiyii ndii hɔŋ te. Kɛ te hueiye ndii hɔŋ pɛ tau, mi ndoo viou tau le fuuluuwo naa o wa kɔlaŋ nda.