A Loonuŋ Pa?

Baa ma veelu pa diomndaŋ nyɛkɛndɛi o buŋgaŋ Bandu Mɛŋgɛlaa niŋ le wɔsioo hoo? Te lende i cho ni, mɛɛ kindiŋ ndɔ le nyunalaŋ ndaŋ mulioo:

Vɛɛ naŋ nɔ yɛ miŋ bii Kilisiɔŋaa pɔyaŋnda?

Miŋ naŋ kɔl tau le tiindaŋ Kilisiɔŋaa pɔyaŋnda, kɛ ŋ nɔ miŋ hiu nda saŋgalaa ɔɔ bɛɛleŋ kioo le. Lelaŋ, ŋ nɔ miŋ fafaŋ wanachioo chuaa maa mɛlɛka naa. (Chudi 16) Ŋ nɔ miŋ nyuna nda a mɛɛ nda looku sina maa a sɔla pɔyaŋndo yɛ okɔɔ le.—w20.01, p. 29.

Yɛɛ ke yɛ num tiindaŋndo maa Chɛhowa buulaŋ a num okɔɔ?

Baabuiyo chɔm maa Chɛhowa ndoo sina a num okɔɔ tuupa ma vialu num. Mbo tuei piɛile numndeŋ. Chɛhowa sina nyɛ cho num o kɔllo vɛlɛ a mɛɛ ŋ cho sinaŋndo yɛ. Mi sɔɔŋ ŋ tosa woŋ piiliaŋ ndu. (1 Kolo. 28:​9; Pulɔ. 27:​11) Chɛhowa tosa a sabu ni le ma sɔɔŋguu ndu ikɛi kpɛɛluŋ.—w20.02, p. 12.

Taamaseliila kuɛɛ chɔm yɛ teleŋ naŋ nɔ miŋ soo wo a teleŋ naŋ nɔ miŋ meiyo?

Miŋ wa a nyaale tau le suɛi a Chɛhowa okɔɔ teleŋ o teleŋ. Ŋ nɔ miŋ soo te ŋ sina pɛ maa waŋndo kandu suɛi cho ndu luei o kpundɔɔ niŋnde tosaa. Bɛnduaa kundaa nɔ ma wo le puaapilɛnɔɔ ɔɔ ndepilɛnɔɔ sila yeemaŋ ndo kioo le. Te a kɛɛlu pɛ wali naa o lɛŋnde naaleŋ niŋ, ŋ nɔ miŋ dimul wana a mɛɛ naŋ tosa ndu yɛ okɔɔ le. Te ŋ sina pɛ sɔɔŋ pum a wanaa cho o kundaa niŋnda okɔɔ, ŋ nɔ miŋ dimul wanaa nɔ di le muŋ sina le wa le.—w20.03, p. 20-21.

Teŋgeŋ yɛɛ cho yɛ soonuaa cho o Chowɛɛ bolle 2 niŋnda tɛɛŋ a soonuaa cho o Sɔɔŋ Chɔɔmaŋndoŋ 9 niŋnda?

Chowɛɛ 2:​20-29 dimi maa mi Mɛlɛka tuau soonuaa kaŋ nduyɛ nyɛ o nyɛ nda tɛɛmbuu, o cho tosa mbo miiŋgu waŋnda o ba. Mi Chɛhowa dimi maa te teleŋ koŋ fuuluu pɛ, o cho nyina ndɔɔ yɔŋ. Mi hei peeluŋ a teleŋ Babiloniaŋnda huŋ del Isɔluɛiya choo wo. Soonuaa o Sɔɔŋ Chɔɔmaŋndoŋ 9:​1-11 cho suɛi a Kilisiɔŋaa pɔyaŋnda okɔɔ. A cho waŋnda dimullo maa Mɛlɛka cho hunɔɔ chieeŋ dɛnɛ wɔɔŋndo hoo tɛɛmbuu. Nduyɛ, te wanaa balaŋ la cho o sɔɔŋ chieeŋndoŋ niŋ nda tuei pɛ hei, ma tambu kɔl tau.—w20.04, p. 3-6.

Nɛɛ Cho yɛ Hau Masa Bɛndoo Baluaŋndo?

Lɔɔsiaa a lɛŋii cho ndu tooloo ve. A chiŋalaŋ niŋ wanaa Mɛlɛkaa. A kɛɛlu wali naa dimiaa yooŋgu kɛndɔɔ, nduyɛ ma tusi Seiyaa Chɛhowaa nyɛpalaa choo. Masa bɛndoo baluaŋndo cho sɔŋgɔɔ a masa bɛndoo batouwo.—w20.05, p. 13.

Baa suliŋnda ŋɔmahiɔɔlu la cho o Kaleesiaŋnda 5:​22, 23 niŋndaŋ koni ‘nyina Mɛlɛkaa’ tosa ni mi waŋnda nɔ?

Sako bɛɛ. Mi nyina Mɛlɛkaa mala naa le miŋ nɔ suliŋnda kɛndɛla cheleŋ mɛɛ sandei cho naa yɛ. (Ɛfi. 5:​8, 9)—w20.06, p. 17.

Le yɛɛ o bɛnda yɛ ma fafaŋ fotueilaŋ lapum heeloo o Intanɛtiiyo choo?

Te waŋnda che pɛ fotueila num ndaŋ o intanɛtiiyo choo, a cho pa yiyaŋ maa wana chɔmnaŋndo ŋ cho ni ɔɔ wana tusiaŋndo?—w20.07, p. 6-7.

Yɛɛ Kilisiɔŋnda pɛɛku yɛ o taamasi wanaa chaa yɔɔyaa wa niŋ?

Wanaa chaa yɔɔyaa wa sina teleŋ nda nɔ ma kuɛ yɔɔyaa wo a naa suuwa cho tau wa. Ma pɛɛku mɛɛ nda soliŋ nyɛm ndaŋ walloŋ kpeku yɛ. Ma chɔm kɔl simulaa le wali ndaa tosaa o yɔŋ bɛɛ mi choo siŋgaŋ. Naa bɛɛ nɔla miŋ tosa lende o wali pollo niŋ.—w20.09, p. 5.

Ɔɔ nɛila naŋ mala wanaa naŋ cho Baabuiyo pɛɛkoo wa le ma kaala Chɛhowa laŋ lapum?

Ŋ nɔ miŋ dɛɛniaa nda le ma wa diomndaŋ veeloo o Baabuiyo niŋ lepaa o lepaa nduyɛ, ma yiyaŋ o nyɛ nda pɛɛku wo choo. Ŋ pɛɛku nda vɛlɛ mɛɛ wana piɛi yɛ.—w20.11, p. 4.

Mɛɛ Pɔɔl dimi maa Mɛlɛka cho hunɔɔ “waŋnda kpou miŋgi yoomu,” a nɛɛ yaa okɔɔ o wa yɛ suɛi?—1 Kɔliŋ. 15:​22.

O cho dimi le Pɔɔl wa maa wana o wana vi a cho hunɔɔ miiŋgu yoomu le. Kɛ o wa suɛi a Kilisiɔŋaa ‘yɔŋguŋ o Mɛlɛka lo’ sanaa a wa nda wa “o diom pilɔɔ niŋ [nda] Chiisu Kiliti waa wo.” Nda cho yɛ Kilisiɔŋaa pɔyaŋnda ni. (1 Kɔliŋ. 1:​2; 15:​18)—w20.12, p. 5-6.

Te bulu mɛɛlaa soo pɛ, wali yɛɛ Kilisiɔŋaa pɔyaŋaa cho maŋgalaŋ o biɔŋɔɔ lepilɔɔ bɛŋgu wa cho yɛ hunɔɔ tosa?—1 Kɔliŋ. 15:​51-53.

A cho Masanɔ ndaa Chiisu tolɔɔ kɔɔli ma huŋ pesi pesi wanaa dɛnɛ wɔɔŋnda wɔ wɔ. (Sɔɔŋ. 2:​26, 27)—w20.12, p. 12-13.