Puaapiliaa o Waalaŋ Niŋ

1. Puaapiliaa naa a cho tau tau,

Naa kpou ŋ cho hei chɔɔ,

Seiya nda kpou a cho ni,

Ma lo o tonyaa choo.

Ŋ cho tau o waalaŋ niŋ,

Lɔɔ lɔɔ ŋ cho kuiyo,

Ŋ fula o kayii bɔɔ bɔɔ niŋ.

Le Mɛlɛka piɛiyo.

2. Puaapiliaa naa a cho tau tau,

Ba o ba fee miŋ kuɛ,

Le yooŋgu kɛndɔɔ dimioo,

Ndu waŋnda yeema ni

Ŋ wa pɛ yooŋgoo dimioo,

Miŋ tambu kɔl lepum.

Kɛ Chiisu cho a naa lɔɔ lɔɔ fee

Mbo ke naa kɔl dɛɛniaa.

3. Puaapiliaa naa a cho tau tau,

Le Mɛlɛka nyɔɔloo,

Mbo manda nda nyɛkɛndɛi,

Miŋ piɛi ndu lɔɔ lɔɔ fee.

Ŋ cho kɔlaŋ a kuiyo,

Ŋ cho yooŋgoo dimioo,

A Mɛlɛka naŋ cho wallo ni,

Miŋ wa ndu piɛiyo naŋ.