CHONDII 7
Chɛhowa Cho Kpaaya Naa Ni
1. Chɛhowa num cho hau kpaaya naa ni,
Num naŋ tiindaŋ le pioŋɔɔ sɔlaa ni.
Ŋ cho waŋnda dimul a num okɔɔ,
A kɛɛ bɛɛ kpooŋ le naa nilaŋ yaŋɔɔ.
(CHƐLƆƆ)
Finya naa, choo choo, num naŋ tiindaŋ ni,
Miŋ dimul waŋnda, a num okɔɔ.
Mɛlɛka naa num a nɔ bɔɔ kpaayaa,
Num mala naa ni a teleŋ kpundɔɔ.
2. Ŋ naŋ bɔɔ kɔl miŋ wa num hau piɛiyo,
Tonyaa cho naa malaa o yoomoo niŋ.
Diom numndo chɔm naa sawala numndaŋ,
Num naŋ yeema ni ma wa Masa naa.
(CHƐLƆƆ)
Finya naa, choo choo, num naŋ tiindaŋ ni,
Miŋ dimul waŋnda, a num okɔɔ.
Mɛlɛka naa num a nɔ bɔɔ kpaayaa,
Num mala naa ni a teleŋ kpundɔɔ.
3. Hɛnaŋ numndo tosaa ke naa nyaaloo.
Setana mam naa bɛɛ, ŋ mel num te.
O yɔŋ bɛɛ mbo kindiŋ le naa diyɔɔ
Yandii mala naa miŋ lo num kɔɔli.
(CHƐLƆƆ)
Finya naa, choo choo, num naŋ tiindaŋ ni,
Miŋ dimul waŋnda, a num okɔɔ.
Mɛlɛka naa num a nɔ bɔɔ kpaayaa,
Num mala naa ni a teleŋ kpundɔɔ.
(Tofa vɛlɛ 2 Saam. 22:3; Sam 18:2; Aisaya 43:12.)