Buŋgaŋ Cheleŋ o Bandu Mɛŋgɛlaa Niŋ

Mi wanaa dimiaa yooŋgu kɛndiaa bɔɔbɔɔ soliŋ JW Library kpeku, le bɛɛndiaŋndo le bɔŋaŋndaŋ. Nduyɛ ma naŋ kɔl le mɛɛ o soli buŋgɛi naŋ wa pɛɛkoo o lɔɔ koŋ mɛɛlulaŋndo yɛ. Kɛ lepum, mi Bandu Mɛŋgɛlaa cho le pɛɛkoo wo nɔ vɛlɛ buŋgaŋ cheleŋ. Buŋgaŋ muŋ bɛɛ nɔ nyɛm mala naa le pɛɛkoo a Mɛlɛka okɔɔ woŋ. Vɛɛ ŋ soliŋ yɛ JW Library kpeku le buŋgaŋ muŋ saalɔŋndo vɛlɛ ma sɔla tɔnɔɔ leniŋ?

• Mi suɛi lebolle hei, “Additional Reading,” fula o buŋgɛi Bandu Mɛŋgɛlaa kɛ kɛ bɛŋgu. Chuku “Other articles in this issue,” le ma che buŋgaŋ cheleŋ cho o Bandu Mɛŋgɛlaa koŋ niŋndoŋ a nɔmbɛila buŋgaŋ muŋ. Okoŋ ma chuku buŋgɛi cheleŋ ŋ yeema diomndaŋ veeloo ve.

• Te a kumbi pɛ JW Library, tofa fondaŋndo hoo, “What’s New” le halikpeŋ ma tusi Bandu Mɛŋgɛlaa sɛnɛi fula wo o nyɛ num mapuuloo choo te o wa loŋ pɛ. Te a tusi ndu pɛ, a kuɛ o fondaŋ nyɛm ŋ tusi woŋ cho wo, le Bandu Mɛŋgɛlaa ŋ tusi wo saalɔŋndo, okoŋ a chuku sɔɔŋ lebolloŋ le ma sɔla tɔnɔɔ o buŋgaŋ muŋ niŋ kpou.