၁ စီၤပၤ
၉ ဖဲစီၤၡလိၤမိၤ တ့ထီၣ် ယဟိဝၤယွၤအဟံၣ်, စီၤပၤအဟံၣ်+ ဒီးတၢ်ခဲလၢာ်လၢ အအဲၣ်ဒိး တ့ထီၣ်ဝဲတဖၣ် ဝံၤအခါ+ ၂ ယဟိဝၤယွၤ လီၣ်ဖျါထီၣ်အသးလၢ စီၤၡလိၤမိၤအအိၣ် ခံဘျီတဘျီ ဒ်အလီၣ်ဖျါထီၣ်အသးလၢ စီၤၡလိၤမိၤ အအိၣ်လၢ ဝ့ၢ်ကံးဘိၣ်အသိးန့ၣ်လီၤ.+ ၃ ယဟိဝၤယွၤ တဲဘၣ်အီၤလၢ “ယနၢ်ဟူ နတၢ်ထုကဖၣ် ဒီးနတၢ်ဃ့ကညးလၢ တၢ်သးကညီၤအဂီၢ်လံ. တၢ်လုၢ်ဟံၣ်လၢ နတ့ထီၣ်အီၤ တဖျၢၣ်အံၤန့ၣ် ခီဖျိလၢ ယမံၤကအိၣ်ဝဲဖဲန့ၣ်+ ထီဘိအဃိ ယပာ်စီဆှံအီၤလံ. ဒီးယမဲာ်ချံ ဒီးယသးစ့ၢ်ကီး ကအိၣ်ဝဲ ဖဲန့ၣ်ထီဘိလီၤ.+ ၄ ဒီးဒ်နပၢ် စီၤဒၤဝံး မၤဝဲအသိး နၤစ့ၢ်ကီး နမ့ၢ်လဲၤတၢ်လၢ ယမဲာ်ညါ+ လၢတၢ်သးတီ+ ဒီးလၢတၢ်တီတၢ်လိၤအပူၤ+ ခီဖျိလၢ နမၤတၢ်လၢ ယမၤလိာ်နၤ ကိးမံၤဒဲး+ ဒီးနမ့ၢ်ဒိကနၣ် ယတၢ်ဘျၢ ဒီးယတၢ်သိၣ်တၢ်သီတဖၣ်န့ၣ်+ ၅ ယကဒုးအိၣ်ဂၢၢ်ဆိးကျၢၤ နဘီနမုၢ်အလီၢ်ပစိာ်လၢ အံၣ်စရ့လးအဖီခိၣ် လီၤထူလီၤယိာ် ဒ်ယအၢၣ်လီၤပာ်စၢၤ နပၢ်စီၤဒၤဝံးလၢ ‘နစၢၤနသွဲၣ်တဂၤ ကဆ့ၣ်နီၤလၢ အံၣ်စရ့လး အလီၢ်ပစိာ်အဖီခိၣ် ထီဘိ’ အသိးလီၤ.+ ၆ ဘၣ်ဆၣ် သုဒီး သုဖိခွါတဖၣ် မ့ၢ်ဃၣ်ကွံာ်အသး ဒီးတပိာ်ယခံလၢၤဘၣ် ဒီးမ့ၢ်တမၤထွဲ ယတၢ်မၤလိာ်တဖၣ် ဒီးယတၢ်ဘျၢတဖၣ်လၢ ယပာ်လီၤလၢ သုမဲာ်ညါဘၣ် ဒီးသုမ့ၢ်လဲၤဘါထီၣ် ယွၤလၢ အဂၤတဖၣ် ဒီးမၤအဝဲသ့ၣ်အတၢ်န့ၣ်+ ၇ ယကနီဟးထီၣ်ကွံာ် ပှၤအံၣ်စရ့လးဖိလၢ ထံကီၢ်လၢ ယဟ့ၣ်လီၤအီၤ အပူၤန့ၣ်လီၤ.+ ဒီးတၢ်လုၢ်ဟံၣ် လၢယပာ်စီဆှံအီၤလၢ ယမံၤအဂီၢ်န့ၣ် ယကပာ်တ့ၢ်ကွံာ်အီၤလီၤ.+ ဒီးပှၤခဲလၢာ် ကဆိကမိၣ်ဆံး အံၣ်စရ့လး ဒီးတဲဆါအီၤလီၤ.+ ၈ ဒီးတၢ်လုၢ်ဟံၣ်တဖျၢၣ်အံၤ ကကဲထီၣ် တၢ်ဟးဂီၤအပူၣ်တဖၣ်လီၤ.+ ပှၤလၢအလဲၤဘၣ်ကျဲဖဲန့ၣ် ကိးဂၤဒဲးန့ၣ် ကကွၢ်ထံဝဲလၢ တၢ်လီၤကမၢကမၣ်အပူၤ ဒီးကတဲဆဲးအဲးဝဲလၢ* ‘ဘၣ်မနုၤအဃိ ယဟိဝၤယွၤမၤဝဲ ကီၢ်တဘ့ၣ်အံၤ ဒီးတၢ်လုၢ်ဟံၣ် တဖျၢၣ်အံၤ ဒ်အံၤလဲၣ်.’+ ၉ ဒီးအဝဲသ့ၣ် ကတဲဝဲလၢ ‘မ့ၢ်လၢအဝဲသ့ၣ် ပာ်တ့ၢ်ကွံာ် အကစၢ်ယဟိဝၤယွၤ လၢအဒုးဟးထီၣ် အမိၢ်ပၢ်ဖံဖု လၢပျၢၤတဖၣ် လၢကီၢ်အဲၤကူပတူးအပူၤ ဒီးမ့ၢ်လၢအဝဲသ့ၣ် တူၢ်လိာ်ယွၤလၢ အဂၤတဖၣ်, ဘါယွၤတဖၣ်အံၤ ဒီးမၤအတၢ်အဃိ ယဟိဝၤယွၤ ဒုးလီၤဘၣ်အဝဲသ့ၣ်လၢ တၢ်နးတၢ်ဖှီၣ်အံၤ ခဲလၢာ်လီၤ.’”+
၁၀ စီၤၡလိၤမိၤ တ့ထီၣ်ဟံၣ်ခံဖျၢၣ်လၢအမ့ၢ် ယဟိဝၤယွၤ အဟံၣ် ဒီးစီၤပၤအဟံၣ်လၢ အနံၣ် ၂၀ အတီၢ်ပူၤန့ၣ်လီၤ.+ ၁၁ ဝ့ၢ်စိၢ် အစီၤပၤ စီၤဃံရၣ်+ ဟ့ၣ်တ့ၢ် စီၤပၤၡလိၤမိၤလၢ သ့ၣ်ဆှိအ့ရ့း ဒီးသ့ၣ်ကၠူနံးဖၢၤ အသ့ၣ်ဘၣ်တဖၣ် ဒီးထူအါအါဂီၢ်ဂီၢ် ဒ်အလီကီဝဲအသိးလီၤ.+ အဃိ စီၤပၤၡလိၤမိၤဟ့ၣ် စီၤဃံရၣ် ဝ့ၢ်အဖျၢၣ် ၂၀ လၢကီၢ်ကၤလံၤလါ အပူၤလီၤ. ၁၂ ဒီးစီၤဃံရၣ် ဟးထီၣ်လၢဝ့ၢ်စိၢ်အပူၤ ဒ်သိးကလဲၤကွၢ်ဝဲ ဝ့ၢ်တဖၣ်လၢ စီၤၡလိၤမိၤ ဟ့ၣ်လီၤအီၤန့ၣ်လီၤ. ဘၣ်ဆၣ် အဝဲ တဘၣ်သူၣ်ဘၣ်သးဝဲ ဝ့ၢ်တဖၣ်န့ၣ်ဘၣ်. ၁၃ အဃိ စီၤဃံရၣ် တဲဝဲလၢ “ဒီပုၢ်ဝဲၢ်ဧၢ, ဝ့ၢ်တဖၣ်အံၤလၢ နဟ့ၣ်လီၤယၤန့ၣ် မ့ၢ်အလုၢ်အပှ့ၤ အိၣ်ဝဲတမံၤမံၤဧါ.” အဃိ ဝ့ၢ်တဖၣ်န့ၣ် ဘၣ်တၢ်ကိးအီၤလၢ ကၤဘူလး* ဟီၣ်ကဝီၤတုၤလၢ မုၢ်မဆါတနံၤအံၤလီၤ. ၁၄ ဒီးစီၤဃံရၣ် ဆှၢန့ၢ်စီၤပၤလၢ ထူအတၤလၣ် ၁၂၀ လီၤ.*+
၁၅ အဝဲအံၤ မ့ၢ်တၢ်ကွဲးနီၣ်ကွဲးဃါလၢ အဘၣ်ဃးဒီး ပှၤလၢ စီၤပၤၡလိၤမိၤ မၢဆူၣ်အီၤလၢ ကမၤတၢ်တဖၣ်+ ဒီးကတ့ထီၣ် ယဟိဝၤယွၤ အဟံၣ်,+ အနီၢ်ကစၢ်အဟံၣ်, တၢ်လူၢ်,*+ ယရူၤၡလ့ၣ် အဝ့ၢ်ဒူၣ်, ဝ့ၢ်ဃါစိၢ်,+ ဝ့ၢ်မကံးဒိၤ+ ဒီးဝ့ၢ်က့စ့ၢ်လီၤ.+ ၁၆ (လၢညါန့ၣ် ကီၢ်အဲၤကူပတူး အစီၤပၤဖၤရိၤ ဟဲထီၣ် မၤန့ၢ်ဝဲ ဝ့ၢ်က့စ့ၢ် ဒီးဒွဲၣ်အူထီၣ်ကွံာ်အီၤလီၤ. ဒီးအမၤသံစ့ၢ်ကီး ပှၤကနၤဧၣ်ဖိတဖၣ်လၢ+ အအိၣ်လၢဝ့ၢ်ပူၤလီၤ. ဒီးအဝဲဟ့ၣ် အဖိမုၣ်လၢ+ အမ့ၢ်စီၤၡလိၤမိၤ အမါလၢ ဝ့ၢ်တဖျၢၣ်န့ၣ် ဒ်တၢ်ဟ့ၣ်* အသိးလီၤ.) ၁၇ စီၤၡလိၤမိၤ တ့ထီၣ်က့ၤ ဝ့ၢ်က့စ့ၢ်, ဝ့ၢ်ဘ့ၤသဃိရိၣ် လၢလာ်ခီ,+ ၁၈ ဝ့ၢ်ဘဧၤလး+ ဒီးဝ့ၢ်တၤမၢ် လၢပှၢ်မုၢ်ကနၢ လၢအအိၣ်လၢ ကီၢ်ပူၤလီၤ. ၁၉ ဒီးစီၤၡလိၤမိၤ တ့ထီၣ်စ့ၢ်ကီး အဝ့ၢ်တဖၣ်လၢ တၢ်ပာ်ဖှိၣ် တၢ်ဖိတၢ်လံၤတဖၣ်အဂီၢ်, လ့ၣ်ကဟၣ် အဝ့ၢ်တဖၣ်,+ ပှၤဒိးကသ့ၣ် အဝ့ၢ်တဖၣ် ဒီးကယဲၢ်တၢ်လၢ စီၤၡလိၤမိၤ အဲၣ်ဒိးတ့ထီၣ်ဝဲ တမံၤဂ့ၤတမံၤဂ့ၤ လၢဝ့ၢ်ယရူၤၡလ့ၣ် အပူၤ, လၢလဘၤနိၣ် ကစၢၢ်ကလိကျါ ဒီးလၢတၢ်လီၢ်ခဲလၢာ်လၢ အအိၣ်ဝဲလၢ အတၢ်ပၢဖီလာ် အပူၤလီၤ. ၂၀ မ့မ့ၢ် ပှၤအမိၢ်ဖိ, ပှၤဃ့ၤသးဖိ, ပှၤပရးစၤဖိ, ပှၤဃံၤဝံဖိ ဒီးပှၤယဘူၣ်ဖိ+ လၢအအိၣ်တ့ၢ်ဒံးတဖၣ် ခဲလၢာ်န့ၣ် အဝဲသ့ၣ် တပၣ်ဃုာ်လၢ အံၣ်စရ့လး အပှၤဂီၢ်မုၢ်အကျါဘၣ်.+ ၂၁ ဒီးအဝဲသ့ၣ် အစၢၤအသွဲၣ်တဖၣ်လၢ အအိၣ်တ့ၢ်ဒံးလၢ ကီၢ်ပူၤ လၢပှၤအံၣ်စရ့လးဖိ မၤဟးဂီၤကွံာ်ဝဲ တန့ၢ်ဘၣ်န့ၣ် စီၤၡလိၤမိၤ မၢဆူၣ်အဝဲသ့ၣ်လၢ ကမၤတၢ်ဒ်ကုၢ်အသိး တုၤလီၤလၢ မုၢ်မဆါတနံၤအံၤလီၤ.+ ၂၂ ဘၣ်ဆၣ် စီၤၡလိၤမိၤ တမၢပှၤအံၣ်စရ့လးဖိ ကဲကုၢ် နီတဂၤဘၣ်.+ လၢတၢ်န့ၣ်အလီၢ် အဝဲသ့ၣ်ကဲန့ၢ်အီၤ ပှၤသုးဖိတဖၣ်, အခ့အပှၤတဖၣ်, ပဒိၣ်ဖးဒိၣ်တဖၣ်, ပဒိၣ်တဖၣ်, ပှၤဒိးလ့ၣ်ကဟၣ် အခိၣ်အနၢ်တဖၣ် ဒီးပှၤဒိးကသ့ၣ် အခိၣ်အနၢ်တဖၣ်လီၤ. ၂၃ ဒီးပှၤခိၣ်ပှၤနၢ် ဖးဒိၣ်တဖၣ် လၢအတီခိၣ်ရိၤမဲ စီၤၡလိၤမိၤ အတၢ်မၤန့ၣ် အိၣ်ဝဲအဂၤ ၅၅၀ ဒီးအဝဲသ့ၣ် မ့ၢ်ပှၤမၤတၢ်ဖိ အခိၣ်အနၢ်တဖၣ်လီၤ.+
၂၄ ဒီးဖၤရိၤ အဖိမုၣ်+ ဟးထီၣ်လၢ စီၤဒၤဝံး အဝ့ၢ်ပူၤ+ ဒီးလဲၤအိၣ်ဝဲလၢ အနီၢ်ကစၢ်အဟံၣ်လၢ စီၤၡလိၤမိၤ တ့ထီၣ်န့ၢ်အီၤန့ၣ်လီၤ. ဝံၤဒီး စီၤၡလိၤမိၤ တ့ထီၣ်ဝဲ တၢ်လူၢ်လီၤ.+
၂၅ လၢတၢ်လုၢ်လီၢ် လၢစီၤၡလိၤမိၤ တ့ထီၣ်ဝဲလၢ ယဟိဝၤယွၤအဂီၢ်+ အဖီခိၣ်န့ၣ် စီၤၡလိၤမိၤ ဟ့ၣ်လုၢ်ထီၣ်ဝဲ တၢ်လုၢ်ဒွဲၣ်အူ ဒီးတၢ်လုၢ်အိၣ်ဃူအိၣ်ဖိးတဖၣ် တနံၣ်သၢဘျီလီၤ.+ ဒီးအဝဲဒွဲၣ်ခုၣ်ထီၣ် တၢ်လုၢ်လၢ တၢ်လုၢ်လီၢ်အံၤအဖီခိၣ် လၢအအိၣ်လၢ ယဟိဝၤယွၤ အမဲာ်ညါ ဒီးအဝဲတ့ထီၣ်ဟံၣ် ဝံၤဝဲလီၤ.+
၂၆ စီၤၡလိၤမိၤ တ့ထီၣ်ကဘီအါဘ့ၣ်လၢ ဧ့စယိၣ်က့းဘ့ၢ်အပူၤ+ လၢအဘူးဒီး အ့လိးလၢ ပီၣ်လဲၣ်ဂီၤအက့ၣ်ကျီၤလၢ ကီၢ်အဒိၣ်အပူၤလီၤ.+ ၂၇ စီၤဃံရၣ် အခ့အပှၤ လၢအမ့ၢ် ပှၤကဘီဖိလၢ+ အအိၣ်ဒီးတၢ်လဲၤခီဖျိအါန့ၣ် စီၤဃံရၣ် ဆှၢလီၤ အဝဲသ့ၣ်လၢ ကဘီတဖၣ်အံၤအပူၤ ဒ်သိးအဝဲသ့ၣ် ကမၤသကိးတၢ်ဒီး စီၤၡလိၤမိၤ အခ့အပှၤတဖၣ်အဂီၢ်လီၤ. ၂၈ အဝဲသ့ၣ် လဲၤလၢအိဖ့ၢ်+ ဒီးအဝဲသ့ၣ် ဟံးန့ၢ်ထူဖဲန့ၣ် အတၤလၣ် ၄၂၀ ဒီးဟဲက့ၤစိာ်ဝဲလၢ စီၤၡလိၤမိၤအအိၣ်လီၤ.