စံးထီၣ်ပတြၢၤ
တၢ်လဲၤထီၣ် အတၢ်သးဝံၣ်. စီၤဒၤဝံးအထါ.
၁၂၂ ဖဲပှၤတဲယၤလၢ
“မ်ပလဲၤသကိးလၢ ယဟိဝၤယွၤ အဟံၣ်”+ အခါ ယသးခုညါ.
၂ အိ ဝ့ၢ်ယရူၤၡလ့ၣ်ဧၢ, ပလဲၤနုာ်လီၤလၢ နပူၤ+
ဒီးပဆၢထၢၣ်လၢ နတြဲၤတဖၣ်အခီၣ်ထံးလံ.
၃ ဝ့ၢ်ယရူၤၡလ့ၣ်န့ၣ် ဘၣ်တၢ်သူၣ်ထီၣ်အီၤ ဒ်ဝ့ၢ်လၢ
အဟံၣ်တဖၣ် အိၣ်ဘုးတာ်လိာ်သး ဃူဃူ အသိးလီၤ.+
၄ ပှၤအဒူၣ်တဖၣ် လၢအမ့ၢ် ယဟိဝၤယွၤ အဒူၣ်တဖၣ်န့ၣ်
လဲၤထီၣ်ဖဲန့ၣ်
ဒ်သိး ကစံးဘျုး ယဟိဝၤယွၤ အမံၤအဂီၢ်+
ဒ်တၢ်ဘျၢလၢ ပှၤအံၣ်စရ့လးဖိ အဂီၢ်အိၣ်ဝဲအသိး,
၅ မ့ၢ်လၢ တၢ်စံၣ်ညီၣ် အလီၢ်ပစိာ်တဖၣ် လၢအမ့ၢ်+
စီၤဒၤဝံး အစၢၤအသွဲၣ် အလီၢ်ပစိာ်တဖၣ်န့ၣ် ဘၣ်တၢ်ဆီလီၤအီၤ ဖဲန့ၣ်အဃိလီၤ.+
၆ ဃ့ထုကဖၣ်လၢ ဝ့ၢ်ယရူၤၡလ့ၣ် ကအိၣ်ဒီး တၢ်ဃူတၢ်ဖိး အဂီၢ်တက့ၢ်.+
အိ ဝ့ၢ်ဧၢ, ပှၤလၢအအဲၣ်နၤန့ၣ် ကအိၣ်ဘၣ် ဘံၣ်ဘံၣ်ဘၢဘၢလီၤ.
၇ မ်တၢ်ဃူတၢ်ဖိး ဆဲးအိၣ်လၢ ဝ့ၢ်ပူၤ*
ဒီးမ်တၢ်ဘံၣ်တၢ်ဘၢ ဆဲးအိၣ်လၢ တၢးလၢအကျၢၤတဖၣ် အပူၤတက့ၢ်.
၈ ဝ့ၢ်ဧၢ, ခီဖျိလၢ ယအဲၣ် ယဒီပုၢ်ဝဲၢ်တဖၣ် ဒီးယသကိးတဖၣ်အဃိ ယကတဲလၢ
“မ်တၢ်ဃူတၢ်ဖိး အိၣ်လၢနပူၤတက့ၢ်.”
၉ ခီဖျိလၢ ယဘၣ်သူၣ်ဘၣ်သး ပကစၢ် ယဟိဝၤယွၤ အဟံၣ်အဃိ+
ယကဃ့ထုကဖၣ်လၢ နကလဲၤထီၣ်လဲၤထီ အဂီၢ်လီၤ.