စံးထီၣ်ပတြၢၤ
၄၃ အိ ကစၢ်ယွၤဧၢ, စံၣ်ညီၣ်န့ၢ်တၢ်လၢယဂီၢ်+
ဒီးအိၣ်ဃူ ဒီးဒီသဒၢယၤလၢ ယတၢ်ဂ့ၢ်လိာ်ဘှီလိာ်ဒီး+ ပှၤကလုာ်တကလုာ်လၢ အသးတတီဘၣ်တက့ၢ်.
မၤပူၤဖျဲးယၤလၢ ပှၤလၢအလံၣ်န့ၢ်လီန့ၢ်တၢ် ဒီးအတတီတလိၤတဂၤ အစုပူၤတက့ၢ်.
၂ နမ့ၢ်ယကစၢ်ယွၤ ဒီးတၢးလၢအကျၢၤ လၢယဂီၢ်လီၤ.+
ဘၣ်မနုၤအဃိ နနီဟးထီၣ်ကွံာ်ယၤလဲၣ်.
ဘၣ်မနုၤအဃိ ယဘၣ်ဟးဝ့ၤဝီၤ လၢတၢ်သးအုးအပူၤ ခီဖျိ ယဒုၣ်ယဒါ ဆီၣ်တံၢ်မၤနၢၤယၤ အဃိလဲၣ်.+
၃ ဆှၢဃီၤ နတၢ်ကပီၤ ဒီးနတၢ်သိၣ်လိလၢ အမ့ၢ်အတီတက့ၢ်.+
၄ ဒီးယကလဲၤလၢ ကစၢ်ယွၤအတၢ်လုၢ်လီၢ်,+
ယကသူၣ်ဖှံသးညီလၢ ယကစၢ်ယွၤအပူၤလီၤ.
အိ ယကစၢ်ယွၤဧၢ, ယကစံးထီၣ်ပတြၢၤနၤ ဃုာ်ဒီးတနၢ်လီၤ.+
၅ ဘၣ်မနုၤအဃိ ယသးဟးဂီၤလဲၣ်.
ဘၣ်မနုၤအဃိ ယသူၣ်ကိၢ်သးဂီၤလဲၣ်.