စံးထီၣ်ပတြၢၤ
လၢတၢ်သူၣ်ဝံၣ်သးဆၢအခိၣ်အဂီၢ်. မၣ်စခ့.* စီၤဒၤဝံးအထါ, ဖဲပှၤအဒိၣ်ဖိ စီၤဒိအ့း ဟဲတဲဘၣ် စီၤစီလူးလၢ စီၤဒၤဝံး လဲၤလၢ စီၤအဃံၤမ့လ့း အဟံၣ်အခါ.+
၅၂ ပှၤဒူပှၤဃိၤတဂၤဧၢ, ဘၣ်မနုၤအဃိ နပတြၢၤလီၤနသး ဘၣ်ဃးဒီး နတၢ်မၤလၢ အအၢအသီန့ၣ်လဲၣ်.+
ကစၢ်ယွၤ အတၢ်အဲၣ်လၢအတီန့ၣ် အိၣ်ဝဲထီဘိလီၤ.+
၃ နအဲၣ်တၢ်အၢ ဒိၣ်န့ၢ်ဒံး တၢ်ဂ့ၤ
ဒီးနဘၣ်သး တဲတၢ်လံၣ်တၢ်လီ အါန့ၢ်ဒံး တၢ်တီတၢ်လိၤလီၤ. (စ့လၤ)
၄ နတဲလံၣ်တၢ်သ့မး
ဒီးနအဲၣ်တၢ်ကတိၤလၢ အမၤဆါတၢ် ကိးထံၣ်ဒဲးလီၤ.
၅ လၢတၢ်န့ၣ်အဃိ ကစၢ်ယွၤ ကတွံၢ်လီၤနၤ ဆူတၢ်ဟးဂီၤလီၤ.+
၇ ဒီးအဝဲသ့ၣ်ကတဲဝဲလၢ “ပှၤတဂၤအံၤ မ့ၢ်ပှၤလၢ တဃုတၢ်အိၣ်သဒၢအလီၢ်လၢ ကစၢ်ယွၤအအိၣ်ဘၣ်.+
အဝဲပာ်ဂံၢ်ပာ်ဘါ အတၢ်ထူးတၢ်တီၤတဖၣ်+
ဒီးသန့ၤအသးလၢ အနီၢ်ကစၢ် အတၢ်ကူၣ်လၢ အအၢတဖၣ်လီၤ.”
၈ မ့မ့ၢ်ယၤန့ၣ် ယကလီၤဂာ်ဒ် သ့ၣ်စၤယံးလၢ အဃံအလၤတထူၣ် လၢကစၢ်ယွၤ အဟံၣ်ပူၤလီၤ.
ယနာ်န့ၢ် ကစၢ်ယွၤ အတၢ်အဲၣ်လၢအတီ+ လီၤထူလီၤယိာ်လီၤ.
၉ အိ ကစၢ်ယွၤဧၢ, ခီဖျိတၢ်လၢနမၤအဃိ ယကစံးထီၣ်ပတြၢၤနၤ လီၤထူလီၤယိာ်လီၤ.+
လၢပှၤလၢအသးတီဒီးနၤတဖၣ် အကျါန့ၣ်
ယကမုၢ်လၢ်တၢ်လၢနမံၤ+ မ့ၢ်လၢ အဂ့ၤဝဲအဃိလီၤ.