စံးထီၣ်ပတြၢၤ
ထါသးဝံၣ်.
အဝဲအုၣ်က့ၤခီၣ်က့ၤတၢ် ခီဖျိလၢ အစုထွဲ လၢအမ့ၢ် အစုဒုၣ်စီဆှံလီၤ.+
၃ အဝဲ သ့ၣ်နီၣ်ထီၣ် အတၢ်အၢၣ်လီၤလၢ အကပာ်ဖျါထီၣ် တၢ်အဲၣ်လၢအတီလၢ ပှၤအံၣ်စရ့လးဖိ အဖီခိၣ်လီၤ.+
ပှၤခဲလၢာ်လၢ ဟီၣ်ခိၣ်ချၢန့ၣ် ထံၣ်ဘၣ်တ့ၢ် ပကစၢ်ယွၤ အတၢ်အုၣ်က့ၤခီၣ်က့ၤလံ.+
၄ ပှၤဟီၣ်ခိၣ်ဖိ ခဲလၢာ်သ့ၣ်ဧၢ, ကိးပသူထီၣ်လၢ ယဟိဝၤယွၤအအိၣ်လၢ တၢ်သးခုအပူၤတက့ၢ်.
သူၣ်ဖှံသးညီ, သးဝံၣ်စံးထီၣ်ပတြၢၤအီၤ ဒီးကိးပသူထီၣ်လၢ တၢ်သူၣ်ဖှံသးညီအပူၤတက့ၢ်.+
၅ ဒ့တနၢ် ဒီးသးဝံၣ်စံးထီၣ်ပတြၢၤ ယဟိဝၤယွၤ
လၢတၢ်သးဝံၣ်တက့ၢ်.
၆ လၢတၢ်သးခုအပူၤ ကိးပသူထီၣ်လၢ စီၤပၤလၢအမ့ၢ် ယဟိဝၤယွၤ အမဲာ်ညါ
ဒီးအူသီၣ်ထီၣ် ကွဲၤတဖၣ်တက့ၢ်.+
၇ မ်ပီၣ်လဲၣ် ဒီးတၢ်အိၣ်လၢအပူၤခဲလၢာ်န့ၣ် သီၣ်ထီၣ်လၢ အကလုၢ်ဖးဒိၣ်
ဒီးမ်ဟီၣ်ခိၣ် ဒီးပှၤလၢအိၣ်လၢအပူၤန့ၣ် ကိးပသူထီၣ်လၢ တၢ်သးခုအပူၤစ့ၢ်ကီးတက့ၢ်.
၈ မ်ထံကျိတဖၣ် ဒဲအစု
ဒီးမ်ကစၢၢ်တဖၣ် ကိးပသူထီၣ်သကိးလၢ တၢ်သးခုအပူၤ+
၉ လၢယဟိဝၤယွၤ အမဲာ်ညါ, မ့ၢ်လၢ အဝဲဟဲဝဲ ဒ်သိး ကစံၣ်ညီၣ် ဟီၣ်ခိၣ်လီၤ.