ဟိၤၡ့
၁၄ “အံၣ်စရ့လးဧၢ, မ့ၢ်လၢ သု လီၤဃံၢ် လၢသုတၢ်ကမၣ်အဃိ
ဟဲက့ၤလၢ သုကစၢ် ယဟိဝၤယွၤအအိၣ်တက့ၢ်.+
ဒီးပကလုၢ်ထီၣ် ပထးခိၣ် အတၢ်လုၢ်စံးထီၣ်ပတြၢၤ+ ဒ်ပလုၢ်ထီၣ် ကျီၢ်ဖါတဖၣ်အသိးလီၤ.
၃ ကီၢ်အၤၡူၢ် မၤပူၤဖျဲးပှၤ တသ့ဘၣ်.+
ပတသန့ၤပသးလၢ ကသ့ၣ် တဖၣ်လၢၤဘၣ်.+
တၢ်လၢပတ့အီၤလၢ ပစုတဖၣ်န့ၣ် ပတတဲအီၤလၢ “အိ ပကစၢ်ယွၤဧၢ” လၢၤဘၣ်,
မ့ၢ်လၢ နမ့ၢ်ပှၤလၢ အပာ်ဖျါထီၣ် တၢ်သးကညီၤလၢ ဖိၣ်ဃဲတဖၣ် အဖီခိၣ်အဃိလီၤ.’+
၄ ယကမၤဘျါကွံာ် အဝဲသ့ၣ် ဒီးအဝဲသ့ၣ် တအိၣ်ဒီး တၢ်သးတတီဘၣ်လၢၤဘၣ်.+
၅ ယကလီၤဂာ်ဒီး ပစီၤထံ လၢအံၣ်စရ့လးအဂီၢ်
ဒီးအဝဲသ့ၣ် ကလီၤဂာ်ဒီး ဖီဒ့ၣ်ညါ
ဒီးအကစဲၤလီၤအဂံၢ် ဒ်လဘၤနိၣ်အသ့ၣ်တဖၣ်အသိးလီၤ.
၆ အဒ့တဖၣ် ကကရၣ်ထီၣ်အသး
ဒီးအကဖျါ လီၤကဟုကညီၢ် ဒ်သ့ၣ်စၤယံးအသိး
ဒီးကနၢမူ ဒ်လဘၤနိၣ် အသ့ၣ်ထူၣ် အသိးလီၤ.
၇ အဝဲသ့ၣ် ကအိၣ်ဘၣ်ကဒီးလၢ အတၢ်ကဒု* အဖီလာ်လီၤ.
အဝဲသ့ၣ် ကသူၣ်ဘု ဒီးအဝဲသ့ၣ် ကဒိၣ်ထီၣ်ဝဲ ဒ်စပံးမုၢ်အသိး+
ဒီးကစၢ်ယွၤ အမံၤကဟူသၣ်ကဖျါ ဒ်လဘၤနိၣ် အစပံးထံ အသိးန့ၣ်လီၤ.
၈ ဒီးအ့ဖရဲၣ်* ကတဲဝဲလၢ ‘တၢ်ဂီၤတၢ်ဖှီၣ်တဖၣ်အံၤ ဘၣ်ဃးဒီးယၤ ဒ်လဲၣ်.’+
၉ မတဂၤ အိၣ်ဒီး တၢ်ကူၣ်သ့လဲၣ်, မ်အနၢ်ပၢၢ် တၢ်ဂ့ၢ်တဖၣ်အံၤတက့ၢ်.
မတဂၤ အိၣ်ဒီး တၢ်သူၣ်ဆးသးဆးလဲၣ်, မ်အသ့ၣ်ညါ တၢ်သ့ၣ်တဖၣ်အံၤတက့ၢ်.
ယဟိဝၤယွၤ အကျဲတဖၣ်န့ၣ် တီဝဲလိၤဝဲ+
ဒီးပှၤတီပှၤလိၤ ကလဲၤဝဲလၢ ကျဲတဖၣ်အံၤအပူၤလီၤ.
မ့မ့ၢ်ပှၤမၤကမၣ်တၢ်ဖိတဖၣ်န့ၣ် ကလီၤဃံၢ်လၢ ကျဲတဖၣ်အံၤ အပူၤလီၤ.