ဟိၤၡ့
၂ “တဲဘၣ် နဒီပုၢ်ဝဲၢ်ခွါတဖၣ်လၢ ‘သုမ့ၢ် ယပှၤဂီၢ်မုၢ်’*+
ဒီးတဲဘၣ် နဒီပုၢ်ဝဲၢ်မုၣ်တဖၣ်လၢ ‘သုမ့ၢ်ပိာ်မုၣ်လၢ အဘၣ်တၢ်သးကညီၤအီၤ’* တက့ၢ်.+
၂ ပာ်ဒ့ၣ်ပာ်ကမၣ်သုမိၢ်, ပာ်ဒ့ၣ်ပာ်ကမၣ်အီၤသၢၤ.
အဝဲတမ့ၢ် ယမါဘၣ်+ ဒီးယတမ့ၢ် အဝၤဘၣ်.
အဝဲတဘၣ်မၤအသး ဒ်သိးဒီး ပိာ်မုၣ်ဆါလီၤအီၣ်သးတဂၤ*
ဒီးပိာ်မုၣ်လၢ အအဲၣ်ဘၢတၢ် အသိးလၢၤဘၣ်.
၃ မ့တမ့ၢ်ဘၣ်န့ၣ် ယကဒုးအိၣ်ဘ့ၣ်ဆ့အီၤ ဒီးယကဒုးကဲထီၣ်အီၤ ဒ်မုၢ်နံၤဖဲအအိၣ်ဖျဲၣ်ထီၣ်အခါ အသိးလီၤ.
ယကဒုးကဲထီၣ်အီၤ ဒ်ပှၢ်မုၢ်ကနၢ
ဒီးဒ်တၢ်လီၢ်လၢ ထံတအိၣ်ဘၣ် အသိး
ဒီးယကဒုးလီၤဒိသံအီၤ လၢထံလီၤ.
၄ ဒီးယတပာ်ဖျါထီၣ် တၢ်သးကညီၤလၢ အဖိခွါတဖၣ်အဖီခိၣ်ဘၣ်
မ့ၢ်လၢ အဝဲသ့ၣ်တဖၣ်န့ၣ် မ့ၢ်ဝဲ ဖိတဖၣ်လၢ အအိၣ်ဖျဲၣ်ထီၣ်ခီဖျိလၢ တၢ်မၤကမၣ်မုၣ်ကမၣ်ခွါ*
၅ ဒီးအဝဲသ့ၣ် အမိၢ်န့ၣ် မၤအသးဒ်သိးဒီး ပိာ်မုၣ်ဆါလီၤအီၣ်သးတဂၤ* အဃိလီၤ.+
အဝဲမၤတၢ်လၢ အလီၤမဲာ်ဆှး+ ဒီးဒၢထီၣ် အဝဲသ့ၣ်လီၤ. အတဲလီၤအသးလၢ
‘ယကလဲၤလူၤ ယတၢ်အဲၣ်တီတဖၣ်+
ခီဖျိလၢ အဝဲသ့ၣ်မ့ၢ်ပှၤလၢ အဟ့ၣ်ယၤ ကိၣ်ဒီးထံ,
သိဆူၣ် ဒီးတၢ်ကံးညာ် လၢအညၣ်ဂ့ၤ ဒီးသိဧိၤချါဧိၤ ဒီးစပံးထံအဃိလီၤ.’
၆ ယကတြီဃာ်အကျဲဒီး ကရၢတၤဆှုၣ်
ဒီးယကဆီလီၤ လၢၢ်အဒူၣ် လၢကတြီဃာ်အကျဲ
ဒ်သိးအဃုကျဲ သုတဘၣ်လၢၤတဂ့ၤအဂီၢ်လီၤ.
၇ အဝဲကလူၤ အတၢ်အဲၣ်တီတဖၣ် ဘၣ်ဆၣ် အလူၤဝဲတချုးဘၣ်.+
အကဃုကွၢ် အဝဲသ့ၣ် ဘၣ်ဆၣ် အတထံၣ်ဝဲဘၣ်.
ဒီးအကတဲလၢ ‘ယကက့ၤကဒါက့ၤလၢ ယဝၤလၢ အဆိကတၢၢ်တဂၤအအိၣ်+
မ့ၢ်လၢ ယတၢ်အိၣ်သး ဖဲန့ၣ်အခါန့ၣ် ဂ့ၤဒိၣ်န့ၢ်ဒံးခဲအံၤလီၤ.’+
၈ ပှၤလၢ အဟ့ၣ်လီၤအီၤ ဘု, စပံးထံအသီ ဒီးသိ
ဒီးပှၤလၢအဟ့ၣ်လီၤအီၤ စ့ညၣ် အါအါဂီၢ်ဂီၢ် ဒီးထူလၢအဝဲသ့ၣ် သူက့ၤလၢ ဘဧၤလး အဂီၢ်န့ၣ် မ့ၢ်ဝဲယၤလီၤ.+
ဘၣ်ဆၣ် အတတူၢ်လိာ်ဝဲလၢ အမ့ၢ်ယၤဘၣ်.+
၉ အဃိ ယကဟံးန့ၢ်က့ၤ ယဘုလၢ အဆၢကတီၢ်ဒၣ်ဝဲ
ဒီးယကဟံးန့ၢ်က့ၤ ယစပံးထံအသီ လၢအဆၢကတီၢ်ဒၣ်ဝဲ+
ဒီးယကထုးက့ၤ ယသိဆူၣ် ဒီးယတၢ်ကံးညာ် လၢအညၣ်ဂ့ၤ လၢအကးဘၢ အတၢ်အိၣ်ဘ့ၣ်ဆ့န့ၣ်လီၤ.
၁၀ ဒီးခဲအံၤ ယကဒုးအိၣ်ဘ့ၣ်ဆ့အီၤလၢ အတၢ်အဲၣ်တီတဖၣ် အမဲာ်ညါ ပျီပျီလီၤ.
ဒီးပှၤပိာ်ခွါတဖၣ်န့ၣ် မၤပူၤဖျဲးအီၤလၢ ယစုပူၤတသ့ နီတဂၤဘၣ်.+
၁၁ ယကမၤကတၢၢ်ကွံာ် အတၢ်သူၣ်ဖှံသးညီ ခဲလၢာ်,
အဘူၣ်တဖၣ်,+ အလါထီၣ်သီတဖၣ်, အမုၢ်အိၣ်ဘှံးနံၤတဖၣ် ဒီးအမူးပွဲလီၤဆီ ခဲလၢာ်လီၤ.
၁၂ ဒီးအစပံးမုၢ် ဒီးအချၢၣ်ဒၢထူၣ်တဖၣ် လၢအတဲဝဲလၢ
“အဝဲအံၤမ့ၢ် ယဘူးယလဲလၢ ယတၢ်အဲၣ်တီတဖၣ် ဟ့ၣ်ယၤ” န့ၣ်ယကမၤဟးဂီၤကွံာ်အီၤလီၤ.
ယကဒုးကဲထီၣ်အီၤ ဒ်သိးဒီးပှၢ်
ဒီးဆၣ်ဖိကီၢ်ဖိအမံၤတဖၣ် ကအီၣ်ကွံာ်အီၤလီၤ.
၁၃ ခီဖျိလၢမုၢ်နံၤတဖၣ်လၢ အဝဲလုၢ်ထီၣ်တၢ်လၢ ဘဧၤလး အတၢ်ဂီၤတၢ်ဖှီၣ်တဖၣ်အအိၣ်,+
ဒီးခီဖျိ အမၤဃံမၤလၤထီၣ်အသးလၢ နၢ်ဒံးတဖၣ် ဒီးတၢ်ကယၢကယဲတဖၣ် ဒီးလူၤပိာ် အတၢ်အဲၣ်တီတဖၣ် အခံအဃိ ယက စံၣ်ညီၣ်အီၤလီၤ.
ဒီးအဝဲ သးပ့ၤနီၣ်ကွံာ်ယၤ+ ယဟိဝၤယွၤလီၤ.
၁၄ ‘ယကလဲၤဆှၢအီၤလၢ ပှၢ်မုၢ်ကနၢအပူၤ
ဘၣ်ဆၣ် ယကထုးန့ၢ်အသး
ဒီးယကတဲတၢ်ဒီးအီၤ မုာ်မုာ် တုၤလၢအနုာ်လီၤလၢ အသးပူၤလီၤ.
၁၅ ဖဲန့ၣ်ဝံၤအလီၢ်ခံ ယကဟ့ၣ်လီၤက့ၤအီၤလၢ အစပံးကျီးတဖၣ်+
ဒီးယကဟ့ၣ်လီၤအီၤလၢ ဧၤကိၢ်အတၢ်တြီၤပူၤ+ ဒ်တၢ်မုၢ်လၢ် အတြဲၤအသိးလီၤ.
အကစံးဆၢက့ၤယၤဖဲန့ၣ် ဒ်လၢအသးစၢ်ခါ,
ဖဲမုၢ်နံၤလၢ အဟးထီၣ်ဘၣ်လၢ ကီၢ်အဲၤကူပတူးပူၤအသိးလီၤ.’+
၁၇ ‘ယတပျဲလၢ အဝဲကကိးထီၣ် ဘဧၤလး အတၢ်ဂီၤတၢ်ဖှီၣ်တဖၣ် အမံၤဘၣ်+
ဒီးအဝဲ တသ့ၣ်နီၣ်ထီၣ် တၢ်ဂီၤတၢ်ဖှီၣ်တဖၣ်န့ၣ် အမံၤလၢၤဘၣ်.+
၁၈ ဖဲတၢ်တနံၤန့ၣ် ယကမၤန့ၢ် အဝဲသ့ၣ် တၢ်အၢၣ်လီၤအီလီၤ တခါလၢ အဘၣ်ဃးဒီး ဆၣ်ဖိကီၢ်ဖိအမံၤ လၢပျီပူၤ,+
ထိၣ်ဖိလံၣ်ဖိ လၢမူခိၣ် ဒီးဆၣ်ဖိကီၢ်ဖိလၢ အဟူးအဂဲၤ လၢဟီၣ်ခိၣ်လိၤလီၤ.+
ယကမၤလီၤမၢ်ကွံာ် ချံၣ်, နး ဒီးတၢ်ဒုးတၢ်ယၤလၢ ထံလီၢ်ကီၢ်ပူၤ+
ဒီးယကဒုးအိၣ် ယပှၤဂီၢ်မုၢ်လၢ တၢ်ဘံၣ်တၢ်ဘၢအပူၤလီၤ.+
၁၉ ယအၢၣ်လီၤလၢ ယကဒုးကဲနၤလၢ ယတလးမူးပိာ်မုၣ် ဒ်သိး နကကဲယတၢ် လီၤထူလီၤယိာ် အဂီၢ်လီၤ.
ဒီးယအၢၣ်လီၤလၢ ယကရ့နၤလၢ တၢ်တီတၢ်လိၤအပူၤ
ဒီးလၢတၢ်အဲၣ်လၢအတီ ဒီးတၢ်သးကညီၤအပူၤလီၤ.+
၂၀ ယအၢၣ်လီၤလၢ ယကဒုးကဲနၤလၢ ယတလးမူးပိာ်မုၣ် ဒီးယကတီဒီးနၤ
ဒီးနကသ့ၣ်ညါ ယၤ ယဟိဝၤယွၤ သပှၢ်ကတၢၢ်လီၤ.’+
၂၁ ‘ဖဲတၢ်တနံၤန့ၣ် ယၤ ယဟိဝၤယွၤ
ကဟ့ၣ်လီၤ တၢ်လၢမူခိၣ်ဃ့ဝဲ
ဒီးမူခိၣ် ကဟ့ၣ်လီၤတၢ်လၢ ဟီၣ်ခိၣ်ဃ့ဝဲ+
၂၂ ဒီးဟီၣ်ခိၣ် ကဟ့ၣ်လီၤတၢ်လၢ ဘု, စပံးထံအသီ ဒီးသိ ဃ့ဝဲလီၤ.
ဒီးတၢ်သ့ၣ်တဖၣ်န့ၣ် ကဟ့ၣ်လီၤတၢ်လၢ ယံးစရ့လး* ဃ့ဝဲလီၤ.+
၂၃ ယကဖှံ ယပှၤဂီၢ်မုၢ်* ဒ်တၢ်ချံအသိးလၢ ဟီၣ်ခိၣ်ချၢ လၢယနီၢ်ကစၢ်အဂီၢ်လီၤ.+
ဒီးယကပာ်ဖျါထီၣ် တၢ်သးကညီၤလၢ ပှၤလၢ တၢ်တသးကညီၤအီၤဘၣ်တဖၣ်* အဖီခိၣ်လီၤ.
ပှၤလၢအတမ့ၢ် ယပှၤဂီၢ်မုၢ်ဘၣ်န့ၣ်* ယကတဲဘၣ်အဝဲသ့ၣ်လၢ “သုမ့ၢ်ယပှၤဂီၢ်မုၢ်လီၤ.”+
ဒီးအဝဲသ့ၣ် ကတဲလၢ “နမ့ၢ်ပကစၢ်ယွၤလီၤ.”’”+