ရိမ့ၤ
၉ ဒ်ခရံာ်အပျဲၢ်အဘီၣ် တဂၤအသိး ယတဲတၢ်မ့ၢ်တၢ်တီ ဒီးယတလံၣ်တၢ်လီတၢ်ဘၣ်. ဒီးယသးလၢ အသ့ၣ်ညါဒၣ်တၢ် လၢသးစီဆှံ ဟံးစုနဲၣ်ကျဲအီၤန့ၣ် အုၣ်အသးစ့ၢ်ကီးလၢ ၂ ယသးအုးဒိၣ်မး ဒီးယသးဘၣ်ဒိ ထီဘိလီၤ. ၃ မ့ၢ်သ့န့ၣ် ယဆၢလၢ ယနီၢ်ကစၢ်ဒၣ်ယဲ ကအိၣ်လီၤဖးဒီးခရံာ် ဒ်ပှၤလၢ အဘၣ်တၢ်ဆိၣ်အၢ တဂၤအသိး ဒ်သိးကကဲဘျုးလၢ ယဒီပုၢ်ဝဲၢ်တဖၣ် လၢအမ့ၢ် ယပှၤကလုာ်အဂီၢ်လီၤ. ၄ အဝဲသ့ၣ်တဖၣ်န့ၣ် မ့ၢ်ပှၤအံၣ်စရ့လးဖိလီၤ. ဒီးလၢညါန့ၣ် ကစၢ်ယွၤ လုၢ်ဖိအဝဲသ့ၣ်+ ဒီးဟ့ၣ်လီၤ အဝဲသ့ၣ် တၢ်လၤကပီၤ, တၢ်အၢၣ်လီၤအီလီၤတဖၣ်,+ စီၤမိၤၡ့ အတၢ်သိၣ်တၢ်သီ,+ တၢ်စံးပာ်တဖၣ်+ ဒီးတၢ်ခွဲးတၢ်ယာ်လၢ ကမၤအတၢ်မၤစီဆှံလီၤ.+ ၅ အဝဲသ့ၣ် ဟဲလီၤစၢၤလီၤသွဲၣ်လၢ ပမိၢ်ပၢ်ဖံဖု လၢပျၢၤတဖၣ်+ ဒီးခရံာ် ဟဲလီၤစၢၤလီၤသွဲၣ်လၢ အဝဲသ့ၣ်အအိၣ် လၢသွံၣ်ထံဖံးညၣ် တကပၤလီၤ.+ ဒီးကစၢ်ယွၤလၢ အပၢတၢ်ခဲလၢာ်န့ၣ် မ်အဘၣ် တၢ်စံးထီၣ်ပတြၢၤအီၤ လီၤစိၤလီၤထီတက့ၢ်. အၤမ့ၣ်.
၆ ဘၣ်ဆၣ် ကစၢ်ယွၤ အတၢ်အၢၣ်လီၤ တဟးဂီၤဘၣ်, မ့ၢ်လၢ ပှၤလၢ အဟဲလီၤစၢၤလီၤသွဲၣ်လၢ စီၤအံၣ်စရ့လးန့ၣ် တမ့ၢ် “ပှၤအံၣ်စရ့လးဖိ” အနီၢ်ကီၢ်+ ကိးဂၤဒဲးဘၣ်. ၇ ဒ်န့ၣ်အသိး အဝဲသ့ၣ် မ့ၢ်စီၤအၤဘြၤဟၣ် အချံအသၣ်+ ဘၣ်ဆၣ် အဝဲသ့ၣ်တမ့ၢ် အဖိကိးဂၤဒဲးဘၣ်. လၢတၢ်န့ၣ်အလီၢ် ကစၢ်ယွၤ တဲစီၤအၤဘြၤဟၣ်လၢ “ပှၤလၢအကဘၣ် တၢ်ကိးအီၤလၢ နချံနသၣ်န့ၣ် ကဟဲခီဖျိလၢ စီၤအံၤစဲးလီၤ.”+ ၈ တၢ်အဝဲန့ၣ် ပာ်ဖျါထီၣ်ဝဲလၢ ဖိလၢ သွံၣ်ထံဖံးညၣ် တကပၤန့ၣ် တမ့ၢ်ကစၢ်ယွၤ အဖိအနီၢ်ကီၢ်ဘၣ်.+ မ့မ့ၢ် ဖိလၢ အဟဲအိၣ်ထီၣ် ခီဖျိလၢ ကစၢ်ယွၤအတၢ်အၢၣ်လီၤအဃိန့ၣ်+ ကဘၣ် တၢ်ပာ်ပနီၣ်အီၤလၢ တၢ်အချံအသၣ်လီၤ. ၉ ကစၢ်ယွၤ အၢၣ်လီၤပာ်ဝဲဒ်အံၤ “ဖဲတၢ်ဆၢကတီၢ် ဘၣ်အခါ ယကဟဲ ဒီးနီၢ်စၤရါ ကအိၣ်ဒီး အဖိခွါတဂၤလီၤ.”+ ၁၀ တကးဒံးဘၣ် နီၢ်ရံးဘကၤစ့ၢ်ကီး ဒၢထီၣ်ဝဲ အဖိတဃံာ်လၢ အပၢ်မ့ၢ်ဝဲ စီၤအံၤစဲးလၢအမ့ၢ် ပဖုဖးဒိၣ်လီၤ.+ ၁၁ ဒီးတချုးလၢ အဝဲသ့ၣ် အိၣ်ဖျဲၣ်ထီၣ်ဒံးဘၣ် ဒီးတမၤတၢ်ဂ့ၤ မ့တမ့ၢ် တၢ်အၢနီတမံၤဒံးဘၣ်အခါ လံၤလံၤန့ၣ် ကစၢ်ယွၤ ပာ်ဖျါထီၣ်ဝဲလၢ အဝဲဃုထၢထီၣ်တၢ် ဒ်အတၢ်တိာ်ပာ် အိၣ်ဝဲအသိးလီၤ. ဒီးအတၢ်ဃုထၢန့ၣ် တဒိးသန့ၤထီၣ်အသးလၢ ပှၤတဂၤဂၤ အတၢ်မၤ အဖီခိၣ်ဘၣ်. အဒိးသန့ၤထီၣ် အသးလၢ ကစၢ်ယွၤ လၢအမ့ၢ် ပှၤလၢအကိးတၢ်တဂၤ အဖီခိၣ်လီၤ. ၁၂ အဃိ ကစၢ်ယွၤ တဲဘၣ် နီၢ်ရံးဘကၤလၢ “ပှၤအဒိၣ်တဂၤန့ၣ် ကကဲထီၣ်ပှၤလၢ အဆံးတဂၤ အကုၢ်လီၤ.”+ ၁၃ တၢ်ကွဲးအသး အိၣ်ဝဲလၢ “ယအဲၣ် စီၤယၤကိာ် ဘၣ်ဆၣ် စီၤဧ့ၡီၤန့ၣ် ယသးဟ့အီၤလီၤ.”+
၁၄ မ့မ့ၢ်ဒ်န့ၣ်န့ၣ် ပကတဲဒ်လဲၣ်. မ့ၢ်ကစၢ်ယွၤ မၤတၢ်တတီတလိၤဘၣ်ဧါ. လ့ၤတက့ၤ တမ့ၢ်ဘၣ်.+ ၁၅ ကစၢ်ယွၤ တဲဘၣ် စီၤမိၤၡ့လၢ “ယကသးကညီၤ ဖဲဒၣ်ပှၤလၢယအဲၣ်ဒိး သးကညီၤအီၤ ဒီးယကသးအိၣ်ဖဲဒၣ် ပှၤလၢ ယအဲၣ်ဒိး သးအိၣ်အီၤလီၤ.”+ ၁၆ အဃိ ကစၢ်ယွၤ အတၢ်ဃုထၢန့ၣ် တဒိးသန့ၤထီၣ်အသးလၢ ပှၤတဂၤ အတၢ်အဲၣ်ဒိး မ့တမ့ၢ် အတၢ်ထဲးဂံၢ်ထဲးဘါ အဖီခိၣ်ဘၣ်. အဒိးသန့ၤထီၣ်အသးလၢ ကစၢ်ယွၤလၢ အအိၣ်ဒီး တၢ်သးကညီၤတဂၤ အဖီခိၣ်လီၤ.+ ၁၇ တၢ်ကွဲးအသးတဲဘၣ် ဖၤရိၤလၢ “ယပာ်မူနၤန့ၣ် မ့ၢ်ဒ်သိး ယကပာ်ဖျါထီၣ် ယစိယကမီၤလၢနဃိ ဒီးဒ်သိးယမံၤ ကဘၣ်တၢ်စံၣ်တဲၤတဲလီၤအီၤလၢ ဟီၣ်ခိၣ်ဒီဘ့ၣ်ညါအဂီၢ်လီၤ.”+ ၁၈ အဃိ ကစၢ်ယွၤသးကညီၤ ပှၤလၢ အဝဲအဲၣ်ဒိး သးကညီၤဝဲတဖၣ် ဘၣ်ဆၣ် အမ့ၢ်အဲၣ်ဒိး ဟ့ၣ်အခွဲးလၢ ပှၤတဂၤဂ့ၤတဂၤဂ့ၤ အခိၣ်ကကိၤန့ၣ် အဝဲဟ့ၣ်ဝဲအခွဲးလီၤ.+
၁၉ အဃိ နကတဲဘၣ်ယၤလၢ “နီၢ်ကီၢ်န့ၣ် ပှၤထီဒါ ကစၢ်ယွၤအတၢ်ဘၣ်သး တသ့နီတဂၤဘၣ်. ဘၣ်မနုၤအဃိ အဝဲပာ်တၢ်ကမၣ်လၢ ပှၤလိၤဒံးလဲၣ်.” ၂၀ အိ ပှၤကညီဧၢ, နကတဲဆၢက့ၤ ကစၢ်ယွၤန့ၣ် မ့ၢ်နအိၣ်ဒီး တၢ်ခွဲးတၢ်ယာ်မနုၤလဲၣ်.+ မ့ၢ်သပၢၤဟီၣ်ခိၣ်န့ၣ် တဲဘၣ် ပှၤလၢအတ့အီၤတဂၤလၢ “ဘၣ်မနုၤအဃိ နတ့ယၤဒ်အံၤလဲၣ်” န့ၣ်ကြၢးဧါ.+ ၂၁ ပှၤတ့သပၢၤန့ၣ် အိၣ်ဒီးတၢ်စိတၢ်ကမီၤလၢ ကပံာ်အဖီခိၣ်+ ဒ်သိးကသူဝဲကပံာ်တလိၣ်ဃီ ဒီးတ့ထီၣ်သပၢၤခံဖျၢၣ်, တဖျၢၣ်လၢပှၤကသူအီၤလၢ တၢ်လၢအလီၤပာ်ကဲ တမံၤမံၤအဂီၢ် ဒီးအဝဲတဖျၢၣ်လၢ ပှၤကသူအီၤလၢ တၢ်လၢအတလီၤပာ်ကဲဘၣ် တမံၤမံၤအဂီၢ် တမ့ၢ်ဧီၤ. ၂၂ ဒ်န့ၣ်အသိး ကစၢ်ယွၤအဲၣ်ဒိး ပာ်ဖျါထီၣ် အတၢ်သးထီၣ် ဒီးလီၣ်ဖျါထီၣ်အစိကမီၤ သနာ်က့ ပှၤလၢအမၤသးထီၣ်အီၤ* လၢအကြၢးဝဲဒီးတၢ်ဟးဂီၤန့ၣ် အဝဲဝံသးစူၤဝဲသပှၢ်တၢၢ်လီၤ. ၂၃ ဒီးအမၤဝဲဒ်အံၤ မ့ၢ်ဒ်သိးအကပာ်ဖျါထီၣ် အလၤကပီၤဒိၣ်ဒိၣ်မုၢ်မုၢ် ဆူပှၤလၢအကဒိးန့ၢ်ဘၣ် တၢ်သးကညီၤတဖၣ် အအိၣ်လီၤ.*+ အဝဲ ကတဲာ်ကတီၤပာ်စၢၤ ပှၤတဖၣ်အံၤ လၢအမ့ၢ် ပဝဲဒၣ်အံၤလၢ တၢ်လၤကပီၤအဂီၢ်လီၤ. ၂၄ အဝဲကိးန့ၢ်ပှၤလၢ ပှၤယူဒၤဖိတဖၣ်အကျါ တကးဒံးဘၣ် လၢပှၤကလုာ်တဖၣ်အကျါ စ့ၢ်ကီးလီၤ.+ ၂၅ ဒ်အဝဲတဲဝဲလၢ လံာ်ဟိၤၡ့ အပူၤအသိး “ပှၤလၢအတမ့ၢ် ယပှၤဂီၢ်မုၢ်ဘၣ်န့ၣ်+ ယကကိးလၢ ‘ယပှၤဂီၢ်မုၢ်’ ဒီးပိာ်မုၣ်လၢအတဘၣ် တၢ်အဲၣ်အီၤဘၣ်န့ၣ် ယကကိးအီၤလၢ ‘ပိာ်မုၣ်လၢယအဲၣ်အီၤ’+ လီၤ. ၂၆ ဒီးဖဲတၢ်လီၢ်လၢ ယတဲအဝဲသ့ၣ်လၢ ‘သုတမ့ၢ်ယပှၤဂီၢ်မုၢ်ဘၣ်’ န့ၣ်ယကကိး အဝဲသ့ၣ်လၢ ‘ကစၢ်ယွၤလၢ အမူဝဲတဂၤ အဖိခွါတဖၣ်လီၤ.’”+
၂၇ တကးဒံးဘၣ် ဘၣ်ဃးဒီး ပှၤအံၣ်စရ့လးဖိန့ၣ် ဝံယၡါယၤ ကိးပသူထီၣ်ဝဲလၢ “ပှၤအံၣ်စရ့လးဖိတဖၣ် အနီၣ်ဂံၢ်မ့ၢ်အါထဲသိးဒီး ပီၣ်လဲၣ်အမဲးတဖၣ် ဘၣ်ဆၣ် ကဘၣ်တၢ်အုၣ်က့ၤခီၣ်က့ၤအီၤ ထဲစှၤဂၤလီၤ.*+ ၂၈ ယဟိဝၤယွၤ* ကစံၣ်ညီၣ်ဟီၣ်ခိၣ် ဒီးအကမၤဝံၤဝဲချ့ချ့လီၤ.”+ ၂၉ ဒီးဒ်ဝံယၡါယၤ တဲဆိပာ်စၢၤဝဲအသိး “တၢ်သုးမုၢ်ဂီၢ်မုၢ် အကစၢ် ယဟိဝၤယွၤ မ့ၢ်တဒုးပူၤဖျဲး တၢ်အချံအသၣ်လၢ ပဂီၢ်ဘၣ်န့ၣ် ပကကဲထီၣ်ဒ် ဝ့ၢ်စဒိၣ်ဒီးဂမိရၤ အသိးလီၤ.”+
၃၀ မ့မ့ၢ်ဒ်န့ၣ်န့ၣ် ပကတဲဒ်လဲၣ်. ပှၤကလုာ်တဖၣ် တဃုတၢ်တီတၢ်လိၤဘၣ်. ဘၣ်ဆၣ် မ့ၢ်လၢ အဝဲသ့ၣ် ပာ်ဖျါထီၣ်တၢ်နာ် အဃိ+ ကစၢ်ယွၤထံၣ်အဝဲသ့ၣ်ဒ် ပှၤတီပှၤလိၤအသိးလီၤ.+ ၃၁ မ့မ့ၢ် ပှၤအံၣ်စရ့လးဖိန့ၣ် လူၤတၢ်သိၣ်တၢ်သီလၢ တၢ်ကပာ်တီပာ်လိၤအဝဲသ့ၣ်အဂီၢ် ဘၣ်ဆၣ် လူၤဝဲတန့ၢ်ဘၣ်. ၃၂ ဘၣ်မနုၤအဃိလဲၣ်. မ့ၢ်လၢအဝဲသ့ၣ် တလူၤအီၤခီဖျိလၢ တၢ်နာ်အဃိဘၣ်, မ့မ့ၢ် လၢတၢ်မၤတဖၣ် အဃိလီၤ. ဒီးအဝဲသ့ၣ်အခီၣ်ဘၣ်တိၢ်လၢ “တၢ်ဘၣ်တိၢ်အလၢၢ်တဖျၢၣ်” လီၤ.+ ၃၃ ဒ်တၢ်ကွဲးအသးအိၣ်ဝဲအသိး “လၢစံယိၣ်အပူၤန့ၣ် ယကပာ်လီၤ တၢ်ဘၣ်တိၢ်အလၢၢ်တဖျၢၣ်+ ဒီးတၢ်မၤလီၤဃံၢ်အလၢၢ်တဖျၢၣ်လီၤ. ဘၣ်ဆၣ် ပှၤလၢအစူၢ်က့ၤနာ်က့ၤအီၤန့ၣ် အသးတဟးဂီၤဘၣ်.”+