၆ အဃိ စီၤမိၤၡ့ တူၢ်လိာ် လ့ၣ်တဖၣ်အံၤ ဒီးကျီၢ်တဖၣ်​ ဒီးဟ့ၣ်လီၤက့ၤဝဲ ပှၤလ့ၤဝံဖိတဖၣ်လီၤ. ၇ ဒီးအဝဲ ဟ့ၣ်လီၤဝဲ စီၤက့ရၡိၣ်​ အစၢၤအသွဲၣ်တဖၣ်​ လ့ၣ်ခံခိၣ်​ ဒီးကျီၢ်ဖါလွံၢ်ဒု ဒ်အဝဲသ့ၣ်​ လိၣ်ဘၣ်ဝဲလၢ အမူဒါအဂီၢ် အသိးလီၤ.+ ၈ ဒီးအဝဲဟ့ၣ်လီၤဝဲ စီၤမရၤရံၤ အစၢၤအသွဲၣ်တဖၣ်​ လ့ၣ်လွံၢ်ခိၣ်​ ဒီးကျီၢ်ဖါဃိးဒု ဒ်အဝဲသ့ၣ်​ လိၣ်ဘၣ်ဝဲလၢ အမူဒါအဂီၢ် အသိးလီၤ. တၢ်သ့ၣ်တဖၣ်န့ၣ်​ အိၣ်ဝဲလၢ ပှၤလုၢ်တၢ်ဒိၣ်​ စီၤအၤဟရိၣ်​ အဖိခွါ စီၤအံသမၢ် အတၢ်ဟံးစုနဲၣ်ကျဲ အဖီလာ်လီၤ.+ ၉ ဘၣ်ဆၣ်​ အဝဲတဟ့ၣ်လီၤ စီၤကဃး အစၢၤအသွဲၣ်တဖၣ်​ လၢတၢ်နီတမံၤဘၣ်, မ့ၢ်လၢအဝဲသ့ၣ်​ အမူဒါတဖၣ်န့ၣ်​ မ့ၢ်တၢ်မၤလၢ အဘၣ်ထွဲလိာ်သးဒီး တၢ်စီဆှံအလီၢ်+ ဒီးအဝဲသ့ၣ်​ ဘၣ်ယိးဝဲ တၢ်လၢအစီဆှံတဖၣ်​ လၢအဖံဘၣ်ခိၣ်​ အဃိလီၤ.+

၂ ဖဲန့ၣ်အခါ စီၤဒၤဝံး တဲဝဲလၢ “ယဟိဝၤယွၤ ဃုထၢထီၣ်ပာ်စၢၤ ပှၤလ့ၤဝံဖိတဖၣ်​ လၢကယိးဝဲ ယဟိဝၤယွၤ အတလါစီဆှံ ဒီးလၢကမၤတၢ်အခ့အပှၤ အတၢ်မၤ လၢကစၢ်ယွၤအဂီၢ် ထီဘိအဃိ ထဲဒၣ်​ ပှၤလ့ၤဝံဖိတဖၣ်န့ၣ်​ ကဘၣ်ယိးဝဲ ယွၤလၢ အမ့ၢ်အတီတဂၤ အတလါစီဆှံလီၤ. ပှၤအဂၤ တဘၣ်ယိးဝဲ နီတဂၤတဂ့ၤ.”+