၈ လၢအဝဲသ့ၣ်အကျါန့ၣ်​ ပၣ်ဃုာ်ဒီး ပှၤလ့ၤဝံဖိ လၢလာ်တဖၣ်အံၤလီၤ. စီၤၡမါယၤ, စီၤနသၤနံယၤ, စီၤစဘၤဒယၤ, စီၤဧစၤအ့လး, စီၤၡမံၤရမိး, စီၤယိနာ်သၣ်, စီၤအဒိနံၤယၤ, စီၤတိၤဘံယာ် ဒီးစီၤတိအဒိၤနံယၤလီၤ. ဒီးပၣ်ဃုာ်စ့ၢ်ကီးဒီး ပှၤလုၢ်တၢ်ဒိၣ်တဖၣ်​ လၢအမ့ၢ် စီၤအလံၡမၤ ဒီးစီၤယဟိရၣ်လီၤ.+ ၉ အဝဲသ့ၣ်လဲၤစိာ်ဃုာ်ဒီး ယဟိဝၤယွၤ အလံာ်တၢ်သိၣ်တၢ်သီ+ ဒီးဟးသိၣ်လိတၢ် လၢယူဒၤဘီမုၢ်အပူၤလီၤ. ဒီးအဝဲသ့ၣ်​ လဲၤဝဲလၢ ယူဒၤအဝ့ၢ်တဖၣ်အပူၤ ဝးဝးဒီး သိၣ်လိတၢ်လၢ ပှၤဂီၢ်မုၢ်အကျါလီၤ.

၇ ပှၤလုၢ်တၢ်ဒိၣ်​ အထးခိၣ်န့ၣ်​ ကဘၣ်သိၣ်လိ ပှၤဂီၢ်မုၢ်လၢ တၢ်သ့ၣ်ညါကစၢ်ယွၤလီၤ. ဒီးမ့ၢ်လၢ ပှၤလုၢ်တၢ်ဒိၣ်န့ၣ်​ မ့ၢ်ဝဲ တၢ်သုးမုၢ်ဂီၢ်မုၢ်အကစၢ် ယဟိဝၤယွၤ အပှၤစိာ်တၢ်ကစီၣ်ဖိ အဃိ ပှၤဂီၢ်မုၢ် ကြၢးဃုသ့ၣ်ညါ တၢ်သိၣ်တၢ်သီ* လၢအအိၣ်လီၤ.+