၁၆ ဖဲစီၤဒၤဝံး ကွၢ်ထီၣ်တၢ်အခါ အထံၣ်ဘၣ်ဝဲ ယဟိဝၤယွၤ အမူခိၣ်ကလူးလၢ တၢ်ဖးဖီ* လၢအစိာ်နးတဘ့ၣ်လၢ+ အစုပူၤ လၢအယူာ်ဃီၤအသး လိၤလိၤလၢ ဝ့ၢ်ယရူၤၡလ့ၣ်လီၤ. ဖဲန့ၣ်န့ၣ်​ စီၤဒၤဝံး ဒီးပှၤသူၣ်က့သးပှၢ် လၢအသိးဝဲ ထၢၣ်တၢ်ကံးညာ်တဖၣ်န့ၣ်*+ ထိၣ်လီၤပှီၤအသး တဘျီဃီဒီး ကျးလီၤအမဲာ်လၢ ဟီၣ်ခိၣ်လိၤလီၤ.+ ၁၇ စီၤဒၤဝံးတဲဘၣ်​ ယွၤလၢအမ့ၢ်အတီတဂၤလၢ “ပှၤတဖၣ်အံၤ* မၤကမၣ်ဘၣ်​ တၢ်မနုၤလဲၣ်. ပှၤလၢအမၢ ပှၤဂံၢ်ပှၤဂီၢ်မုၢ် အနီၣ်ဂံၢ်န့ၣ်​ တမ့ၢ်ယၤဧီၤ. ပှၤလၢအမၤတၢ်ဒဲးဘး ဒီးမၤကမၣ်တၢ်န့ၣ်​ အကဲယၤလီၤ.+ အိ ယကစၢ် ယဟိဝၤယွၤဧၢ, ဝံသးစူၤ မ်နသိၣ်ဃီၣ်​ ထဲယၤဒီး ယပၢ်အဒူၣ်ဖိထၢဖိ တဖၣ်တက့ၢ်. တဘၣ်ဒုးလီၤ တၢ်သိၣ်ဃီၣ်အံၤ လၢနပှၤဂီၢ်မုၢ် အလိၤတဂ့ၤ.”+