၁၈ ယဟိဝၤယွၤ အမူခိၣ်ကလူး တဲဘၣ်​ ဝံကး+ လၢအကလဲၤ တဲဘၣ်​ စီၤဒၤဝံးလၢ စီၤဒၤဝံး ကဘၣ်လဲၤ သူၣ်ထီၣ်​ တၢ်လုၢ်လီၢ်တခါ လၢယဟိဝၤယွၤအဂီၢ် လၢပှၤယဘူၣ်ဖိ စီၤအၤရနၤ အကြဲၢ်ပူၤလီၤ.+ ၁၉ အဃိ စီၤဒၤဝံးလဲၤထီၣ်ဝဲ ဒ်ဝံကးတဲအီၤ ဒီးဒ်ယဟိဝၤယွၤ မၤလိာ်ဝဲ ခီဖျိ ဝံကးအသိးလီၤ. ၂၀ ဒီးဖဲစီၤအၤရနၤ ယီၢ်ဘုကၠူၣ်​ အခါ အဝဲဃၣ်ဃီၤအသး ဒီးထံၣ်ဘၣ်မူခိၣ်ကလူးလီၤ. ဒီးစီၤအၤရနၤ အဖိခွါလွံၢ်ဂၤ လၢအအိၣ်ဒီးအီၤန့ၣ်​ အိၣ်ခူသူၣ်အသးလီၤ. ၂၁ ဖဲစီၤဒၤဝံး လဲၤထီၣ်လၢ စီၤအၤရနၤ အအိၣ်အခါ စီၤအၤရနၤ ကွၢ်လီၤတၢ်ဒီး အထံၣ်ဝဲ စီၤဒၤဝံးလီၤ. ဒီးအဝဲလဲၤလီၤဝဲ တဘျီဃီ ဒီးထိၣ်လီၤပှီၤအသး လၢဟီၣ်ခိၣ်လိၤ လၢစီၤဒၤဝံး အမဲာ်ညါလီၤ. ၂၂ စီၤဒၤဝံး တဲဘၣ်​ စီၤအၤရနၤလၢ “ဒ်သိး တၢ်သိၣ်ဃီၣ်​ သုတဘၣ်ပှၤဂီၢ်မုၢ် လၢၤတဂ့ၤအဂီၢ် ယကတ့ထီၣ်​ တၢ်လုၢ်လီၢ်လၢ ယဟိဝၤယွၤအဂီၢ် လၢနကြဲၢ်အလီၢ်အဃိ ဆါန့ၢ်ယၤ နကြဲၢ်အလီၢ် ဒ်အကြၢးဒီး အပှ့ၤအသိးတက့ၢ်.”+ ၂၃ ဘၣ်ဆၣ်​ စီၤအၤရနၤတဲဘၣ်​ စီၤဒၤဝံးလၢ “ကစၢ်စီၤပၤဧၢ, ဟံးန့ၢ်ခီလီအီၤ ဒီးကွၢ်ဖဲ နအဲၣ်ဒိးမၤန့ၣ်​ မၤဟီ. အအံၤ ယဟ့ၣ်လီၤနၤ ကျီၢ်တဖၣ်လၢ တၢ်လုၢ်ဒွဲၣ်အူအဂီၢ်, နီၣ်ယီၢ်ဘု+ လၢနကသူအီၤ ဒ်သ့ၣ်မုၣ်အသိး ဒီးဘုကၠူၣ်လၢ တၢ်လုၢ်ဘု အဂီၢ်ခဲလၢာ်လီၤ.”

၃ ဒီးစီၤၡလိၤမိၤတ့ထီၣ်​ ဟံၣ်လၢ ယဟိဝၤယွၤအဂီၢ်+ လၢကစၢၢ်မိၤရံယၤအလိၤ+ လၢဝ့ၢ်ယရူၤၡလ့ၣ်အပူၤ ဖဲတၢ်လီၢ်လၢ စီၤဒၤဝံး ကတဲာ်ကတီၤပာ်စၢၤဝဲလၢ ပှၤယဘူၣ်ဖိ စီၤအၤရနၤ အကြဲၢ်ပူၤန့ၣ်လီၤ.+ ဖဲန့ၣ်န့ၣ်​ ယဟိဝၤယွၤ လီၣ်ဖျါထီၣ်တ့ၢ်အသးလၢ အပၢ်စီၤဒၤဝံး အအိၣ်လီၤ.+