၁၁ စီၤအၤစါ အဂ့ၢ် စးထီၣ်လၢအခီၣ်ထံး တုၤလၢအကတၢၢ်န့ၣ်​ ဘၣ်တၢ်ကွဲးလီၤအီၤလၢ ယူဒၤဒီးအံၣ်စရ့လး အစီၤပၤတဖၣ်​ အလံာ်ပူၤလီၤ.+

၁၂ ဖဲစီၤအၤစါ ပၢတၢ် ၃၉ နံၣ်တနံၣ်န့ၣ်​ တၢ်ဆါတခါ အိၣ်ထီၣ်လၢ အခီၣ်လိၤအဃိ လၢခံ အဝဲဆိးက့နးမးလီၤ. ဘၣ်ဆၣ်​ ဖဲအဆိးက့အခါဒၣ်လဲာ် အဝဲတဃ့ တၢ်မၤစၢၤလၢ ယဟိဝၤယွၤ အအိၣ်ဘၣ်, အဝဲဃ့ တၢ်မၤစၢၤလၢ ကသံၣ်သရၣ်တဖၣ်* အအိၣ်လီၤ. ၁၃ လၢခံ စီၤအၤစါ သံဝဲဒ် အမိၢ်ပၢ်ဖံဖု လၢပျၢၤတဖၣ်အသိးလီၤ.+ အဝဲသံဝဲဖဲ အပၢတၢ် ၄၁ နံၣ်အနံၣ်လီၤ. ၁၄ အဃိ ပှၤပာ်လီၤအီၤလၢ လီၢ်မံတခါအလိၤလၢ အပှဲၤဝဲဒီး သ့ၣ်စရံအထုး ဒီးတၢ်နၢမူနၢဆှီ အကလုာ်ကလုာ် ဃါဃုာ်အသး ဒ်သိနၢမူလီၤလီၤဆီဆီ တခါအသိးလီၤ.+ ဒီးပှၤခူၣ်လီၤအီၤလၢ အသွၣ်ခိၣ်လၢ အလီၤဘီလီၤမုၢ် လၢအခူၣ်လီၤပာ်ဝဲ လၢအနီၢ်ကစၢ်အဂီၢ် ဖဲစီၤဒၤဝံး အဝ့ၢ်ပူၤလီၤ.+ ဒီးအဝဲသ့ၣ်​ မၤကဲၤထီၣ်​ မ့ၣ်အူဖးဒိၣ်တပူၣ်​ ဒ်သိး ကမၤလၤကပီၤအီၤ အဂီၢ်လီၤ.