၂၈ စီၤပၤတဲသကိးတၢ်ဒီး အပှၤဟ့ၣ်ကူၣ်တၢ်တဖၣ်​ ဝံၤဒီး အဝဲတ့ထီၣ်​ ကျီၢ်ထူဖိခံဒု+ ဒီးတဲပှၤဂီၢ်မုၢ်တဖၣ်လၢ “အိ အံၣ်စရ့လးသ့ၣ်ဧၢ, သုဘၣ်လဲၤတၢ်လၢ ဝ့ၢ်ယရူၤၡလ့ၣ်န့ၣ်​ ကီတလၢ လၢသုဂီၢ်မီၤ. သုကစၢ်ယွၤလၢ အဒုးဟးထီၣ်သုလၢ ကီၢ်အဲၤကူပတူး အပူၤန့ၣ်​ အိၣ်လၢအံၤ.”+ ၂၉ ဒီးအဝဲပာ်လီၤ ကျီၢ်ထူဖိတဒုလၢ ဝ့ၢ်ဘ့ၤသ့လးအပူၤ+ ဒီးအဝဲတဒုန့ၣ်​ အဝဲပာ်လီၤဝဲလၢ ဝ့ၢ်ဒၣ်အပူၤလီၤ.+ ၃၀ အဃိ ပှၤဂီၢ်မုၢ်တဖၣ်​ မၤတၢ်ဒဲးဘး+ ဒီးလဲၤပၢၢ်တုၤလၢ ဝ့ၢ်ဒၣ်​ ဒ်သိးကဘူၣ်ထီၣ်ဘါထီၣ်​ ကျီၢ်ထူဖိလၢ အအိၣ်ဖဲန့ၣ်တဒုလီၤ.

၃၃ တၢ်ကဲထီၣ်အသး ဒ်အံၤတဖၣ်​ ဝံၤအလီၢ်ခံဒၣ်လဲာ် စီၤယၤရၤဘၣ်​ တပာ်ပတုာ်ကွံာ် အတၢ်မၤလၢ အအၢအသီဘၣ်. လၢတၢ်န့ၣ်အလီၢ် အဝဲဃုထၢထီၣ်ဒံး ပှၤမုၢ်ဆ့ၣ်မုၢ်ဂီၤဖိလၢ ပှၤဂီၢ်မုၢ်အကျါ လၢကကဲထီၣ်​ တၢ်လီၢ်ထီၣ်ထီ အပှၤလုၢ်တၢ်ဒိၣ်တဖၣ်လီၤ.+ ပှၤတဂၤဂ့ၤ တဂၤဂ့ၤ လၢအအဲၣ်ဒိးကဲထီၣ်​ ပှၤလုၢ်တၢ်ဒိၣ်န့ၣ်​ အဝဲပာ်ထီၣ်​ အဝဲသ့ၣ်လၢ ပှၤလုၢ်တၢ်ဒိၣ်တဖၣ်​ ဒီးတဲဝဲလၢ “မ်ပှၤတဂၤအံၤ ကဲထီၣ်​ တၢ်လီၢ်ထီၣ်ထီ အပှၤလုၢ်တၢ်ဒိၣ်တက့ၢ်.”+