၁၃ ဒီးယဟိဝၤယွၤ ဆဲးဟ့ၣ်ပလီၢ် အံၣ်စရ့လး ဒီးယူဒၤအပှၤဂီၢ်မုၢ် ခီဖျိအဝံခဲလၢာ် ဒီးအပှၤထံၣ်တၢ်ထံၣ်လၢညါခီ ကိးဂၤဒဲး+ ဒီးတဲဝဲလၢ “ပာ်တ့ၢ်ကွံာ် သုတၢ်မၤလၢ အအၢအသီတဖၣ်တက့ၢ်.+ မၤထွဲ ယတၢ်မၤလိာ်တဖၣ်​ ဒီးယတၢ်ဘျၢတဖၣ်​ ဒ်တၢ်သိၣ်တၢ်သီ ခဲလၢာ်လၢ ယမၤလိာ်ပာ်စၢၤ သုမိၢ်ပၢ်ဖံဖု လၢပျၢၤတဖၣ်​ ဒီးယဆှၢန့ၢ်သု ခီဖျိ ယခ့ယပှၤလၢ အမ့ၢ်ဝံတဖၣ်တက့ၢ်.” ၁၄ ဘၣ်ဆၣ်​ အဝဲသ့ၣ်တဒိကနၣ်ဝဲဘၣ်​ ဒီးအဝဲသ့ၣ်​ အခိၣ်ကိၤ ဒ်အမိၢ်ပၢ်ဖံဖု လၢပျၢၤတဖၣ်လၢ အတပာ်ဖျါထီၣ်တၢ်နာ်လၢ အဝဲသ့ၣ်​ အကစၢ် ယဟိဝၤယွၤ အဖီခိၣ်ဘၣ်​ အသိးလီၤ.+

၁၅ အဝဲသ့ၣ်​ အမိၢ်ပၢ်ဖံဖု လၢပျၢၤတဖၣ်​ အကစၢ် ယဟိဝၤယွၤန့ၣ်​ သးကညီၤ အပှၤဂီၢ်မုၢ် ဒီးသူၣ်အိၣ်သးအိၣ်ဝဲ အတၢ်အိၣ်တၢ်ဆိး အလီၢ်အဃိ အဝဲဟ့ၣ်ပလီၢ် အဝဲသ့ၣ်​ တဘျီဝံၤတဘျီ ခီဖျိ အပှၤစိာ်တၢ်ကစီၣ်ဖိတဖၣ်​ တလီၢ်လီၢ်လီၤ. ၁၆ ဘၣ်ဆၣ်​ အဝဲသ့ၣ်​ တဲဆါယွၤလၢ အမ့ၢ်အတီ အပှၤစိာ်တၢ်ကစီၣ်ဖိတဖၣ်+ ဒီးအဝဲသ့ၣ်​ တပာ်ကဲကစၢ်ယွၤ အတၢ်ကတိၤတဖၣ်ဘၣ်.+ ဒီးအဝဲသ့ၣ်​ တဲဆဲးအဲး ယွၤအဝံတဖၣ်+ တုၤလၢ ယဟိဝၤယွၤ အတၢ်သးဒိၣ်လီၤဘၣ်​ အပှၤဂီၢ်မုၢ်+ ဒီးအဝဲသ့ၣ်​ အတၢ်မုၢ်လၢ် တအိၣ်လၢၤဘၣ်.

၂၅ ဒီးတၢ်မၤအသးဒ်န့ၣ် စးထီၣ်မုၢ်နံၤလၢ သုမိၢ်ပၢ်ဖံဖု လၢပျၢၤတဖၣ် ဟးထီၣ်ကွံာ်လၢ ကီၢ်အဲၤကူပတူး တုၤလၢ မုၢ်မဆါတနံၤအံၤလီၤ.+ အဃိ ယဆှၢလီၤ ယခ့ယပှၤခဲလၢာ် လၢအမ့ၢ် ဝံတဖၣ်လၢ သုအိၣ် တနံၤဝံၤတနံၤ တဘျီဝံၤတဘျီလီၤ.+ ၂၆ ဘၣ်ဆၣ် အဝဲသ့ၣ် တဒိကနၣ် ယကလုၢ်ဘၣ် ဒီးတကနၣ်ဃုာ်တၢ်ဘၣ်.+ အဝဲသ့ၣ်အခိၣ်ကိၤ ဒီးမၤတၢ်အၢ ဒိၣ်န့ၢ်ဒံး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်လီၤ.