၉ “ဒ်သိး သုသုတသးပ့ၤနီၣ်​ တၢ်လၢသုထံၣ်ဘၣ်အီၤ လၢသုမဲာ်တဂ့ၤ ဒီးဒ်သိး အသုတလီၤမၢ်ကွံာ် လၢသုသးပူၤ လၢသုတၢ်အိၣ်မူ ဒီတစိၤတဂ့ၤအဂီၢ် ပလီၢ်သုသးတက့ၢ်. ဒီးသုကဘၣ်​ ဒုးသ့ၣ်ညါ သုဖိသုလံၤတဖၣ်​ လၢတၢ်ဂ့ၢ်တဖၣ်န့ၣ်လီၤ.+

၆ တၢ်ကတိၤလၢ ယမၤလိာ်နၤ လၢတနံၤအံၤန့ၣ်​ ကဘၣ်အိၣ်လၢ နသးပူၤ ၇ ဒီးနကဘၣ်ကွဲးလီၤ* တၢ်ကတိၤတဖၣ်အံၤလၢ နဖိတဖၣ်​ အသးလိၤ+ ဒီးဖဲနဆ့ၣ်နီၤလၢ နဟံၣ်ပူၤ အခါမ့ၢ်ဂ့ၤ, ဖဲနဟးလၢ ကျဲအခါမ့ၢ်ဂ့ၤ, ဖဲနမံနီၤအခါမ့ၢ်ဂ့ၤ, ဖဲနဂဲၤထၢၣ်​ အခါမ့ၢ်ဂ့ၤ နကဘၣ်တဲဘၣ်​ အဝဲသ့ၣ်​ ဘၣ်ဃးဒီး တၢ်ကတိၤတဖၣ်အံၤလီၤ.+

၂၁ ဖဲန့ၣ်အခါ သုကဘၣ်တဲ သုဖိခွါတဖၣ်လၢ ‘လၢညါ ပဘၣ်ကဲ ဖၤရိၤအကုၢ်လၢ ကီၢ်အဲၤကူပတူး အပူၤလီၤ. ဘၣ်ဆၣ်​ ယဟိဝၤယွၤ ထုးထီၣ်ကွံာ်ပှၤ လၢကီၢ်အဲၤကူပတူး အပူၤ လၢစုလၢ အဂံၢ်ဆူၣ်ဘါဆူၣ်လီၤ.

၁၈ “သုကဘၣ်တိၢ်နီၣ်ဃာ် ယတၢ်ကတိၤတဖၣ်အံၤ လၢသုသးအပူၤ ဒီးလၢသုတၢ်ဆိကမိၣ်အပူၤ ဒီးစၢဃာ်အီၤလၢ သုစုလိၤ ဒ်တၢ်ဒုးသ့ၣ်နီၣ်ထီၣ်တၢ် တမံၤအသိးလီၤ. ဒီးတၢ်ကတိၤတဖၣ်အံၤကဘၣ်မ့ၢ် ဒ်ခိၣ်ကျီၤလၢ သုမဲာ်တူၢ်ခိၣ်​ အလိၤလီၤ.+ ၁၉ ဖဲနဆ့ၣ်နီၤလၢ နဟံၣ်ပူၤအခါမ့ၢ်ဂ့ၤ, ဖဲနဟးလၢ ကျဲအခါမ့ၢ်ဂ့ၤ, ဖဲနမံနီၤအခါမ့ၢ်ဂ့ၤ, ဖဲနဂဲၤထၢၣ်အခါမ့ၢ်ဂ့ၤ နကဘၣ်တဲဒီးသိၣ်လိ နဖိတဖၣ်​ လၢတၢ်ကတိၤတဖၣ်အံၤလီၤ.+

၆ လၢၢ်သ့ၣ်တဖၣ်အံၤ ကကဲထီၣ်တၢ်ပနီၣ်​ လၢသုကျါန့ၣ်လီၤ. လၢခံသုဖိတဖၣ်​ မ့ၢ်သံကွၢ်သုလၢ ‘ဘၣ်မနုၤအဃိ သုဘၣ်ပာ်လီၤ လၢၢ်တဖၣ်အံၤ ဖဲအံၤလဲၣ်’ န့ၣ်+ ၇ သုကဘၣ်တဲ အဝဲသ့ၣ်လၢ ‘မ့ၢ်လၢ ထံကျိယၢ်ဒ့ၣ်အထံ ပတုာ်ယွၤလီၤဝဲလၢ ယဟိဝၤယွၤ အတၢ်အၢၣ်လီၤအီလီၤ အတလါ အမဲာ်ညါအဃိလီၤ.+ ဖဲပှၤယိးတလါအံၤ ဒီးခီဂာ်ထံကျိယၢ်ဒ့ၣ်အခါ ထံကျိယၢ်ဒ့ၣ်​ အထံပတုာ်ယွၤလီၤဝဲလီၤ. ဒီးလၢၢ်တဖၣ်အံၤ ကကဲထီၣ်​ တၢ်သ့ၣ်နီၣ်လၢ ပှၤအံၣ်စရ့လးဖိအဂီၢ် လီၤထူလီၤယိာ်လီၤ.’”+