၂၆ ဖဲစီၤစီလူး လဲၤတုၤဝဲလၢ ကစၢၢ်အခါ စီၤဒၤဝံးဒီးအပှၤတဖၣ်န့ၣ်​ အိၣ်ဝဲလၢ ကစၢၢ်တဖျၢၣ်အံၤ အဝၢ်ခီလီၤ. အဃိ စီၤဒၤဝံး ကရီလဲၤဝဲချ့ချ့ ဒ်သိးအကပူၤဖျဲးဒီး+ စီၤစီလူးအဂီၢ်လီၤ. ဘၣ်ဆၣ်​ စီၤစီလူး ဒီးအပှၤတဖၣ်​ လူၤဝဲ စီၤဒၤဝံးဒီးအပှၤတဖၣ်​ ဒံးယံာ်ဒံးဘူးထီၣ်​ တုၤလၢ အဘူးကဖီၣ်န့ၢ် အဝဲသ့ၣ်ညါလီၤ.+ ၂၇ ဘၣ်ဆၣ်​ ပှၤစိာ်တၢ်ကစီၣ်ဖိတဂၤ ဟဲတဲစီၤစီလူးလၢ “ပှၤဖလ့ၡသးဖိ ဟဲနုာ်လီၤဒုးပကီၢ်လံ အဃိ ဟဲက့ၤမ့ၢ်ချ့သၢၤ.” ၂၈ ဖဲန့ၣ်ဒီး စီၤစီလူး က့ၤဝဲဒ်သိးကလဲၤသဂၢၢ် ပှၤဖလ့ၡသးဖိ ဒီးအဝဲတလူၤ စီၤဒၤဝံးလၢၤဘၣ်.+ အဃိ တၢ်လီၢ်တတီၤန့ၣ်​ ဘၣ်တၢ်ကိးအမံၤလၢ စ့လၤဟးမၤဃလကိးလီၤ.*

၂၁ ပိာ်ခွါတဖၣ်န့ၣ်​ ဟးထီၣ်ကွံာ်ဝံၤအလီၢ်ခံ စီၤအဃံမဧး ဒီးစီၤယိနၤသၣ်​ ဟးထီၣ်ကွံာ်လၢ ထံကမျၢပူၤ ဒီးလဲၤလၢ စီၤပၤဒၤဝံး အအိၣ်လီၤ. အဝဲသ့ၣ်တဲဘၣ်​ စီၤဒၤဝံးလၢ တၢ်လၢစီၤအဃံသဖ့ၤလး ကူၣ်ထီၣ်ဝဲတဖၣ်​ ဒီးတဲအီၤလၢ “လဲၤခီဂာ်ထံကျိ မ့ၢ်ချ့ဟီ.”+ ၂၂ တဘျီဃီန့ၣ်​ စီၤဒၤဝံး ဒီးပှၤလၢအအိၣ်ဒီးအီၤတဖၣ်​ လဲၤခီဂာ်ဝဲ ထံကျိယၢ်ဒ့ၣ်လီၤ. ဖဲမုၢ်ဝါထီၣ်အခါ အဝဲသ့ၣ်​ လဲၤခီဂာ်ဝဲ ထံကျိယၢ်ဒ့ၣ်​ ဝံၤဝဲကိးဂၤဒဲးလီၤ.