၂၉ ဒီးကစၢ်ယွၤ တဲဝဲလၢ “လၢဟီၣ်ခိၣ်ဒီဘ့ၣ်န့ၣ်​ ယဟ့ၣ်လီၤသုလၢ တၢ်မုၢ်တၢ်ဘိခဲလၢာ်လၢ အအိၣ်ဒီးအချံ ဒီးသ့ၣ်ခဲလၢာ်လၢ အသၣ်ထီၣ်တၤသၣ်လၢ အအိၣ်ဒီး အချံတဖၣ်န့ၣ်လီၤ. မ်အကဲထီၣ်​ တၢ်အီၣ်လၢ သုဂီၢ်တက့ၢ်.+

၃ ကယဲၢ်ဆၣ်ဖိကီၢ်ဖိ လၢအဟူးအဂဲၤ လၢအမူဝဲန့ၣ်​ သုအီၣ်အီၤသ့လီၤ.+ ယဟ့ၣ်လီၤသုလၢ အဝဲသ့ၣ်ခဲလၢာ် ဒ်ယဟ့ၣ်လီၤသု တၢ်မုၢ်တၢ်ဘိ အလါဟ့တဖၣ်​ အသိးလီၤ.+

 ၃ အိ ယဟိဝၤယွၤဧၢ, ပှၤဟီၣ်ခိၣ်ဖိ မ့ၢ်တၢ်မနုၤလၢ နကပာ်သူၣ်ပာ်သးအီၤ အဂီၢ်လဲၣ်.+

ဒီးပှၤကညီဖိခွါ မ့ၢ်တၢ်မနုၤလၢ နကသးအိၣ်အီၤ အဂီၢ်လဲၣ်.

၂၅ “ဘၣ်ဃးဒီးတၢ်ဂ့ၢ်တခါအံၤန့ၣ်​ ယကတဲဘၣ်သုလၢ သုကအီၣ်ဘၣ်ဒ်လဲၣ်​ သုကအီဘၣ်ဒ်လဲၣ်န့ၣ်​ ဘၣ်ယိၣ်တၢ်လၢ သုသးသမူအဂီၢ် လၢၤတဂ့ၤ. ဒီးလၢသုနီၢ်ခိအဂီၢ် သုကကူကကၤဘၣ်+ ဒ်လဲၣ်ဒ်လဲၣ်န့ၣ်​ ဘၣ်ယိၣ်တၢ်လၢၤတဂ့ၤ.+ သးသမူန့ၣ်​ အလုၢ်အပှ့ၤဒိၣ်န့ၢ်ဒံး တၢ်အီၣ်တၢ်အီ ဒီးတၢ်ကူတၢ်ကၤတဖၣ်​ တမ့ၢ်ဧီၤ.+

၃၀ ပှၤလၢ အတၢ်နာ်စှၤသ့ၣ်ဧၢ, တၢ်မုၢ်တၢ်ဘိန့ၣ်​ မဲထီၣ်လၢ တၢ်ပျီပူၤတနံၤအံၤ ဒီးခဲမုၢ်ဆ့ၣ်​ ကဘၣ်​ တၢ်တၢၤလီၤကွံာ်အီၤလၢ မ့ၣ်အူအပူၤလီၤ. ဘၣ်ဆၣ်​ ကစၢ်ယွၤ မ့ၢ်ဒုးကူဒုးကၤအီၤ ထဲထဲအံၤညါဒီး မ့မ့ၢ်သုဝဲသ့ၣ်န့ၣ်​ ဒ်သိး သုကကူကကၤဘၣ်အဂီၢ် ကစၢ်ယွၤ ကသးအိၣ်သု အါန့ၢ်အန့ၣ်​ တမ့ၢ်ဧီၤ.

၁၆ “ကစၢ်ယွၤအဲၣ်​ ပှၤဟီၣ်ခိၣ်ဖိ* ဒိၣ်မးတုၤလၢ အဟ့ၣ်လီၤကွံာ်ဝဲ အဖိခွါနီၢ်နီၢ် ထဲတဂၤဧိၤ+ ဒ်သိး ပှၤလၢ အစူၢ်က့ၤနာ်က့ၤအီၤန့ၣ်​ အသုတတုၤလၢ တၢ်ဟးဂီၤတဂ့ၤ ဒီးကန့ၢ်ဘၣ်​ တၢ်မူအထူအယိာ် ကိးဂၤဒဲးအဂီၢ်လီၤ.+

၁၇ ဘၣ်ဆၣ်​ အဝဲဟ့ၣ်​ တၢ်အုၣ်အသး ဘၣ်ဃးဒီး အနီၢ်ကစၢ်အဂ့ၢ်+ ခီဖျိလၢ အဝဲမၤဂ့ၤတၢ်အဃိလီၤ. အဝဲဒုးစူၤလီၤတၢ်လၢ မူခိၣ်လၢသုဂီၢ် ဒီးဒုးသၣ်ထီၣ်​ တၤသူတၤသၣ်​ ဘၣ်ဆၢဘၣ်ကတီၢ်,+ အဝဲဟ့ၣ်သု တၢ်အီၣ်တၢ်အီ အါအါဂီၢ်ဂီၢ် ဒီးမၤပှဲၤသုသးလၢ တၢ်သူၣ်ဖှံသးညီလီၤ.”+

၆ ဘၣ်ဆၣ် တၢ်ကွဲးအသးအိၣ်ဝဲတတီၤဖဲ ပှၤအုၣ်အသးတဂၤ တဲဝဲလၢ “ပှၤဟီၣ်ခိၣ်ဖိ မ့ၢ်တၢ်မနုၤလၢ နကသ့ၣ်နီၣ်အီၤလဲၣ် ဒီးပှၤကညီဖိခွါ မ့ၢ်တၢ်မနုၤလၢ နကကွၢ်ထွဲအီၤအဂီၢ်လဲၣ်.+ ၇ နဒုးကဲထီၣ်အီၤလၢ အပတီၢ်ဖုၣ်န့ၢ်ဒံး မူခိၣ်ကလူးတဖၣ်တစဲး ဒီးနဟ့ၣ်လီၤအီၤလၢ တၢ်လၤကပီၤဒီး တၢ်ကဟုကညီၢ်လီၤ. ဒီးနပာ်ထီၣ်အီၤလၢ နစုတၢ်ဘၣ်တ့တဖၣ် အဖီခိၣ်လီၤ. ၈ ဒီးနပာ်လီၤ တၢ်ခဲလၢာ်လၢ အခီၣ်အဖီလာ်လီၤ.”+ မ့ၢ်လၢ ကစၢ်ယွၤ ပာ်တၢ်ခဲလၢာ်လၢ အဖီလာ်အဃိ+ တၢ်လၢအတအိၣ်လၢ အဖီလာ်ဘၣ်န့ၣ်+ တအိၣ်နီတမံၤဘၣ်. ဘၣ်ဆၣ် ခဲအံၤန့ၣ် ပတထံၣ်ဘၣ်လၢ တၢ်ခဲလၢာ်အိၣ်လၢ ယ့ၣ်ၡူးအဖီလာ်ဒံးဘၣ်.+