၂၀ ယွၤလၢအမ့ၢ်အတီ+ အပှၤစီၤအလံၤၡါ အပှၤမၤစၢၤတၢ် လၢအမ့ၢ် စီၤက့ၤဃစံန့ၣ်+ တဲလီၤအသးလၢ ‘ယကစၢ် တတူၢ်လိာ် တၢ်လၢ ပှၤစူၤရံဖိ စီၤနဧၤမၣ်+ ဟဲစိာ်ဝဲဘၣ်​ ဒီးပျဲက့ၤခီလီအီၤလီၤ. အဃိ ယအၢၣ်လီၤလၢ ယဟိဝၤယွၤ လၢအမူဝဲတဂၤ အမဲာ်ညါလၢ ယကလဲၤလူၤအီၤ ဒီးဟံးန့ၢ်တၢ်တမံၤမံၤလၢ အအိၣ်လီၤ.’ ၂၁ အဃိ စီၤက့ၤဃစံ လဲၤလူၤဝဲ စီၤနဧၤမၣ်လီၤ. ဖဲစီၤနဧၤမၣ်​ ထံၣ်ဝဲလၢ ပှၤတဂၤ ဟဲဃ့ၢ်လၢအလီၢ်ခံအခါ အဝဲစံၣ်လီၤလၢ အလ့ၣ်ကဟၣ်အပူၤလီၤ. အဝဲထံၣ်လိာ်သးဒီးအီၤ ဒီးတဲဝဲလၢ “တၢ်ကီတၢ်ခဲ အိၣ်တမံၤမံၤဧါ.” ၂၂ စီၤက့ၤဃစံ တဲဆၢဝဲလၢ “တအိၣ်နီတမံၤဘၣ်. ဘၣ်ဆၣ်​ ယကစၢ်ဆှၢလီၤယၤ ဒီးတဲဝဲဒ်အံၤ, ‘ပှၤသးစၢ်ခံဂၤလၢ အ့ဖရဲၣ်​ ကစၢၢ်ကလိကျါ ဟဲတုၤလၢ ယအိၣ်ခဲအံၤ ဒီးအဝဲသ့ၣ်​ ပၣ်ဃုာ်လၢ ဝံအဖိခွါတဖၣ်​ အကျါလီၤ. အဃိဝံသးစူၤ ဟ့ၣ်လီၤအဝဲသ့ၣ်​ စ့ညၣ်တတၤလၣ်* ဒီးတၢ်ကူတၢ်သိး ခံစူၣ်တက့ၢ်.’”+

၁၁ ပှၤတဂၤလၢ အမၤန့ၢ် တၢ်ထူး တၢ်တီၤတဖၣ်လၢ တၢ်တတီတလိၤအပူၤန့ၣ်+ လီၤဂာ်ဒ်သိးဒီး ထိၣ်ဘှၢၣ်တဘ့ၣ်လၢ အဟုဒံၣ်တဖၣ်လၢ အဝဲတဒံၣ်လီၤဝဲဘၣ်လီၤ.

၉ ဘၣ်ဆၣ် ပှၤလၢ အပာ်လီၤအသးလၢ ကကဲထီၣ် ပှၤထူးပှၤတီၤန့ၣ် ကလီၤဘၣ်လၢ တၢ်လ့ပစီအပူၤ ဒီးလၢပျံၤသကွီၤအပူၤလီၤ.+ ဒီးအဝဲသ့ၣ်ကလီၤဘၣ်လၢ တၢ်သူၣ်လီသးကွံတဖၣ်လၢ အဘျုးတအိၣ်ဘၣ်လၢ အကမၤဘၣ်ဒိဘၣ်ထံး အဝဲသ့ၣ်လီၤ. ဒီးတၢ်သူၣ်လီသးကွံတဖၣ်အံၤ ထုးလီၤကွံာ်အဝဲသ့ၣ်ဆူ တၢ်နးတၢ်ဖှီၣ် ဒီးတၢ်ဟးဂီၤအပူၤလီၤ.+