ပှၤတကလုာ်န့ၣ် ဒုးကဲထီၣ် ဘၤဘူၤလိၣ်လၢ တၢ်လီၤပျံၤလီၤဖုးအလီၢ်

အဃိ ပှၤတအိၣ်လၢ အပူၤ နီတဂၤလၢၤဘၣ်.

ပှၤကညီမ့ၢ်ဂ့ၤ ဆၣ်ဖိကီၢ်ဖိမ့ၢ်ဂ့ၤ တအိၣ်လၢၤဘၣ်,

အဝဲသ့ၣ် ဃ့ၢ်ထီၣ်ကွံာ်လၢာ်လံ.”

 ၉ ခဲအံၤ ယကကိးန့ၢ် ပှၤကလုာ်ဖးဒိၣ်တဖၣ်လၢ အပာ်ဖှိၣ်ထီၣ်အသးလၢ ကီၢ်လၢကလံၤစိးတခီ

ဒီးဒုးဟဲ အဝဲသ့ၣ်လၢ ဘၤဘူၤလိၣ် အအိၣ်လီၤ.+

ဒီးအဝဲသ့ၣ် ကလဲၤဆီလီၤအသး ဒ်သိး ကဒုး ဘၤဘူၤလိၣ်အဂီၢ်

ဒီးကမၤန့ၢ် ဘၤဘူၤလိၣ်လီၤ.

အဝဲသ့ၣ် အပျၢ်တဖၣ်န့ၣ် လီၤဂာ် ဒ်သိးဒီး ပှၤသုးဖိလၢ အဂံၢ်ဆူၣ် ဘါဆူၣ် အပျၢ်တဖၣ်

လၢအမၤသံ ပှၤဖိတဖၣ်လီၤ.+

၂၇ “ဆီလီၤတၢ်ပနီၣ်အတၢၣ်လၢ သုးဖိတဖၣ် ကပာ်ဖှိၣ်ထီၣ်အသးလၢ ကီၢ်ပူၤအဂီၢ်,+

အူထီၣ်ကွဲၤလၢ ပှၤကလုာ် တဖၣ်အကျါ

ဒီးဃုထၢထီၣ် ပှၤကလုာ်တဖၣ်လၢ ကဒုးအီၤ* တက့ၢ်.

ကိးန့ၢ် ဘီမုၢ်တဖၣ် လၢအမ့ၢ် အရၤရး,+ မံးနံး, အၤၡကံနး+ လၢကလဲၤဒုးအီၤအဂီၢ်

ဒီးဟ့ၣ်လီၤ ပှၤထၢသုးဖိ မူဒါလၢ ကထၢသုးဖိအသီတဖၣ် အဂီၢ်တက့ၢ်.

၂၈ ဃုထၢထီၣ် ပှၤကလုာ်တဖၣ်လၢ ကဒုးအီၤ,

ဃုထၢထီၣ် ကီၢ်မၤဒဲအစီၤပၤတဖၣ်,+ အဝဲသ့ၣ် အပဒိၣ်ဖးဒိၣ်တဖၣ်, အပဒိၣ်ခဲလၢာ်

ဒီးကယဲၢ်ထံကီၢ်လၢ အဝဲသ့ၣ်ပၢဝဲ ခဲလၢာ်တက့ၢ်.